Kalpah 1.2

Kalpaḥ 1.2

Language: Sanskrit

1.2.5

śiṣṭāḥ khalu vigata-matsarā nirahaṃkārāḥ kumbhī-dhānyā alolupā dambha-darpa-lobha-moha-krodha-vivarjitāḥ ..

1.2.6

dharmeṇa_adhigato yeṣāṃ vedaḥ saparibṛṃhaṇaḥ .
śiṣṭās tad-anumāna-jñāḥ śruti-pratyakṣa-hetavaḥ .. iti ..[cf. Va 6,43; M 12,109]
tad-abhāve daśa-avarā pariṣat ..

1.2.7

atha_api_.udāharanti .
cāturvaidyaṃ vikalpī ca aṅga-vid dharma-pāṭhakaḥ .
āśrama-sthās trayo viprāḥ parṣad eṣā daśa-avarā ..

1.2.8

pañca vā .syus trayo vā .syur eko vā .syād aninditaḥ .
prativaktā tu dharmasya na_itare tu sahasraśaḥ ..

1.2.9

yathā dārumayo hastī yathā carmamayo mṛgaḥ .
brāhmaṇaś ca_anadhīyānas trayas te nāma-dhārakāḥ ..

1.2.10

yad .vadanti tamas-mūḍhā mūrkhā dharmam ajānataḥ .
tat pāpaṃ śatadhā .bhūtvā vaktṝn .samadhigacchati ..

1.2.11

bahu-dvārasya dharmasya sūkṣmā duranugā gatiḥ .
tasmān na vācyo hy ekena bahujñena_api saṃśaye ..

1.2.12

dharma-śāstra-ratha-ārūḍhā veda-khaḍga-dharā dvijāḥ .
krīḍa-artham api yad .brūyuḥ sa dharmaḥ paramaḥ smṛtaḥ ..

1.2.13

yathā_aśmani sthitaṃ toyaṃ māruta-arkau .praṇāśayet .
tadvat kartari yat pāpaṃ jalavat .saṃpralīyate ..

1.2.14

śarīraṃ balam āyuś ca vayaḥ kālaṃ ca karma ca .
samīkṣya dharmavid buddhyā prāyaścittāni .nirdiśet ..

1.2.15

avratānām amantrāṇāṃ jāti-mātra-upajīvinām .
sahasraśaḥ sametānāṃ pariṣattvaṃ na .vidyate .. iti ..

1.2.16

pañcadhā vipratipattir dakṣiṇatas tathā_uttarataḥ ..

1.2.18

yathā_etad anupetena saha bhojanaṃ striyā saha bhojanaṃ paryuṣita-bhojanaṃ mātula-pitṛ-svasṛ-duhitṛ-gamanam iti ..

1.2.19

atha_uttarata ūrṇā-vikrayaḥ sīdhu-pānam ubhayatas-dadbhir vyavahāra āyudhīyakaṃ samudra-saṃyānam iti ..

1.2.20

itarad itarasmin kurvan .duṣyati_itarad itarasmin ..

1.2.23

ubhayaṃ ca_eva . na_.ādriyeta śiṣṭa-smṛti-virodha-darśanāt ..

1.2.24

prāg ādarśāt pratyak kanakhalād [K: kālakavanād ] dakṣiṇena himavantam udak pāriyātram etad āryāvartam . tasmin ya ācāraḥ sa pramāṇam ..

1.2.26

atha_apy atra bhāllavino gāthām .udāharanti ..

1.2.27

paścāt sindhur vidharaṇī sūryasya_udayanaṃ puraḥ .
yāvat kṛṣṇā .vidhāvanti tāvad dhi brahmavarcasam .. iti ..

1.2.28

avantayas_aṅga-magadhāḥ surāṣṭrā dakṣiṇāpathāḥ .
upāvṛt-sindhu-sauvīrā ete saṃkīrṇa-yonayaḥ ..

1.2.29

āraṭṭān kāraskarān puṇḍrān sauvīrān vaṅgān kaliṅgān prānūnān iti ca .gatvā punastomena .yajeta sarvapṛṣṭhayā vā ..

