Pramāṇa · Search · About · API

Pavayanasaruddhara v2.p50

Pavayaṇasāruddhāra v2.p50

Language
Māhārāṣṭrī Prakrit

v2.p50

44001
kāla, bhāva, saṃhanana, dhairya, ādi ko dekhakara prāyaścitta denā jīta vyavahāra hai|
athavā gaccha meṃ ācārya ne kisī viśeṣa kāraṇa se prerita hokara koī vyavahāra calāyā ho aura bahuta se logoṃ ne usakā anusaraṇa kiyā ho to vaha bhī jīta vyavahāra kahalātā hai|
prāyaścitta dene yogya-uparokta pām̐ca vyavahāra meṃ se kisī eka vyavahāra se yukta gītārtha hī prāyaścitta dene kā adhikārī hai| agītārtha ko prāyaścitta dene kā sarvathā niṣedha hai kyoṃki isameṃ aneka doṣoṃ kī saṃbhāvanā rahatī hai| kahā hai ki
agītārtha ātmā vyavasthita prāyaścitta nahīṃ de sakatā| nyūnādhika detā hai| isase prāyaścitta dene vāle aura lene vāle donoṃ hī saṃsāra meṃ ḍūbate haiṃ|
praśna āgama vyavahārī jñānī hone se svayaṃ ālocaka ke doṣoṃ ko jānate haiṃ, ata: ve svayaṃ aparādhī ko prāyaścitta dete haiṃ yā aparādhī ke dvārā apane doṣa pragaṭa karane para prāyaścitta dete haiṃ?
uttara-yadyapi āgama vyavahārī jñāna ke bala se apane śiṣya ke doṣoṃ ko jānate haiṃ tathāpi śiṣya ke dvārā apane doṣa prakaṭa kiye binā use prāyaścitta nahīṃ dete| yadi śiṣya apane doṣoṃ ko chupātā ho to āgama-vyavahārī use anya ke pāsa bheja dete haiṃ|
yadi koī niṣkapaṭa ālocaka vismṛti ke kāraṇa apane doṣoṃ ko pūrṇatayā nahīṃ batā pāyā ho to āgama vyavahārī usake vismṛta doṣoṃ ko batāte haiṃ ki “bhūle hue ina doṣoṃ kī tuma ālocanā karo|" kyoṃki ve jānate haiṃ ki niṣkapaṭa hone se yaha doṣoṃ ko svīkāra avaśya karegā| para jo māyāvī hai, vaha kahane para bhī doṣoṃ ko svīkāra nahīṃ karatā, use nahīṃ batāte |
ālocanā dete samaya yadi ālocaka apane doṣoṃ ko acchī taraha se batāve to hī āgama-vyavahārī use prāyaścitta dete haiṃ| yadi ālocaka apane doṣoṃ kā pratyāvartana acchī taraha se na karatā ho to āgama-vyavahārī use prāyaścitta nahīṃ dete, ve amūr̤ha-lakṣī hote haiṃ|
praśna–caudaha-pūrvī ādi śrutajñānī hone se parokṣa jñānī haiṃ, ve pratyakṣa-jñānī kaise ho sakate haiṃ?
uttara-yadyapi caudaha-pūrvī ādi parokṣa jñānī haiṃ, tathāpi unakā jñāna pratyakṣa tulya hone se jisane jaisā doṣa-sevana kiyā hai, use ve usī taraha jānate haiṃ|
praśna-āgama-vyavahārī ālocaka ke sabhī doṣoṃ ko jānate haiṃ to phira unake sammukha alaga-alaga doṣoṃ ko prakaṭa karane kī kyā āvaśyakatā hai? unake sammukha ālocaka aisā hī kahe ki-bhagavan ! mere doṣoṃ kā prāyaścitta dījiye|
uttara-apane mum̐ha se apanā aparādha svīkāra karane meṃ mahān lābha hai| isase guru kā protsāhana milatā hai ki 'vatsa ! tuma bar̤e bhāgyaśālī ho| tumane ahaṃ kā visarjana karake ātma-hita kī bhāvanā se apane doṣoṃ ko prakaṭa kiyā hai| yaha ati kaṭhina kārya hai|' isa prakāra garu ke protsāhana kī bhāva vṛddhi hotī hai aura vaha guru ke prati śraddhāvān banakara yatkicit bhī śalya rakhe binā ālocanā letā hai tathā pradatta ālocanā acchī taraha se pūrṇa kara alpa kāla meṃ hī mokṣa kā varaṇa kara letā hai|