Bappabhatticaritra 2.47.1

2.47.1

iti sūribhūpau sukhena kālaṃ gamayato dharmaparau
§ 41) anyadā dharmanṛpeṇa āmanṛpasya pārśve dūtaḥ prahita etyāvocat-rājan ! tava vicakṣaṇatayā dharmanṛpaḥ santuṣṭaḥ | punaḥ sa āha-bhavadbhirvayaṃ chalitāḥ | yato bhavadbhyo gṛhemāgatebhyo
nāsmābhirmahānalpo'pi ko'pi satkāraḥ kṛtaḥ | adhunā śṛṇu-asmadrājye varddhanakuñjaro nāma
mahāvādī bauddhadarśanī videśādāgato'sti | sa vādaṃ jighṛkṣuḥ | yaḥ ko'pi vo rājye vādī bhavati
sa ānīyatām | asmākaṃ bhavadbhiḥ saha cirantaṃnavairam | yaḥ ko'pi vādī vijayī bhaviṣyati
tatprabhuraparasya rājyaṃ grahīṣyati | mama vādinā yadā jitaṃ tadā tvadīyaṃ rājyaṃ mayā grāhyam
yadā tava vādinā jitaṃ tadā madīyaṃ rājyaṃ tvayā grāhyam | ayaṃ paṇaḥ | vāgyuddhamevāstu
kiṃ mānavakadanena ? | āmenoktam-dūta ! tvayā yaduktaṃ taddharmeṇa kathāpitamathavā tvayā svatuṇḍakaṇḍūtimātreṇoktam ? | yadi tava prabhuḥ saptāṅgaṃ rājyaṃ vāde jite samarpayiṣyati me iti satyam,
tadā vayaṃ vādinamādāyāgacchāma iti | dūtenoktam-kāraṇavaśād yudhiṣṭhireṇāpi droṇaparvaṇyasatyaṃ bhāṣitam; matprabhustu kāraṇe'pi na mithyā bhāṣate | āmena dūtaḥ praiṣi | uktadinopari
bappabhaṭṭiṃ gṛhītvā'rddhapathe uktasthāne āmo'gamat | dharmabhūpatirapi varddhanakuñjaraṃ vādīndramādāya tatrājagāma | paramāravaṃśyaṃ narendraṃ mahākaviṃ vākpatināmānaṃ svasevakaṃ sahādāya samāyayau | ucitapradeśe āvāsān dāpagrāmāsa | tau vādi-prativādinau pakṣa-pratipakṣaparigraheṇa vādamārebhete | sabhyāḥ kautukākṣitāḥ paśyanti | dvāvapyasāmānyapratibhau jñau | vāde ṣaṇmāsā