Bappabhatticaritra 2.39

2.39

tad dṛṣṭvā āmabhūpatimāpṛcchya moḍherakapuraṃ brahmaśāntisthāpitavīrajinamahotsavāḍhyaṃ prāpuste
gurūn vavandire | guravo'pi tān bāḍhamāliṅgyālāpiṣuḥ-vatsa ! gāḍhamutkaṇṭhitamasmākaṃ hṛdayam
mukhakamalakamapi te vismṛtam | rājānugamanaṃ te'smākaṃ duḥkhāyāsīt | kāraya sādhanām | anṛṇo
bhava | tato'nyārādhanā catuḥśaraṇagamana-duṣkṛtagarhā-sukṛtānumodanā-tīrthamālāvandanādikā
vidhinā vidhāpitā | guravo devalokakalanayanatribhāgapātratvamānaśuḥ | śoka ucchalitaḥ
tato bappabhaṭṭiḥ śrīmadgovindasūraye śrīnannasūraye ca gacchabhāraṃ samarpya śrīāmapārśvamagamat
pūrvavatsamasyādigoṣṭhyaḥ sphuranti
§40) ekadā sūrirnṛpasabhāyāṃ ciraṃ pustakākṣaradattadṛk tasthau | tatraikā narttakī nṛtyantī
āsīt rūpadāsīkṛtāpsarāḥ | sūrirdṛṅnīlim̐nivāraṇāya tasyāḥ śukapicchanīlavarṇāyāṃ nīlakañculikāyāṃ dṛśaṃ niveśayāmāsa | āmastad dṛṣṭvā manasi papāṭha99. sidddhaṃtatatparāgaṃyāṇa jogīe jogajuttāṇaṃ | jai tāṇaṃ pi mayacchī maṇaṃmi tā tacciya pamāṇaṃ