Bappabhaṭṭi's Hymns to the 24 Jinas 8.1-15

8.1-15

"-hariṇī
dinaiḥ katipayairgauḍadeśāntarviharan lakṣaṇāvatīnāmnyāḥ puro bahirārāme samavāsātsīt
tatra pure dharmo nāma rājā | sa ca guṇajñaḥ | tasya sabhāyāṃ vākpatināmā kavirājo'sti
tena sūrīṇāmāgamanaṃ lokādavagatam | jñāpitaśca rājā | rājñā praveśamahaḥ kāritaḥ | pūrvamadhye
saudhopānte gurustuṅgagṛhe sthitaḥ | rājā nityaṃ vandate | kavayo rañjitāśca | prabhāvanā praidhate sma yaśaśca kundaśubhram
itaśca yadā bappabhaṭṭiḥ kṛtavihāraḥ prātaḥ śrīāmapārśva nāyātaḥ, tadā tena sarvatrāvalokitaḥ, na labdhaḥ | jāto vilakṣita āmaḥ, 'yāmaḥ svasti tava0' ityādikānyaṃ dṛṣṭam
varṇā upalakṣitāḥ | dhruvaṃ sa māṃ muktvā'pagata eveti nirṇītam
anyadā bahirgatena rājñā mahābhujaṅgamo dṛṣṭaḥ | taṃ mukhe dhṛtvā vāsasā''cchādya saudhaṃ
gataḥ, kavivṛndāya samasyāmarpitavān"śastraṃ śāstraṃ kṛpirvidyā, anyo yo yena jīvati |"
pūritā sarvairapi, na tu nṛpaśamañcakāra hṛdayābhiprāyākathanāt | tadā bappabhaṭṭiṃ bāḍhaṃ smṛtavān | sā hṛdayasaṃvādinī gīstatraiva | atha paṭahamavīvadat | tannedamajūghuṣat-yo mama
hṛdgatāṃ samasyāṃ pūrayati tasmai suvarṇaṭaṅkakalakṣaṃ dadāmi | tadā gopagiretakāraḥ kaścid
gauḍadeśaṃ gataḥ, sa bappabhaṭṭisūrīṇāmagre tatsamasyāpādadvayaṃ kathitavān | sūriṇā paścimārdha
peṭhe"sugṛhītaṃ ca kartavyaṃ, kṛṣṇasarpamukhaṃ yathā