Yashastilaka 4.374.2

4.374.2

lānilanīhārasīkarasyandasārdracandanadrumāśleṣalālasalelihānakāminīmanasi malayācalasya candanagireryā mekhalā kaṭinī tatra skhalantī āsphālanaṃ prāpnuvantī yā jaladhivelā samudratīravikṛtistasyāḥ saṃbandhinaḥ anilanīhārasīkarāḥ śītalajalakaṇāsteṣāṃ syandena kṣaraṇena sārdrā jalaklinnā ye candanadrumāḥ śrīkhaṇḍavṛkṣāsteṣāṃ āśleṣe āliṅgane lālasamabhyākāṅkṣaṃ lelihānakāminīnāṃ kālasarpiṇīnāṃ manaścittaṃ yasmin nidāghāhne'hni sa tathā tasmin| punaḥ kathaṃbhūte | śiśiragiriguhāgṛhotsaṅgāsīnasīmantinīkucāmṛtakumbhaparirambhanirbharanabhaścaranikare śiśiragirirhimācalaparvatastasya guhāḥ kandarāṇi tānyeva gṛhāṇi upavāsitāni teṣāṃ utsaṅgeṣu aṅkeṣu āsīnā upaviṣṭā yāḥ sīmantinyaḥ kamanīyakāminyastāsāṃ kucāsta eva amṛtakumbhāḥ pīyūṣakalaśāsteṣāṃ parirambheṣu āliṅganeṣu nirbharā gāḍhatarā nabhaścaranikarā vidyādharasamūhāḥ yasmin sa tathā tasmin | punaḥ kathaṃbhūte | naganimnāvanīvanavihārahariṇīviṣāṇakoṇakaṇḍūyanasukhasvāponmukhakuraṅgapariṣada nagānāṃ nimnāvamyo nīcaistarabhūmayastāsāṃ vanāni teṣāṃ vihāreṇa paryaṭanena upalakṣitā yā hariṇyo mṛgavanitāstāsāṃ viṣāṇakoṇānāṃ śṛṅgāgrāṇāṃ kaṇḍūyanena kharjanena saṃjāto yo'sau sukhasvāpaḥ sukhanidrā tasmin unmukhā baddhotkaṇṭhā yā kuraṅgapariṣat mṛgasamūho yasmin sa tathā tasmin | punaḥ kathaṃbhūte |