Yashastilaka 4.405

4.405

iti saṃdhivigrahiṇaḥ, tathaitadvacanādviditadūtahṛdayānām aparimitakopaprasarāvadhīritāsapturupālāpārgalānām sasaṃrambhamanyonyasaṃghaṭṭatruṭatkoṭīrakoṭighaṭitamāṇikyanikarakīrṇatayā svakīyāvalepānalasphuliṅgajvalitamiva kuṭṭimatalaṃ kurvatām itastataḥ samucchalitāpatanmuktāphalaprakarābhirārasanahārayaṣṭibhirāgāmijanyajayasamayāvasarasurasundarīkaravikīrṇakusumavarṣamiva prakāśayatā vīrāṇā cānyonyālāpālokanavyājaina vacāsyākarṇyābabhūva | tathā
hi—tatra tāvatkodaṇḍamārtaṇḍaḥ sāṭopa sapatnavaṃśavināśapiśunabhrukuṭibhaṅgunirbharabhālasvedajalena jyā mārjayan hastagrāhaṃ ta dūtamevamabhāṣiṣṭa—
'śrīpadaṃ mitrapakṣāṇā kharadaṇḍaṃ ca vidviṣām
devasyāsya padāmbhojadvaya śirasi dhāryatām