1.2.30

atha_apy .udāharanti .
padbhyāṃ sa .kurute pāpaṃ yaḥ kaliṅgān .prapadyate .
ṛṣayo niṣkṛtiṃ tasya .prāhur vaiśvānaraṃ haviḥ ..

1.2.31

bahūnām api doṣāṇāṃ kṛtānāṃ doṣa-nirṇaye .
pavitra-iṣṭiṃ .praśaṃsanti sā[! disagreement] hi pāvanam uttamam .. iti ..

1.2.32

atha_apy .udāharanti .
vaiśvānarīṃ vrātapatīṃ pavitra-iṣṭiṃ tathā_eva ca .
ṛtau_ṛtau prayuñjānaḥ pāpebhyo .vipramucyate .. pāpebhyo vipramucyata iti ..

1.2.33

1.2
aṣṭācatvāriṃśad varṣāṇi paurāṇaṃ veda-brahmacaryam ..

1.2.36

grahaṇa-antaṃ vā jīvitasya_asthiratvāt ..

1.2.37

kṛṣṇakeśas_agnīn .ādadhīta_iti śrutiḥ ..

1.2.38

na_asya karma .niyacchanti kiṃcid ā mauñji-bandhanāt .
vṛttyā śūdra-samo hy eṣa yāvad vedena .jāyate .._iti ..

1.2.39

garbha-ādiḥ saṃkhyā varṣāṇām . tad-aṣṭameṣu brāhmaṇam .upanayīta ..

1.2.42

vasanto grīṣmaḥ śarad ity ṛtavo varṇa-ānupūrvyeṇa ..

1.2.43

gāyatrī-triṣṭub-jagatībhir yathā-kramam ..

1.2.44

ā ṣoḍaśād ā dvāviṃśād ā caturviṃśād anātyaya eṣāṃ krameṇa ..

1.2.47

mūrdha-lalāṭa-nāsāgra-pramāṇā yājñikasya vṛkṣasya daṇḍāḥ ..

1.2.48

bhavat-pūrvāṃ bhikṣā-madhyāṃ yācñā-antāṃ bhikṣāṃ .caret sapta-akṣarāṃ kṣāṃ ca hiṃ ca na .vardhayet ..

1.2.49

bhavat-pūrvāṃ brāhmaṇo .bhikṣeta bhavan-madhyāṃ rājanyo bhavad-antāṃ vaiśyaḥ sarveṣu varṇeṣu ..

1.2.51

sadā_araṇyāt samidha .āhṛtya_.ādadhyāt ..

1.2.54

sarvatra_apratihata-guruvākyas_anyatra pātakāt ..

1.2.56

nṛtta-gīta-vāditra-gandha-mālya-upānac-chattra-dhāraṇa-añjana-abhyañjan a-varjī ..

1.2.57

dakṣiṇaṃ dakṣiṇena savyaṃ savyena ca_.upasaṃgṛhṇīyāt ..

1.2.58

dīrgham āyuḥ svargaṃ ca_īpsan kāmam anyasmai sādhu-vṛttāya guruṇā_anujñātaḥ ..

1.2.59

asāv ahaṃ bho iti śrotre .saṃspṛśya manaḥ-samādhāna-artham ..

1.2.61

na_āsīno na_āsīnāya na śayāno na śayānāya na_aprayato na_aprayatāya ..

1.2.62

śakti-viṣaye muhūrtam api na_aprayataḥ .syāt ..

1.2.63

samid-dhārī_udakumbha-puṣpa-anna-hasto na_.abhivādayed yac ca_anyad apy evaṃ-yuktam ..

1.2.65

bhrātṛ-patnīnāṃ yuvatīnāṃ ca guru-ptnīnāṃ jāta-vīryaḥ ..

1.2.66

nau-śilā-phalaka-kuñjara-prāsāda-kaṭeṣu cakravatsu ca_adoṣam saha-āsanam ..

1.2.67

prasādhana-utsādana[K: ucchādana ]-snāpana-ucchiṣṭabojanāni_iti guroḥ ..

1.2.68

ucchiṣṭa-varjanaṃ[K: varjaṃ ] tat-putre_anūcāne vā ..

1.2.69

prasādhana-utsādana[K: ucchādana ]-snāpana-varjanaṃ[ K: varjaṃ ] ca tat-patnyām ..

