Kalpah 2.3.4.1_2

2.3.4.1_2

atha sarvaprakṛtibhūtajyotirvicārānantaram . ataḥ jyotirvicārasya vṛttatvāt hetoḥ ṣaḍahasya pṛṣṭhato vicārāḥ ārabhyanta iti śeṣaḥ . pṛṣṭheṣveva sāmabhedena vividhakalpanāvicāraḥ . taduktaṃ nidāne-atha pṛṣṭhānāmanukalpa (u0 gra0 sū0 2.9) iti brāhmaṇoktasya--pṛṣṭhyaṣaḍahānantaraṃ pravṛttatvādeteṣāmanukalpatvam. na tu vrīhinīvāravat pratinidhitvam . vicāraśabdenaiva vividhakalpasyoktatvāt tena prākṛtaṣaḍahena sahaite ṣaḍahavicārāḥ vrīhiyavavat vikalpante . te ca dvāviṃśatiḥ . ādyaḥ pṛṣṭhaystomaḥ. dvitīyo nānāpṛṣṭhyaḥ . prākṛtaḥ parokṣapṛṣṭhyastṛtīyaḥ. sarvaparokṣapṛṣyścaturthaḥ . ubhaya parokṣapṛṣṭhyaḥ pañcamaḥ. upāṅkyapṛṣṭhyaḥ ṣaṣṭhaḥ. anvāhāryapṛṣṭhyaḥ saptamaḥ. dharmabhedenopāṅkyapṛṣṭhānvāhāryapṛṣṭhāvaṣṭamanavamau. purastājjyotiḥṣaḍaho daśamaḥ . upariṣṭājjyotiḥṣaḍaha ekādaśaḥ . bṛhadrathantarapurastājjyotiḥṣaḍaho dvādaśāhaḥ. bṛhadrathantaropariṣṭājjyotiḥ ṣaḍahastrayodaśaḥ . parokṣāparkyapṛṣṭhyaścaturdaśaḥ . pratyakṣāparkyapṛṣṭhyaḥ pañcadaśaḥ . parokṣaprākyapṛṣṭhyaḥ ṣoḍaśaḥ . pratyakṣaprāṅkyapṛṣṭhyaḥ saptadaśaḥ . bṛhadrathantarapṛṣṭhyo'nugṛhītapṛṣṭhyo'ṣṭādaśaḥ . bṛhadrathantarapṛṣṭhyo'nu
gṛhītaparokṣapṛṣṭhya ekānnaviṃśaḥ. nānāpṛṣṭhyo'nugṛhītabṛhadrathantaro viṃśaḥ . nānāpṛṣṭhyo'nugṛhītabṛhadrantaraparokṣatara ekaviṃśaḥ . brahmasāmapṛṣṭhyo dvāviṃśaḥ ..1..