Yashastilaka 4.474

4.474

pagama iva kācasya cakṣūrogaviśeṣasya kapāṭapuṭasya pracchādanasya upagame saṃbandha iva | tamasi kiṃ kurvati | samastaṃ samagramuccaṃ avaca ca nīcaṃ vastu padārtha samatāṃ tulyatāṃ nayati prāpayati | kamiva | durjanajanaceṣṭitamiva yathā durjanajanānāṃ ceṣṭitaṃ khalasamūhavyāpāraṃ uccanīca samatā nayati |
punaśca kasmin sati kavikuraṅgakaṇṭhīravanāmā sahādhyāyī vṛttāni adhijage | jagati pṛthvīmaṇḍale kṣaṇamātraṃ stokakālaṃ jāte sati utpanne sati | kathaṃbhūte | milīne vikṛte iva | puna kasbhūte | apahṛte iva muṣite iva | punaḥ kathaṃbhūte | adṛśyatopagate iva antardhiprāpte iva | punaḥ kathaṃbhūte | deśāntaranīte iva aparasthāne prāpite iva | punaḥ kathaṃbhūte | nimagna iva | punaḥ kathaṃbhūte | saṃhṛte iva pralayaṃ gate iva | punaḥ kathaṃbhūte | prajāpatipāṇipuṭapihite iva prajāpatipāṇipuṭena vihite chupite iva |
kasmin sati avikuraṅgakaṇṭhīravanāmā vṛttāni adhijage | ityamunā prakāreṇa cāraṇānā vacanānyapi ākarṇayati | kathaṃbhūtānā cāraṇānām | cetaḥprasattikāraṇānāṃ hṛdayaprasannatāhetūnām | itīti kim-
yaivāśepetyādi | yaiva dik dhāmnāṃ tejasā āspadamabhūt | kathaṃbhūtānāṃ dhāmnām | aśeṣajagacchiromaṇibhuvāṃ aśeṣasya sarvasya jagataḥ śiromaṇiḥ śrīsūryastasmāt tasmin vā bhavantīti yāni dhāmāni tāni aśeṣajagacchiromaṇibhūtāni teṣāṃ tathoktānām | tasyā eva diśastejasvinyāstamastāyate vistarati | kathaṃbhūtaṃ tamaḥ | malīmasaruciprāyaṃ malinatejaḥsadṛśam | kathaṃbhūtaṃ tamaḥ | prathamaṃ pūrva āpāṇḍu īṣadvauram | tatastadanantaraṃ kathaṃbhūtam | suranadīsaṃbhedarekhānibhaṃ suranadyāḥ 'saṃbhedaḥ sindhusaṅgama.' ityabhidhānāt yā rekhā manāgmalinatā tayā nibhaṃ sadṛśaṃ nīlavarṇaḥ | tadanu tatpaścāt | kathaṃbhūtaṃ tamaḥ ātasapuṣpakānti atasīpuṣpasadṛśānīlavarṇam | tadanu tataḥ paścātkathaṃbhūtaṃ tamaḥ | śrīkaṇṭhakaṇṭhadyuti atikṛṣṇamityarthaḥ | upamālaṃkāraḥ ||