1.2.70

dhāvantam .anudhāved gacchantam .anugacchet tiṣṭhantam .anutiṣṭhet ..

1.2.71

na_apsu ślāghamānaḥ [K: ślaghamānaḥ ] .snāyāt ..

1.2.74

śuśrūṣā_anuvrajyā ca yāvad-adhyayanam ..

1.2.77

ṛtvij-śvaśura-pitṛvya-mātulānāṃ tu yavīyasāṃ pratyutthāya-abhibhāṣaṇam ..

dharma-arthau yatra na .syātāṃ śuśrūṣā vā_api tadvidhā .
vidyayā saha martavyaṃ na ca_enām ūṣare .vapet ..[cf. M 2,112]
agnir iva kakṣaṃ .dahati brahma pṛṣṭam anādṛtam .
tasmād vai śakyaṃ na .brūyād brahma mānam akurvatām .. iti ..

1.2.81

eva_asmai [K: atra _eva _asmai ] vaco .vedayante ..

1.2.82

brahma vai mṛtyave prajāḥ .prāyacchat . tasmai brahmacāriṇam eva na .prāyacchat . sas_.abravīd .astu mahyam apy etasmin bhāga iti . yām eva rātriṃ samidhaṃ na_.āharātai_iti ..

1.2.83

tasmād brahmacārī yāṃ rātriṃ samidhaṃ na_.āharaty āyuṣa eva tām .avadāya .vasati . tasmād brahmacārī samidham .āharen ned āyuṣas_.avadāya .vasāni_iti ..

1.2.84

dīrga-sattraṃ vai_eṣa .upaiti yo brahmacaryam .upaiti . sa yām upayan samidham .ādadhāti sā prāyaṇīyā_atha yāṃ snāsyan sā_udayanīyā_atha yā antareṇa sattryā eva_asya tāḥ ..

1.2.85

brāhmaṇo vai brahmacaryam upayan_caturdhā bhūtāni .praviśaty agniṃ padā mṛtyuṃ padā_ācāryaṃ padā_ātmany eva_asya caturthaḥ pādaḥ .pariśiṣyate .
sa yad agnau samidham .ādadhāti ya eva_asya_agnau pādas tam eva tena .parikrīṇāti taṃ .saṃskṛtya_ātman .dhatte sa enam .āviśati .
atha yad ātmānaṃ daridrī-.kritya_ahrīr .bhūtvā .bhikṣate brahmacaryaṃ .carati ya eva_asya mṛtyau pādas tam eva tena .parikrīṇāti taṃ .saṃskṛtya_ātman .dhatte sa enam .āviśati .
atha yad ācārya-vacaḥ .karoti ya eva_asya_ācārye pādas tam eva tena .parikrīṇāti taṃ .saṃskṛtya_ātman .dhatte sa enam .āviśati .
atha yat svādhyāyam .adhīte ya eva_asya_ātmani pādas tam eva tena .parikrīṇāti taṃ .saṃskṛtya_ātman .dhatte sa enam .āviśati
na ha vai .snātvā .bhikṣeta . api ha vai .snātvā bhikṣāṃ .caraty api jñātīnām aśanāyā_api pitṝṇām anyābhyaḥ kriyābhyaḥ .
sa yad anyāṃ bhikṣitavyāṃ na .vindeta_api svām eva_ācārya-jāyāṃ .bhikṣeta_atho svāṃ mātaram .
na_enaṃ saptamy abhikṣitā_.atīyāt .
bhaikṣasya_acaraṇe doṣaḥ pāvakasya_asamindhane .
sapta-rātram .akṛtvā_etad avakīrṇi-vrataṃ .caret ..

1.2.86

tam evaṃ vidvāṃsam evaṃ carantaṃ sarve vedā .āviśanti ..

1.2.87

yathā ha vā agniḥ samiddho .rocate_evaṃ ha vai_eṣa .snātvā .rocate ya evaṃ vidvān brahmacaryaṃ .carati_iti brāhmaṇam . iti brāhmaṇam ..

1.2.88

1.3
atha snātakasya ..

1.2.89

antarvāsa uttarīyam ..

1.2.90

vaiṇavaṃ daṇḍaṃ .dhārayet ..

1.2.91

sa-udakaṃ ca kamaṇḍalum ..

