Bappabhatticaritra 2.43

2.43

sāpi nirvikāraṃ sūrivaraṃ niścitya dhvanaccetāḥ prātarnṛpatisamīpaṃ gatā | pṛcchate rājñe rātrīyaḥ
sūrivṛttāntaḥ samyak kathitastayā-pāṣāṇaghaṭita iva tava guruḥ | navanītapiṇḍamayaḥ śeṣo varāko
lokaḥ | yāvantaḥ kūṭaprapañcā hāvabhāva-kaṭākṣa-bhujākṣepa-cumbana nakharadanakṣatādivilāsāste sarve
ājanmaśikṣitāstatra prayuktāḥ | punastilatuṣatribhāgamātramapi mano'sya nācālīt | anurāgabalātkāra-pūtkāra-bhīdarśana-hatyādānādivibhīṣikābhirapi nākṣubhyat | tadeṣa manye mahāvajramayo na
devakanyābhirna vidyādharībhirna nāgāṅganābhiścālyate; mānuṣīṇāṃ tu kā kathā ?| asminsūrairddharmasthairye
śrute nṛpo vismayānandābhyāṃ kadambamukulasthūlaromāñcakañcukitagātraḥ saṃvṛttaḥ | dadhyau ca guruṃ
dhyānapratyakṣaṃ kṛtvā103. nyuñchane yāmi vākyānāṃ dṛśoryāmyavatāreṇa | valiḥ kriye'haṃ sauhārdahṛdyāya hṛdayāya te