Yashastilaka 4.375
Yaśastilaka 4.375
- Language
- Sanskrit
4.375.1
iti vaidya vidyāvilāsāparanāmabhājo rasānāṃ śuddhasaṃsargabhedena tripaṣṭivyañjanopadeśabhājaḥ sajjanabhiṣajaḥ prasūtasūktāmṛtapunaruktopadeśadaśanaṃ pratyavasānaṃ samācarata skhalajjaladhivelānilanīhārasīkarasyandasārdracandanadrumāśleṣalālasalelihānakāminīmanasi śiśiragiriguhāgṛhrotsaṅgāsīnasīmantinīkucāmṛtakumbhaparirambhanirbharanabhaścaranikare naganimnāvanīvanavihārahariṇīviṣāṇakoṇakaṇḍūyanasukhasvāponmukhakuraṅgapariṣada tīraprarūḍhaprauḍhapādapatalataraṅgiṇīsarorūhakuharaviharatkalahaṃsanivahe mahāvarāhāvagāhavigrāhyamāṇavāhinīhradasādidyādasi niḥśalyatalacciravallalollulāyaloke avicchinnacchāyāvanīdharandhrārādhanoddhurasindhuradvipi karapuṣkarāvaśeṣanadanimagnasāmajasūtkārasamīrasevyamānasaliladevatādehe romanthamantharamukhamāheyīnivahaniruddhabudhnāśvatthaśākhini kharātapatapanatāmyanmayamuktasphītaphenaphullopahāritapalvalapālīluparyante nitāntottaptāyasacūrṇasamānamārgarajasi nidāghānehasi, bhavataḥ pratāpeṣviva ca pracaṇḍībhavatsu mārtaṇḍamaṇḍaleṣu yaśaḥprasareṣvivātidīrgheṣu divaseṣu śatrusaṃtatiṣviva laghīyasīṣu rātriṣu vairimanoratheṣviva śoṣamabhilaṣatsu jalāśayeṣu sapatnapakṣeṣviva kṣīyamāṇakośadaṇḍeṣu puṇḍarīkiṇīkhaṇḍeṣu,
4.375.2
kuralālikulāva lihyamānabhūlatāntahṛdayagamam anaṅgarasottaraṅgāpāṅgāvalokasāraṇisicyamānasahucarānīkaham aravindamakarandāmodasvādimandasyandamānāśvāsānilāsarālam adharadalagarbhāvirbhūtasitaprasūnopahāritanikhiladigdeśam unmadapikapākapeśalollāpakṛtakarṇāmṛtavarṣam abhinavodvidyamānakucakuḍmalolbaṇabhujalatāmadhyam ullasallāvaṇyajalavalivāhinīvihitakhātavalayam udīrṇataranābhisaṃpāditajalakelikāpikam ananyabhūviśikhapuṅkhāmrabhāgasubhagaromarājiharitāṅkuritakulyopakaṇṭham agamābhyarṇaprasādhitamakaradhvajārādhanajaghanavedikam ucchaladanavarataratikusumaparimalopalipyamānavanadevatābhavanam upārūḍhorukadalīkāṇḍakānanaramaṇīyam alaktakaraktapādapallavanakhapuṣpaniṣpāditavihāradharāśobham apratimanijadehacchāyāpanītākhilātapasaṃtāpam uḍḍamarapuraparataśramasaṃjātasvedajalamañjarī jālajanitayantradhārāgṛhaṃ priyatamājanamiva, caraṇakisalayaprahārakrīḍābhiḥ ūrurambhāstambhaparirambhakelibhiḥ mekhalādeśadalajaśayyārohaṇavinodaiḥ tanūruharājitāpicchamañjarībhiḥ
4.375.3
nābhimaṇḍalālavālaparisarpaṇaiḥ balivallīvalayaratibhiḥ kucakusumastabakavikalpaiḥ bhujalatāliṅganavidhibhiḥ bāhutarumūladarśanakutūhalaiḥ bimbādharaphalāsvādanaprītibhiḥ apāṅgaprasavakhelitaiḥ bhrūbhaṅgapallavaprasādhanalīlābhiḥ alakavallarīparimalamanorathaiḥ kapolapulakaprasādhanaprasūnāvacitibhiḥ yauvanāraṇyavanadevatārādhanavaraprasādairivānyaiśca taistairvilāsaiḥ madanamadavinodamudyānama ticiramanubhūya, punaryatsamantāduttaralatarasaratsāraṇīsalilaseka sukumārośīrasārakaṭarbhāvirbhavaddūrvādalaśyāmalitadigvalayaṃ navāgranāgavallīpallavollāsamarābhumapūganagābhogabhartsitabhānuprabhāprasaraṃ haritamaṇiprakāśapalāśapeśāpratānacitamocamecakaruciracitāmbarāpagāparakālindīsaṃgamaṃ bālabakulakurabakatilakacampakāśokasahakārakisalayakulakheladvācālaśukasārikaṃ vikacavicakilātimuktakamallikārāmakusumastavakatārakitalatāmaṇḍapaṃ nirantaranippandadurdinajalakalaśatalavālukālavālavirūḍhayavaprarohapāṇḍuritabhittibhāgaṃ sphuṭakuḍmalapāṭalīprasūnopahārasaurabhāsvādalubdhamadhukarārabdhavalakīvādyaṃ madotkalakokakukubhakuraravakakalahaṃsādyanekavayaḥpataṅgapakṣacāpalocchalatsrojarajaḥpuñjapiñjarajalakelidīrghikāntarālapulinaprasādhitaprāsādavedimadhyasaṃbaddhasalilatūlikaṃ śayanābhyarṇāvatīrṇasuvarṇamaṇirajatabhājanavinyasyamānamalayajāgurumṛganābhikarpūraparimalodvāivāripūraṃ ' paryantayantrajaladharavarṣābhiṣicyamānasthalakamalinīkedāraṃ vividhavyālavadanavinirgalajjaladhārādhvanitalayalāsyamānabhavanāṅgaṇabarhiṇaṃ candrakāntamayamṛṇālabilasravatsrotaḥsaṃtarpyamāṇavinodavāralaṃ karaṭikaravikīyamāṇasīkarāsārasūtritāṅganālakamaktāphalābharaṇaṃ makaramukhamuktanirjharanīhārollāsyamānakāminīkucakumbhacandanasthāsakaṃ vilāsavallarīvanavānarānanodgīrṇapānīyāpanīyamānamāninīkapolatalatilakapatraṃ jaladevatātumulajalakelikalahāvalokanonmadanāradottālatāṇḍavāḍambaritaśikhaṇḍimaṇḍalīniṣṭhyūtanibiḍanīrapravāhaviḍambyamānavilāsinījaghanaṃ kṛtakanākānokahaskandhāsīna surasundarīhastodastodakāpāyamānavallabhāvataṃsakisalayāśvāsaṃ pavanakanyakoḍḍamaracāmarānilavinodyamānasurataśrāntasīmantinīmānasam
4.375.4
itastataḥ payodharapuraṃdhrikāstanakalaśavidhīyamānamajjanāvasaraṃ śaiśiryanirjitanīhāramahīdharam api ca haste spṛṣṭā nakhāntaiḥ kucakalaśataṭe cūcukaprakrameṇa vaktre netrāntarābhyāṃ śirasi kuvalayenāvataṃsārpitena śroṇyāṃ kāñcīguṇānnaistrivaliṣu ca punarnābhirandhreṇa dhīrā yantrastrī yatra citraṃ vikirati śiśirāścandanasyandadhārāḥ
Commentaries (1)
- Yaśastilakacandrikā — Śrutasāgara, Sanskrit