1.2.92

dvi-yajñopavītī ..

1.2.93

uṣṇīṣam ajinam uttarīyam upānahau chattraṃ ca_upāsanaṃ darśapūrṇamāsau ..

1.2.94

parvasu ca keśa-śmaśru-loma-nakha-vāpanam ..

1.2.95

tasya vṛttiḥ ..

1.2.96

brāhmaṇa-rājanya-vaiśya-rathakāreṣv āmaṃ .lipseta ..

1.2.97

bhaikṣaṃ vā ..

1.2.98

vāgyatas .tiṣṭhet ..

1.2.99

sarvāṇi ca_asya deva-pitṛ-saṃyuktāni pākayajña-saṃsthāni bhūtikarmāni .kurvīta_iti ..

1.2.100

etena vidhinā prajāpateḥ parameṣṭhinaḥ parama-ṛṣayaḥ paramāṃ kāṣṭhāṃ .gacchanti_iti baudhāyanaḥ ..

1.2.101

1.4
atha kamaṇḍalu-caryām .upadiśanti ..

1.2.102

chāgasya dakṣiṇe karṇe pāṇau viprasya dakṣiṇe .
apsu ca_eva kuśa-stambe pāvakaḥ .paripaṭhyate ..

1.2.103

tasmāt_śaucaṃ .kṛtvā pāṇinā .parimṛjīta paryagnikaraṇaṃ hi tat . .uddīpyasva jātaveda iti punar-dāhād .viśiṣyate ..

1.2.104

tatra_api kiṃcit saṃspṛṣṭaṃ manasi .manyeta [K: .manyate ] kuśair vā tṛṇair vā .prajvālya pradakṣiṇaṃ paridahanam ..

1.2.105

ata ūrdhvaṃ śva-vāyasa-prabhṛty-upahatānām agni-varṇa ity .upadiśanti ..

1.2.106

mūtra-purīṣa-lohita[K: rohita ]-retaḥ-prabhṛty-upahatānām utsargaḥ ..

1.2.107

bhagne kamaṇḍalau vyāhṛtibhiḥ śataṃ .juhuyāj .japed vā ..

1.2.108

bhūmir bhūmim .agān mātā mātaram apy .agāt . .bhūyāsma putraiḥ paśubhir yo no .dveṣṭi sa .bhidyatām iti ..[= AsSS 3.14.12, ApSS 30.20.9, ApMP 2.15.17; cf. SadvB 1,6,20, KausSS 30,20,9, KausS 136,2]
kapālāni .saṃhṛtya_apsu .prakṣipya sāvitrīṃ daśa-avarāṃ .kṛtvā punar eva_anyaṃ .gṛhṇīyāt ..

1.2.109

varuṇam .āśritya . etat te varuṇa punar eva mām om iti . akṣaraṃ .dhyāyet ..

1.2.110

śūdrād .gṛhya śataṃ .kuryād vaiśyād ardhaśataṃ smṛtam .
kṣatriyāt pañcaviṃśat tu brāhmaṇād daśa kīrtitāḥ ..

1.2.111

astam-ita āditya udakaṃ .gṛhṇīyān na .gṛhṇīyād iti .mīmāṃsante brahmavādinaḥ ..

1.2.112

.gṛhṇīyād ity etad aparam ..

1.2.113

yāvad udakaṃ .gṛhṇīyāt tāvat prāṇam [K: prāṇān ] .āyacchet ..

1.2.114

agnir ha vai hy udakaṃ .gṛhṇāti ..

1.2.115

kamaṇḍalu-udakena_abhiṣikta-pāṇi-pādo yāvad ārdraṃ tāvad aśuciḥ pareṣām . ātmānam eva pūtam .karoti . na_anyat karma .kurvīta_iti .vijñāyate ..

1.2.116

api vā prati-śaucam ā maṇibandhāt_śucir iti baudhāyanaḥ ..

1.2.117

atha_apy .udāharanti ..

1.2.118

kamaṇḍalur dvijātīnāṃ śauca-arthaṃ vihitaḥ purā .
brahmaṇā muni-mukhyaiś ca tasmāt taṃ .dhārayet sadā ..

