Yashastilaka 4.471

4.471

yogyāvidhirabhyāsa āsamantād vidhānaṃ saddrūpyayogyāvidhiratasmin dhanurvedibhiḥ praśaṃsanīye abhyāsavidhāne sati | dhanvī dhanurdharo muhurvāraṃvāra dhānurdharyaguṇaṃ vimuñcati pariharati | na punarne ca bāṇaṃ vimuñcati | evaṃ kathamiti cet—lakṣyaṃ vedhyaṃ tāvat dṛṣṭipathavyatītaviṣayaṃ vartate locanayoragocaraṃ vartate | bāṇāvalī lakṣyaṃ bhittvā asmāt lakṣyāt parataḥ prasarpati dūrato gacchati | kasmāt | puṅkhānupuṅkhakramāt bāṇānāṃ puṅkhān anukṛtya (?) kramāt | kathaṃbhūtā bāṇāvalī | guṇasyūteva davarakeṇa proteva | upamālaṃkāraḥ || kodaṇḍetyādi | he nātha rājan, te tava niravadhīn bahūn śarān lakṣyagān vedhyaprāptān dṛṣṭvā devavanitāḥ antarikṣasthitā devāṅganā itthamamunā prakāreṇa vadanti jalpanti | itthaṃ kathamiti cet—he hale he sakhi, ayaṃ kṣoṇīśvaro yaśodharaḥ kiṃ pratyaṅgavinirmitekṣaṇabhujo vartate īkṣaṇe ca bhujau ca īkṣaṇabhujāḥ pratyaṅgamaṅgamaṅgaṃ prati pratyaṅgaṃ nirmitāḥ sṛṣṭā īkṣaṇabhujā yasya sa tathoktaḥ | vātha vā kiṃ indrajālakriyo vartate indrajālasya kriyā yasya sa tathā tena | kiṃ kurvataḥ | prāk mukhasāmne pṛṣṭhabhāge pakṣadvaye ca vāmadakṣiṇabhāgayoḥ prordhve cāntarikṣe adhaśca pātāle teṣāṃ viṣayāḥ | sarvā diśa ityarthaḥ | teṣu prākpṛṣṭhapakṣadvayaprordhvādhoviṣayeṣu kodaṇḍāñcanacāturīṃ kodaṇḍasya dhanuṣaḥ añcanamākarṣaṇaṃ tasya cāturī vailakṣaṇyaṃ tāṃ dhanurākarṣaṇacaturatvaṃ racayato vidadhataḥ | saṃśayālaṃkāraḥ || tvaṃ karṇa ityādi | he kṣitiramaṇa, tvaṃ bhavān kālapṛṣṭhe karṇadhanuṣi sākṣāt pratyakṣaḥ karṇaḥ arkakaunteyo bhavasi | he kṣitiramaṇa, śārṅga viṣṇucāpe tvaṃ punaḥ baliripuḥ nārāyaṇo bhavasi | he kṣitiramaṇa gāṇḍīve tvaṃ amra indro'rjuno bhavasi | he kṣitiramaṇa, pināke ca rudradhanuṣi tvaṃ sākṣāt pratyakṣaḥ haraḥ śrīmahāndevo bhavasi | evaṃvidhasya tava gāṅgeyadroṇarāmārjunanaluṣaṭkṣamāpasāmye sati gāṅgeyaśca bhīṣmaḥ, droṇaśca, rāmaḥ paraśurāmaḥ sītāpatirvā, arjunaśca, nalaśca damayantīpatiḥ, nahuṣaśca rāghavavṛpaviśeṣaḥ, ṣaṭ kṣmāpā rājānasteṣāṃ sāmyaṃ sādṛśyaṃ tasmin | kiṃ ślāghanīyaṃ praśaṃsā vartate | api tu na