Yashastilaka 4.378

4.378

saṃtāpakārī mahat yatra sa tathā tasmin | punaḥ kathaṃbhūte | jvālolbaṇāśākṛti jvālāvān arcivat ulbaṇāstīvrā āśā diśaḥ karotīti jvālolbaṇāśākṛt tasmin | punaḥ kathaṃbhūte | śuṣyadbhūbhṛti śuṣyanto dahyamānāḥ bhūbhṛtaḥ parvatā yasmin sa tasmin | punaḥ kathaṃbhūte | dīpyamānaviyati dīpyamāna jājvalyamānaṃ viyadviṣṇupadaṃ yasmin sa tasmin | punaḥ kathaṃbhūte | preṅkhanmuśāmbhośruti preṅkhantī calantī mukhāmbhasaḥ mukhaprasvedajalasya śrutiḥ kṣitiryatra sa tathā tasmin | punaḥ kathaṃbhūte | saṃśuṣyatsariti samyakprakāreṇa śuṣyantyaḥ sarito yatra tasmin | punaḥ kathaṃbhūte | kvathattanūmati kvathantaḥ kvāthībhavantastanumantaḥ prāṇino yasmin sa tasmin | punaḥ kathaṃbhūte | svāntodbhavorjāhṛti svāntodbhavasya kandarpasya ūrjā balaṃ haratīti sa tasmin | grīṣme kāmabalaṃ na bhavatītyarthaḥ | punaḥ kathaṃbhūte | mahati gurutare | jyeṣṭhāṣāḍhīye ityarthaḥ | punaḥ kathaṃbhūte | kṣayāmayaciti kṣayāmayaṃ yakṣmāṇaṃ rājarogaṃ cinoti puṣṇātīti sa tasmin | jātyalaṃkāraḥ || kṛtakisalayetyādi | he rājan, tvaṃ udyānabhūmīrvanabhūmīḥ nirviśa anubhava | kaiḥ kṛtvā | priyāṇāṃ vallabhīnāṃ kucakalaśavilāsaiḥ stanaghaṭā liṅganaiḥ | kathaṃbhūtā udyānabhūmīḥ | kṛtakisalayaśayyāḥ kṛtāḥ kisalayaiḥ tarupallavaiḥ śayyāḥ śayanīyāni yāsu tāstathoktāstāḥ | punaḥ kathaṃbhūtāḥ | prāntacūtapratānāḥ prānteṣu cūtānāṃ pratānāḥ samūhā yāsu tathā tāḥ | punaḥ kathaṃbhūtāḥ | stabakaracitakuḍyāḥ stabakāḥ puṣpagucchāstai racitā nirmitāḥ kuḍyā bhittayo yāsu tāstathā tāḥ | punaḥ kathaṃbhūtāḥ | tatprasūnopahārāḥ teṣāmudyānānāṃ prasūnāni teṣāmupahārāḥ prakarā yāsu tāstathā tāḥ | punaḥ kathaṃbhūtāḥ | jalasaraṇi samīrāsārasārāḥ jalasaraṇayaḥ kṛtrimajalanadyastāsāṃ samīrāsārairvāyusamūhaiḥ sārāḥ manoharāstāstathā tāḥ | samuccayālaṃkāraḥ || vikacetyādi | he nṛpa, yoṣitāṃ kimapi apūrva kapāyaṃ kaṣāyayuktaṃ vakraṃ mukhamāsvādaya | kathaṃbhūtānāṃ yoṣitām | vikacavicakilālīkīrṇalolālakānām vikacāni vicaki-