1.2.119

tataḥ śaucaṃ tataḥ pānaṃ saṃdhyā-upāsanam eva ca .
nir-viśaṅkena kartavyaṃ yadi_.icchet _śreya ātmanaḥ ..

1.2.120

.kuryāt_śuddhena manasā na cittaṃ .dūṣayed budhaḥ . saha kamaṇḍalunā_utpannaḥ svayaṃ-bhūs tasmāt kamaṇḍalunā .caret [_ācaret ] ..

1.2.121

mūtra-purīṣe kurvan dakṣiṇe haste .gṛhṇāti savya ācamanīyam . etat .sidhyati sādhūnām ..

1.2.122

yathā hi soma-saṃyogāc camaso medhya .ucyate .
apāṃ tathā_eva saṃyogān nityo medhyaḥ kamaṇḍaluḥ ..

1.2.123

pitṛ-deva-agni-kāryeṣu tasmāt taṃ .parivarjayet ..

1.2.124

tasmād vinā kamaṇḍalunā na_adhvānaṃ .vrajen na sīmantaṃ na gṛhād gṛham ..

1.2.125

padam api na .gacched iṣu-mātrād ity eke ..

1.2.126

yad .icched dharma-saṃtatim iti baudhāyanaḥ ..

1.2.127

ṛg-vidhena_iti vāg .vadati . ṛg-vidhena_iti vāg .vadati .. [K: ṛgvidhamṛgvidhānaṃ vāgvadati ṛgvidhamṛgvidhānaṃ vāgvadati .. ]
1.5
atha_ataḥ śauca-adhiṣṭhānam ..

1.2.128

adbhiḥ .śudhyanti gātrāṇi buddhir jñānena .śudhyati .
ahiṃsayā ca bhūtātmā manaḥ satyena .śudhyati .. iti ..

1.2.129

manaḥ-śuddhir antaḥ-śaucam ..

1.2.130

bahiḥ-śaucaṃ .vyākhyāsyāmaḥ ..

1.2.131

kauśaṃ sautraṃ vā tris-trivṛd yajñopavītam ..

1.2.132

ā nābheḥ ..

1.2.133

dakṣiṇaṃ bāhum .uddhṛtya savyam .avadhāya śiras_.avadadhyāt ..

1.2.134

viparītaṃ pitṛbhyaḥ ..

1.2.135

kaṇṭhe_avasaktaṃ nivītam ..

1.2.136

adhas_avasaktaṃ adhovītam ..

1.2.137

prāṅ-mukha udaṅ-mukho vā_āsīnaḥ śaucam .ārabheta śucau deśe dakṣiṇam bāhuṃ jānu-antarā .kṛtvā .prakṣālya pādau pāṇī ca_ā maṇibandhāt ..

1.2.138

pāda-prakṣālana-uccheṣaṇena na_.ācāmet ..

1.2.139

yady .ācāmed bhūmau .srāvayitvā_.ācāmet ..

1.2.140

brāhmeṇa tīrthena_.ācāmet ..

1.2.141

aṅguṣṭha-mūlaṃ brāhmaṃ tīrtham ..

1.2.142

aṅguṣṭha-agraṃ pitryam aṅguly-agraṃ daivam aṅguli-mūlam ārṣam ..

1.2.143

na_aṅgulībhir na sa-budbudābhir na sa-phenābhir na_uṣṇābhir na kṣārābhir na lavaṇābhir na kaluṣābhir na vivarṇābhir na dur-gandha-rasābhiḥ ..

1.2.144

na hasan na jalpan na tiṣṭhan na vilokayan na prahvo na praṇato na mukta-śikho na prāvṛta-kaṇṭho na veṣṭita-śirā na tvaramāṇo na_ayajñopavītī na prasārita-pādo na baddha-kakṣyo na bahir-jānuḥ śabdam akurvan ..

1.2.145

trir apo hṛdayaṃ-gamāḥ .pibet ..

1.2.146

triḥ .parimṛjet ..

1.2.147

dvir ity eke ..

1.2.148

sakṛd ubhayaṃ śūdrasya striyāś ca ..

1.2.149

atha_apy .udāharanti .
gatābhir hṛdayaṃ vipraḥ kaṇṭhyābhiḥ kṣatriyaḥ śuciḥ .
vaiśyas_adbhiḥ prāśitābhiḥ .syāt strī-śūdrau .spṛśya ca_antataḥ .. iti ..

