Yashastilaka 4.403

4.403

api ca-ko nu khalu vicāracaturacetāḥ paryāptaśauryasrotā vā
yathārthavādocite dūte vikurvīta | yato dūtoditasūtrāṇi khalu mahīpatīnāṃ
vyavahāratantrāṇi pravartante, dūtāyattaprabhavāśca saṃdhivigrahayānāsanasaṃśrayadvaidhībhāvāḥ | paryāptamathavātra paryanuyogānusāreṇa | vidita eva taveṅgitākārābhyāṃ bhavadbharturabhiprāyaḥ | devaścaiṣa yadidanti dināni tasminsamācaritabahucāvale'pyacale gajonmīlanavṛttiṃ bibhrāṃbabhūva kila | tatra tadīyāmnāyajanmabhirbhūmipatibhiścirāya purācaritātītaparameśvaracaraṇārādhanānibandhanam | idānīṃ ca yadi svayameva devasya pratāpānalajvālāsu śalabhaśālinīṃ
śriyamāśrayitumicchati, tadāsau siṃhasaṭācāmarairiva vilasitum āśīviṣaviṣadharaśiromaṇibhiriva maṇḍanaṃ kartum madāndhasindhuradantavalayamiva nakhairullekhitum pralayakālānalamiva pāṇipallavena nivārayitum makarākaramiva bāhubhyāṃ taritum gaganamiva phālena laṅghayitum mandaramiva karatalena tolayitum
maheśvaraparaśumivādarśatāṃ netum ādivarāhadaṃṣṭrāmuktāphalamiva cāmaraṇāyākraṣṭumabhilaṣati | yato nijarāṣṭrakaṇṭakotpāṭanadurlalitabāhubalaḥ saṃpratyadyāpi na jānātyasāvacalaḥ parameśvarasya vikramavilasitāni, yānyevaṃ
svayaṃ vinobatyāścaryaśauryasaṃrambhapulakitavapurnijānujavyājasphuṭitavidāritahiraṇyakaśipuḥ surapatirvīrakṣatriyakathāvatāreṣu | tathā hi—
vaikuṇṭhaḥ kulakīrtanaṃ kalamasūrdarbhapragalbhāṅgulirna strī naiva pumānumāpatirayaṃ candro niśāsevakaḥ
heliḥ kelisarojabandhuranilaḥ krīḍāśrame cāṭumānsyetyaṃ gaṇanāmareṣu vijayī tasyāhave ko'paraḥ