Pavayanasaruddhara v2.p20

v2.p20

rātri meṃ saṃthārā anya sthāna para kiyā ho aura kāraṇavaśa pratikramaṇa anya sthāna para kiyā ho to donoṃ sthānoṃ ke svāmī śayyātara māne jāte haiṃ| aisā prasaṃga sārtha ādi ke sātha jāne para upasthita ho sakatā hai| anyathā bhajanā samajhanā cāhiye ||802 ||
yadi kisī sthāna meṃ rātabhara soye binā hī rahe hoṃ aura pratikramaṇa anya sthāna meṃ jākara kiyā ho to mūla vasati kā svāmī śayyātara nahīṃ mānā jātā para jahām̐ pratikramaṇa kiyā ho usa vasati kā svāmī śayyātara hotā hai ||803 ||
koī gṛhastha sādhu ko vasati dene ke bāda vyāpārādi ke liye saparivāra anyatra calā jāye to bhī vasati kā śayyātara vahām̐ rahā huā bhī vahī mānā jātā hai ||804||
veṣadhārī muni ke bhī śayyātara kā tyāga karanā cāhiye, bhale vaha apane śayyātara ke ghara kā āhāra-pānī grahaṇa karatā ho yā na karatā ho, jaise śarāba kī dukāna meṃ śarāba ho yā na ho tathāpi vaha dukāna śarāba kī hī kahalātī hai ||805 ||
śayyātarapiṃḍa grahaṇa karane se jinājñābhaṃga, ajñātabhikṣā kā abhāva, udgamādi doṣoṃ kī sambhāvanā, āhāra kī āsakti, laghutā, vasati kī durlabhatā athavā vasati kā viccheda ādi doṣa lagate haiṃ ||806||
prathama aura antima jineśvara ko chor̤akara madhya ke bāvīsa tīrthaṃkaroṃ tathā videha kṣetra ke tīrthaṃkaroṃ ke munioṃ ne yadyapi ādhākarmī bhikṣā alpa bhī grahaṇa kī hogī kintu śayyātarapiṃḍa kā grahaṇa to sarvathā nahīṃ kiyā ||807||
gaccha kī viśālatā ko dekhakara, navakārasī-pānī ādi ke liye bāra-bāra jāne se tathā muniyoṃ ko svādhyāya ādi karate dekhakara ākṛṣṭa huā gṛhastha (śayyātara) udgama ke doṣoṃ se dūṣita āhāra ādi de sakatā hai ||808||
-vivecana śayyātara - śayyā = muni ko ṭhaharane ke liye diyā gayā āvāsa |
tara = usake dvārā dustara saṃsāra sāgara ko tarane vālā arthāt jo muni ko ṭhaharane ke liye āvāsa detā hai vaha ‘śayyātara' kahalātā hai| śayyātara do prakāra kā hai-() vasati (sthāna) kā mūla mālika, (ii) mālika dvārā niyukta adhikārī | ina donoṃ ke bhī do bheda haiṃ-(i) eka aura (ii) aneka | pūrvokta cāroṃ padoṃ ke milane se caturbhaṃgī banatī hai|
(i) eka svāmī aura eka svāmī tulya (ii) eka svāmī aura aneka svāmī tulya (iii) aneka svāmī aura eka svāmī tulya (iv) aneka svāmī aura aneka svāmī tulya pūrvokta bhāṃgoṃ meṃ se dūsarā, tīsarā bhāṃgā śuddha aura pahalā, cauthā bhāṃgā aśuddha hai|