1.2.150

dantavad danta-sakteṣu dantavat teṣu dhāraṇāt .
srasteṣu teṣu na_.ācāmet teṣāṃ saṃsrāvavat_śuciḥ .. iti ..

1.2.151

atha_apy .udāharanti .
dantavad danta-lagneṣu yac ca_apy antar mukhe .bhavet .
ācāntasya_avaśiṣṭaṃ syān nigirann eva tat_śuciḥ .. iti ..

1.2.152

khāny adbhiḥ .saṃspṛśya pādau nābhiṃ śiraḥ savyaṃ pāṇim antataḥ ..

1.2.153

taijasaṃ ced .ādāya_ucchiṣṭī .syāt tad .udasya_.ācamya_ādāsyann adbhiḥ .prokṣet ..

1.2.154

atha ced annena_ucchiṣṭī .syāt tad .udasya_.ācamya_ādāsyann adbhiḥ .prokṣet ..

1.2.155

atha ced adbhir ucchiṣṭī .syāt tad .udasya_ācamya_ādāsyann adbhiḥ .prokṣet ..

1.2.156

etad eva viparītam amatre ..

1.2.157

vānaspatye vikalpaḥ ..

1.2.158

taijasānām ucchiṣṭānāṃ gośakṛn-mṛd-bhasmabhiḥ parimārjanam anyatamena vā ..

1.2.159

tāmra-rajata-suvarṇānām amlaiḥ ..

1.2.160

amatrāṇāṃ dahanam ..

1.2.161

dāravāṇāṃ takṣaṇam ..

1.2.162

vaiṇavānāṃ gomayena ..

1.2.163

phalamayānāṃ go-vāla-rajjvā ..

1.2.164

kṛṣṇa-ajinānāṃ bilva-taṇḍulaiḥ ..

1.2.165

kutapānām ariṣṭaiḥ ..

1.2.166

aurṇānām ādityena ..

1.2.167

kṣaumāṇāṃ gaura-sarṣapa-kalkena ..

1.2.168

mṛdā celānām ..

1.2.169

cela-vac carmaṇām ..

1.2.170

taijasa-vad upala-maṇīnām ..

1.2.171

dāru-vad asthnām ..

1.2.172

kṣauma-vat_śaṅkha-śṛṅga-śukti-dantānām ..

1.2.173

payasā vā ..

1.2.174

cakṣur-ghrāṇa-ānukūlyād vā mūtra-purīṣa-asṛj-śukra-kuṇapa-spṛṣṭānāṃ pūrva-uktānām anyatamena triḥsapta-kṛtvaḥ parimārjanam ..

1.2.175

ataijasānām evaṃ-bhūtānām utsargaḥ ..

1.2.176

vacanād yajñe camasa-pātrānām ..

1.2.177

na somena_ucchiṣṭā .bhavanti_iti śrutiḥ ..

1.2.178

kālas_agnir manasaḥ śuddhir udaka-ādy-upalepanam .
avijñātaṃ ca bhūtāṇāṃ ṣaḍvidhaṃ śaucam .ucyate .. iti ..

1.2.179

atha_apy .udāharanti .
kālaṃ deśaṃ tathā_ātmānaṃ dravyaṃ dravya-prayojanam . upapattim avasthāṃ ca .vijñāya śaucaṃ śauca-jñaḥ kuśalo dharma-īpsuḥ .samācaret ..

1.2.180

nityaṃ śuddhaḥ kāru-hastaḥ paṇyaṃ yac ca prasāritam .
brahmacāri-gataṃ bhaikṣaṃ nityaṃ medhyam iti śrutiḥ ..

1.2.181

vatsaḥ prasnavane medhyaḥ śakuniḥ phala-śātane .
striyaś ca rati-saṃsarge śvā mṛga-grahaṇe śuciḥ ..

1.2.182

ākarāḥ śucayaḥ sarve .varjayitvā surā-karam .
adūṣyāḥ saṃtatā dhārā vāta-udbhūtāś ca reṇavaḥ ..

