Yashastilaka 4.389

4.389

kadācidviyalakṣmīkuntalakalāpakāntibhiḥ surasarinnīlikāvilāsahāsaiḥ
tridivastrīnetrāñjanavirācibhiḥ amṛtakarakuraṅgalocanacchāyaiḥ tapanaturagadūrvāṅkurasthalasṛṣṭibhiḥ khardevatābhiṣekamarakatamayakalaśamaṇḍalāvalokaiḥ vidyādharapurābhisārikāvijṛmbhaṇatimiravṛttibhiḥ saiṃhikeyasainyasamasāhasavyavasāyaiḥ khecarīcaraṇacārācaritamecakamaṇikuṭṭimābhogabhaṅgibhiḥ gaganacaramithunaratikelitamālakānanakasanīyaiḥ amaravimānamahānīlādhiṣṭhānalimpibhiḥ ambarasaraḥprasaratapaṅkapeśalaprakāśaiḥ vyomagajagaṇḍamaṇḍanamadamanohāribhiḥ viḍambitagāruḍopalaśailaśikharaśobhaiḥ upahasitaśitikaṇṭhakaṇṭhadyutibhiḥ saṃkarṣaṇavasanavānātānasundaraiḥ dyusadanadīrghikāvikasitakuvalayavanavilasadbhiḥ anaṅganāraṇyaprarūḍhatāpicchagucchagahanāvagāhirāmaiḥ avahelitaharidehadīptisaṃpattibhiḥ
śikhaṇḍitāṇḍavaprārambhapūrvaraṅgaiḥ anaṅganagapallavollāsavyasanibhiḥ proṣitapuraṃdhrikāśvāsanaprathamadūtaiḥ cātakakulakelikāribhiḥ kalahaṃsanirvāsaghoṣaṇābhinavapaṭahaiḥ kadalīdalaśyāmalitadigbhittibhirambhodharaiḥ prasavonmukhakāminīkucacūcukābhāsi nabhasi, nīlanetravitānāntarālāvalambitanirantarahārahāriṇi samantātatpatati dhārāsārasalile, vasumatītarustanaṃghayadhātryāmiva payaḥpūrṇapayodharābhogasubhagāyāṃ divi, ciratarātapatāpaduḥsthitāyāḥ kṣiteryantradhārāgāralīlāmiva bibhrati gaganamaṇḍale, vitatasitapatākāḍambareṣviva
kṣarannirjharanīreṣu giriṣu, muktāphalajālaprasādhiteṣviva syandamānavārisundaraparyanteṣu sannasu, maireyātilaṅghitāsu sīmantinīṣviva nirmaryādaśabdagamanāsu
vāhinīṣu, nidāghanivāpajalasarāveṣviva nirbharārambha sambhṛteṣu saraḥsu, samudrasalilasahasevitaurvānalajvālāvabhāsinīṣviva sphurantīṣu taḍitsu, smarapuradarārpitacāpavyāpārabhāra iva nivulārādhanadhanyadhanuṣi vijigīṣuroke, killiñcasañcayocitacañcurocamānamaukulikulākuleṣu śākhiśikhodgamadeśeṣu, nīrandhraśilindhrabandhureṣu dharābhāgeṣu, lāṅgalīprasavapāṭalimadhāmani kakupcakravāle, yūthikāprasūnaparimalavilāsiṣu śiloccayaśilāntarālaparisareṣu, ratnāṅkuraromāñcakañcukini viddūrabhūdhare, girimallikāmukulamaṇḍitaśikhaṇḍeṣu
gaṇḍaśaileṣu, suragopapracāraśoṇaśociṣi vasuṃdharāvasingleleye, sarjārjunavijayiṣu
kutkīlakuñjeṣu, manobhavabhallikākṛtiṣu ca vijṛmbhamāṇeṣu ketakīkusumapatreṣu,
api ca
unmārgāmbhasi meghamandanabhasi chatrrāṃśumattejasi
kṣubhyatsrotasi ruddhapānthatarasi sphūrjattaḍidvyasi
kaṃdarpārkasi mattakekimasi premodyate cetasi
kāle yāsi kathaṃ ca rūḍhavayasi prauḍhāṃ priyāṃ muñcasi