Pavayanasaruddhara v2.p27

v2.p27

aṭṭhā gaṭṭhā hiṃsā'kamhā diṭṭhī ya mosa'dinne ya| ajjhappa māṇa mitte māyā lobheriyāvahiyā || 818 || tasathāvarabhūehiṃ jo daṃḍa nisaraī u kajjeṇaṃ | āyaparassa va aṭṭhā aṭṭhādaṃḍaṃ tayaṃ biṃti || 819 || jo puṇa saraḍāīyaṃ thāvarakāyaṃ va vaṇalayāīyaṃ | mārei chiṃdiūṇa va chaḍḍeī so aṭṭhāe ||820 || ahimāivairiyassa va hiṃsisuṃ hiṃsaī va hiṃsehī | jo daṃḍaṃ ārabhaī hiṃsādaṃḍo havai eso || 821 || annaṭṭhāe nisirai kaṃḍāī annamāhaṇe jo u | jo va niyaṃto sassaṃ chiṃdijjā sālimāīyaṃ ||822 || esa akamhādaṃḍo diṭṭhivivajjāsao imo hoi | jo mittamamittaṃti ya kāuṃ ghāejja ahavāvi ||823 || gāmāī ghājja va ateṇa teṇatti vāvi ghāejjā | diṭṭhavivajjāseso kiriyāṭhāṇaṃ tu paṃcamayaṃ ||824 || attaṭṭhanāyagāīṇa vāvi aṭṭhāi jo musaṃ vayai | so mosappaccaio daṃḍo chaṭṭho havai eso ||825 || emeva āyanāyagaaṭṭhā jo ginhaī adinnaṃ tu | eso adinnavattī ajjhatthīo imo hoi || 826 || navi koi ya kiṃci bhaṇai tahavi hu hiyaeṇa dummaṇo kiṃci | tassa'jjhatthī sīsai cauro ṭhāṇā ime tassa ||827 || koho māṇo māyā lobho ajjhatthakiriyae ceva | jo puṇa jāimayāī aṭṭhaviheṇaṃ tu māṇeṇaṃ ||828 || matto holei paraṃ khisai paribhavaī māṇavacceyā |

dvāra 121
kriyāsthāna 13