1.2.183

amedhyeṣu ca ye vṛkṣā uptāḥ puṣpa-phala-upagāḥ .
teṣām api na .duṣyanti puṣpāṇi ca phalāni ca ..

1.2.184

caitya-vṛkṣaṃ citiṃ yūpaṃ caṇḍālaṃ veda-vikrayam .
etāni brāhmaṇaḥ spṛṣṭvā sa-celo jalam .āviśet ..

1.2.185

ātma-śayyā-āsanaṃ vastraṃ jāyā-apatyaṃ kamaṇḍaluḥ .
śucīny ātmana etāni pareṣām aśucīni tu ..

1.2.186

āsanaṃ śayanaṃ yānaṃ nāvaḥ pathi tṛṇāni ca .
caṇḍāla-patita-spṛṣṭaṃ mārutena_eva .śudhyati ..

1.2.187

khalakṣetreṣu yad dhānyaṃ kūpa-vāpīṣu yaj jalam .
abhojyād api tad bhojyaṃ yac ca goṣṭha-gataṃ payaḥ ..

1.2.188

trīṇi devāḥ pavitrāṇi brāhmaṇānām .akalpayan .
adṛṣṭam adbhir nirṇiktaṃ yac ca vācā .praśasyate ..

1.2.189

āpaḥ pavitraṃ bhūmi-gatā go-tṛptir yāsu .jāyate .
avyāptāś ced amedhyena gandha-varṇa-rasa-anvitāḥ ..

1.2.190

bhūmes tu saṃmārjana-prokṣaṇa-upalepana-avastaraṇa-ullekhanair yathā-sthānaṃ doṣa-viśeṣāt prāyatyam ..

1.2.191

atha_apy .udāharanti ..

1.2.192

go-carma-mātram ab-bindur bhūmeḥ .śudhyati pātitaḥ .
samūḍham asamūḍhaṃ vā yatra_amedhyaṃ na .lakṣyate .. iti ..

1.2.193

parokṣam adhiśritasya_annasya_avadyotya-abhyukṣaṇam ..

1.2.194

tathā_āpaṇeyānāṃ ca bhakṣāṇām ..

1.2.195

bībhatsavaḥ śuci-kāmā hi devā na_aśraddadhānasya havir .juṣanta iti ..

1.2.196

śucer aśraddadhānasya śraddadhānasya ca_aśuceḥ .
.mīmāṃsitvā_ubhayaṃ devāḥ samam annam .akalpayan ..

1.2.197

prajāpatis tu tān .āha na samaṃ viṣamaṃ hi tat .
hatam aśraddadhānasya śraddhā-pūtaṃ .viśiṣyate .. iti ..

1.2.198

atha_apy .udāharanti .
aśraddhā paramaḥ pāpmā śraddhā hi paramaṃ tapaḥ .
tasmād aśraddhayā dattaṃ havir na_.aśnanti devatāḥ ..

1.2.199

.iṣṭvā .dattvā_api vā mūrkhaḥ svargaṃ nahi sa .gacchati ..

1.2.200

śaṅkā-vihata-cāritro yaḥ sva-abhiprāyam āśritaḥ .
śāstra-atigaḥ smṛto mūrkho dharma-tantra-uparodhanāt .. iti ..

First 200 of 891 passages. Read on

Linked texts (12)

Baudhāyanadharmasūtra — Baudhāyana, Sanskrit
Vasiṣṭhadharmasūtra (ed. G. Bühler) — Sanskrit
Skandamahāpurāṇa (vulgate) — Sanskrit
Hārītadharmasūtra (fragments) — Sanskrit
Smṛtīnāṃ Samuccayaḥ — Sanskrit
Kṛtyakalpataru — Lakṣmīdhara Bhaṭṭa, Sanskrit
Āhnikaprakāśa — Mitramiśra, Sanskrit
Smṛticandrikā — Devaṇṇabhaṭṭa, Sanskrit
Bhagavantabhāskara — Nīlakaṇṭha Dīkṣita 1625, Sanskrit
Nityācārapradīpa — Narasiṃha Vājapeyin, Sanskrit
Dharmatattvakalanidhi — Pṛthvīcandra, Sanskrit
Nityācārapaddhati (Vidyākara vājapeyin) — Vidyākara vājapeyin, Sanskrit