Bappabhaṭṭi's Hymns to the 24 Jinas 8.1-5

8.1-5

-anu0
acalacchāyayā ca puṇyapuruṣo nirṇītaḥ | tatastajjananī vanyaphalāni vicinvānā'smābhirbhaṇitā-vatse ! kā tvam ? kiṃ vā tava kulam ? | sā'vādīnnijaṃ kulam-ahaṃ rājaputrī
kānyakubjeśayaśodharmapatnī suyaśānāmā'haṃ | asmin sute garbhasthite sati vṛddhakārmmaṇavaśīkṛtadhavayā vakulapramāṇayā kṛtyayeva krūrayā sapatnyā mithyā parapuruṣadoṣamāropya gṛhānniṣkāśitā | apamānena śvaśurakulapitṛkule hitvā bhramantīha samāgatā vanavṛttyā jīvāmi
bālaṃ ca pālayāmi | idaṃ śrutvā'smābhiḥ proktā-vatse ! asmaccaityaṃ samāgaccha, vatsaṃ
pravardhaya | tayā tathā kṛtam | sapatnyapi bahusapatnīkṛtamaraṇaprayogairmamāra | tato viśiṣṭapuruṣaiḥ kanyakubje yaśodharmā vijñaptaḥ-deva ! suyaśā rājñī nirdoṣā'pi tvayā nirvāsitā, saputrā samānīyatāṃ, rājñā tuṣṭā''nītā) | kadācid viharanto vayaṃ tasyā deśaṃ
gatāḥ | tayā pūrvapratipannaṃ smarantyā vayaṃ vanditāḥ, anenāmanāmnā tatsutena bhāvyam
evaṃ ciraṃ vibhāvya sūrayastamūcuḥ-vatsa ! vasa niścinto nijena suhṛdā bappabhaṭṭinā samaṃ
asmatsannidhau tvam | gṛhāṇa kalāḥ-likhitaṃ 1 gaṇitaṃ 2 gītaṃ 3 nṛtyaṃ 4 vādyaṃ 5
paṭhitaṃ 6 vyākaraṇaṃ 7 chando 8 jyotiṣaṃ 9 śikṣā 10 niruktaṃ 11 kātyāyanaṃ 12
nighaṇḍuḥ 13 patracchedvaṃ 14 nakhacchedvaṃ 15 ratnaparīkṣā 16 āyudhābhyāsaḥ 17 gajārohaṇaṃ
18 turagārohaṇaṃ 19 tayoḥ śikṣā 20 mantravādaḥ 21 yantravādaḥ 22 rasavādaḥ 23
khanyavādaḥ 24 rasāyanaṃ 25 vijñānaṃ 26 tarkavādaḥ 27 siddhāntaṃ 28 viṣavādaḥ 29 gāruḍavādaḥ 30 śakunavādaḥ 31 vaidyakavādaḥ 32 ācāryavidyā 33 āgamaḥ 34 prāsādalakṣaṇaṃ 35 sāmudrikaṃ 36 smṛtiḥ 37 purāṇaṃ 38 itihāsaḥ 39 vedaḥ 40 vidhiḥ 41
vidyānandavādaḥ 42 darśanasaṃskāraḥ 43 khecarīkalā 44 amarīkalā 45 indrajālaṃ
46 pātālasiddhiḥ 47 dhūrtaśāmbalaṃ 48 gandharvavādaḥ 49 vṛkṣacikitsā 50 kṛtrimamaṇikarma 51 sarvakaraṇī 52 vaśīkarma 53 paṇakarma 54 citrakarma 55 kāṣṭhaghaṭanaṃ 56
pāṣāṇakarma 57 lepyakarma 58 carmakarma 59 yantrakarasavatī 60 kāvyaṃ 61 alaṃkāraḥ
62 hasitaṃ 63 saṃskṛtaṃ 64 prākṛtaṃ 65 paiśācikaṃ 66 apabhraṃśaḥ 67 kapaṭaṃ 68 deśabhāṣā 69 dhātukarma 70 prayogopāyaḥ 71 kevalīvidhiḥ 72 | etāḥ sakalāḥ kalāḥ
śikṣitavān, lakṣaṇatarkādi paricitavān, bappabhaṭṭinā sākamasthimajjānyāyena prītiṃ
baddhavān | yataḥ“āpātagurvī kṣayiṇī krameṇa
hrasvā puro vṛddhimatī ca paścāt
dinasya pūrvārdhaparārdhabhinnā
chāyeva maitrī khalasajjanānām