Pavayanasaruddhara v2.p46

v2.p46

-vivecanautpādaka dravya ke bheda se vastra tīna prakāra kā hotā hai| 1. ekendriya-avayava-niṣpanna -kapāsa ādi se banā huā sūtī vastra | 2. vikalendriya-avayava-niṣpanna- kīr̤oṃ se nirmita reśamī vastra | viśeṣa kāraṇa se grāhya | 3. pañcendriya-avayava-niṣpanna–bher̤a ādi ke keśoṃ se banā huā ūnī vastra pūrvokta vastra yathākṛta ādi bheda se tīna prakāra ke haiṃ|
1. yathākṛta—jaisā liyā jāye, vaisā hī pahinā jāye| jise sīne yā kāṭane kī āvaśyakatā na ho| yaha vastra atiśuddha hai| kyoṃki aisā vastra grahaṇa karane se svādhyāya kī hāni nahīṃ hotī hai|
2. alpaparikarma-jise ekabāra phār̤a kara sīnā par̤e| yaha vastra śuddha hai| kyoṃki sīne kā parikarma alpa hone se svādhyāya kī hāni bhī alpa hotī hai|
3. bahuparikarma-jisake bahuta se ṭukar̤e karake sīnā par̤e aisā vastra aśuddha hai, kāraṇa svādhyāya kī hāni hotī hai|
mila sake vahām̐ taka pahile yathākata vastra grahaṇa kare, usake abhāva meṃ alpaparikarma vālā grahaṇa kare| na mile to agatyā bahuparikarmavālā grahaṇa kare | tīnoṃ hī prakāra ke vastra gacchavāsī muni ko lene kalpate haiṃ|
4. kalpya vastra1. sādhu ke nimitta kharīdā huā na ho| 2. sādhu ke nimitta banāyā huā na ho| 3. putrādi kī icchā na hone para sādhu ko dene ke liye unase jabaradastī chīnā huā na ho| 4. kahīṃ se sāmane lākara diyā jāne vālā na ho (abhyāhṛta)| yaha do prakāra kā hai
(i) svagrāma abhyāhṛta—jisa gām̐va meṃ muni hai, usī gām̐va meṃ dukāna ādi se ghara lāyā huā vastra| vastra lāte hue muni ne na dekhā ho, kiṃtu unake nimitta lāyā huā hone se vaha vastra muni ko lenā nahīṃ kalpatā| vastra lāte hue sādhu ne dekhā ho, kiṃtu vaha sādhu ke nimitta lāyā huā na ho to sādhu ko lenā kalpatā hai|
doṣa-piṃḍa-grahaṇa kī taraha |
(ii) paragrāma abhyāhata-anya grāma se sādhu ke nimitta lāyā huā vastra | aisā vastra sādhu ko lenā nahīṃ kalpatā|
doṣa-piṇḍa-grahaṇa kī taraha | 5. apramityakā sādhu ke nimitta dūsaroṃ se udhāra lāyā huā vastra sādhu ko lenā nahīṃ kalpatā | doṣa-piṇḍa-grahaṇa kī taraha| vastragrahaṇa ke doṣa bhī āhāra kī taraha do prakāra ke haiṃ---- (i) aviśodhikoṭi-sādhu ke liye kharīdā huā aura sādhu ke liye banāyā huā vastra agrāhya hai| (ii) viśodhi-koṭi-sādhu ke liye dhulāyā huā vastra samaya bītane para grahaṇa kiyā jā sakatā hai|
grahaṇa-vidhi-śuddha vastra krahaṇa karane se pūrva sādhu vastra ko acchī taraha se dekhe| tatpaścāt gṛhastha ko kahe ki 'tuma isa vastra ko cāroṃ tarapha se dekho, gṛhastha bhī aisā hī kare |' yadi vastra meṃ