Bappabhaṭṭi's Hymns to the 24 Jinas 11.1-3

11.1-3

"
rātrau iṣṭagoṣṭhī vavṛte madhumadhurā | tataḥ prabhāte sūri(ṇā) dharmāya āmasya viśiṣṭapuruṣā
darśitāḥ| ete āmanṛpanarāḥ kilāsmānāhvātumāyātā iti| sūribhiruktam-āma ! āgamyatām | dharmeṇa rājñā pṛṣṭaṃ viśiṣṭajanapārśve-bho āmapradhānanarāḥ ! sa bhavatāṃ svāmī kīdṛgrūpaḥ ? | tairnigaditam-yādṛgayaṃ sthagīdharastādṛśo'sti | prathamaṃ mātuliṅgaṃ kare dhṛtvā āma
ānīto'sti | sūriṇā pṛṣṭam-bhoḥ sthagīdhara ! tava kare kimetat ? | sthagīdharabhūtena āmenoktam-bījaurā ( dvitīyo rāhū ) iti | kṣaṇārdhena vārtāmadhye sūribhiḥ sūktamavatāritam"3tattīsīyalīmelāvā kehā, dhaṇauttāvalī piumaṃdasiṇehā
virahiṃ māṇasu je marai tasu kavaṇa nihorā kani e vattaḍī jaṇu jāṇai dorā ||1||"4
ityādi goṣṭhyāṃ vartamānāyāṃ sthagīdhara śrīāmarājaścidrūpako melāpakānniḥsṛtya purād
bahiḥ sthāne sthāne sthāpitairvāhanaiḥ kiyatīṃ bhuvaṃ pratyākrāmat tāvatā ( sūribhirdharmanṛpo
gopagirigamanāya pṛṣṭaḥ, dharmeṇa pratijñā smāritā, sūribhiḥ tatpūrttiḥ sthagīdhararūpeṇāmāgamanenoktā, pradhānajanaḥ) pṛṣṭaḥ| tenoktam-satyaṃ sūrivacaḥ| hastau darśitau, rājā tena vāksaṃvādena prītaḥ, "ajjavi sā paritappai" ityādi sarvaṃ sārasvatavilasitamiti niracaiṣīt
śīghraṃ śīghraṃ gopālagiriṃ gataḥ, patākātoraṇamañcapratimañcādimahāstatrāsan, divasāḥ katyapi
atikrāntāḥ | tataḥ śrīsiddhasenasūrayo vārdhakena pīḍitā anaśanaṃ grahītukāmāḥ śrībappabhaṭṭisūrīṇāmākāraṇāya gītārthayugalaṃ praiṣiṣuḥ, taṃ gurorlekhamadīdṛśat | tatra likhitaṃ yathā"adhyāpito'si padavīmadhiropito'si
tat kiṃcanāpi kuru bappabhaṭṭe (ṭṭe) ! prayatnāt
prāyopaveśanarathe viniveśya yena
saṃpreṣayasyamaradhāma nitāntamasmān