Kalpah 2.3.4.24_52

2.3.4.24_52

brahmarahasyāpacitiṃ tasmāt bṛhadrathantara ekarcce na kurvanti (u0 gra0 sū0 2. 9) iti . prathamasyāhnaḥ--pra somāso vipaścita iti gāyatrāśvasomasāmāni sāmatṛcaḥ . pra soma devavītaya iti kaṇvarathantaraṃ tisṛṣu . pra tu dravetyauśanamantyaṃ tisṛṣu . athavā atra nidānasūtram-nityairvā saha ekarccāḥ. yajñagauṅgavamadhyo vā bṛhatyāṃ sāmatṛcaḥ (u0gra0sū0 2.9) iti . pra somāso vipaścita iti gāyatrāśvasomasāmāni sāmatṛcaḥ. pra soma deva-iti kaṇvarathantarapajrayaudhājayāni sāmatṛcaḥ . kaṇvarathantaragauṅgavayaudhājayāni vā . auśanamantyaṃ tisṛṣu . samānamitarat prathamena . evaṃ satrāhīnabhūte dvādaśāhe gavāmayane ca. abhīvartakāleyānukalpe tu atra nidānam -prathame'hani rathantarābhīvartayaudhājayāni sāmatṛca: . arthājjāmivratagarbhivad (u0 gra0 sū0 2. 10) iti . mādhyaṃdine bṛhatyāṃ pra soma deveti kaṇvarathantarābhīvartayaudhājayāni sāmatṛca iti viśeṣaḥ . yadvā atra nidānam--sarve vaikarccāḥ . nava ca bṛhatyāṃ pajragauṅgavābhyāṃ vyavadhāya trīn prathamāyāmeve-(u0 gra0 sū0 2.10)ti . pra soma devavītaya (sā0 767-8) iti kaṇvarathantarapajre prathamāyām . abhīvartagauṅgavayaudhājayāni sāmatṛcaḥ . auśanamantyamekasyām . iti viśeṣaḥ . atra mādhyaṃdinapavamāne'pi pṛṣṭhadharmāḥ kāryāḥ. taduktaṃ nidāne-kartavyā ityācāryā: saṃprayogāddhyeṣāmete dharmā bhavantītyathāpi sthānādapetanāṃ kriyamāṇān paśyāmaḥ (u0 gra0 sū0 3. 5) iti ..
dvitīyasyāhnaḥ . atra nidānam-āgantūni pratyahaṃ dairghaśravasamaidhātithapūrvābhiśavahārāyaṇakaulmalabarhiṣāṇi (u0 gra0 sū0 2. 9) iti . mādhyaṃdine bṛhatyāṃ punānaḥ someti
aiḍamāyāsyatriṇidhanamāyāsyadairghaśravasāni sāmatṛcaḥ . kaṇvabṛhattisṛṣu . bṛhannidhanavārkajambhaṃ vā . samānamitarat dvitīyena .
abhīvartakāleyānukalpe tu atra nidānam-dvitīye tadādibārhatādyādābhīvartakāleye. yathā jānāmi (u0 gra0 sū0 2. 10) iti . asyārthaḥ . dvitīye'hani tadādi āgantvādi bṛhadādi sāmatṛca ityarthaḥ . bārhatādyāditi . bṛhatyāmutpannaṃ sāma bārhatam . bārhatādyāt aiḍamāyāsyābhīvartakāleyāni sāmatṛca ityarthaḥ . yathā jānāmīti . gavāmayane prākṛtaṣaḍahe aiḍamāyāsyābhīvartakāleyāni sāmatṛco yathā kalpakāreṇa klṛptastathā jānāmīti . bṛhatyāṃ punānaḥ someti aiḍamāyāsyābhīvarta
kāleyāni sāmatṛcaḥ. kaṇvabṛhaddairghaśravasatriṇidhanamāyāsyāni sāmatṛcaḥ . bṛhannidhanavārkajambhadairghaśravasatriṇidhanamāyāsyāni vā . iti viśeṣaḥ . atra mādhyaṃdinapavamāne'pi pṛṣṭhadharmāḥ kāryāḥ ..
tṛtīyāsyāhnaḥ . atra nidānam--āgantu pṛṣṭhaṃ cānta (u0 gra0 sū0 2. 9) iti . abhi some-(sā0 856-8)ti paurumadgaṃ prathamāyām . gautamāñjovairūpamaidhātithāni sāmatṛcaḥ . antarikṣaṃ tisṛṣu . āṣkāraṇidhanamadhyāsyāyām iti . yadvā bṛhatyāmabhi someti paurumadgaṃ prathamāyām . gautamāntarikṣamaidhātithāni sāmatṛcaḥ. hrasvā bṛhadopaśā tisṛṣu . āṣkāraṇidhanamadhyāsyāyāmiti . yadvā atra nidānam-nidhanavaccetpṛṣṭhaṃ tṛtīye