Yashastilaka 4.425

4.425

kadācidavatīrṇāyāṃ paritoṣitavijigīṣupāripadi śaradi sarasakāśmīrakesarottaṃsamāṃsaleṣu kīrakāminīkuralakuntaleṣu, garbhāvirbhavatkaṇiśamañjarīsaurabhodāreṣu kalamakedāreṣu, kulakalatreṣviva samayarmādagatiṣu mahāvāhinīpravāheṣu, bhavadguṇeṣviva nirmalāvakāśeṣu saraḥsu, nṛpatikodaṇḍamaṇḍaleṣviva
pravṛttapracāreṣu pathiṣu, pracaṇḍamārtaṇḍātapabhīteṣviva nirantarasasyāṃśukapihitapṛṣṭheṣu viśvaṃbharābhāgeṣu, saliladharasaṅgasakrāntaśyāmabhāveṣviva haritakāntiṣu
śailaśikhareṣu, vighaṭitaghanakapāṭapuṭāmviva prakaṭāsu dikṣu, vijṛmbhamāṇeṣu
jitasarasvatīhāsaprakāśeṣu kāśeṣu, vijayamāneṣu prakāśitakamalavandhujīveṣu
bandhujīveṣu, vilasatsu makarandamadhūnmāditakokanadeṣu kokanadeṣu, saprītiṣu
parimalollāsitakuvalayeṣu kuvalayeṣu, sapramodeṣu saṃpāditakumudavaneṣu
kumudavaneṣu, virājamāneṣu vidhudīdhitisaṃdigdhaśucipakṣeṣu śucipakṣeṣu, abhinavollikhitendumaṇidarpaṇa ivātīva prasannarociṣi candramaṇḍale, padmalokapālaparikalpitayātrāvasara iva saṃhṛtavati śarāsanamākhaṇḍale, rājahaṃsotsavasaṃpādanapara iva jaladakaluṣatāṃ muktavati gagane, payodharavirahaduḥkhita
iva virasasvaratāmanusṛtavati pracalākiloke, tvadarātijana iva mandamudi
cātakakule, tvatkaṭakasubhaṭānīka iva raṇarasodṛptahṛdi nandisadohe,
anamrā śubhracandrārkā vipaṅkānimnanimnagā
vijayāya jigīṣūṇā śaradaiṣā samāgatā