Kalpah 2.3.4.24_58

2.3.4.24_58

iti . spaṣṭam . asya klṛptiḥ. atra nidānam--atha pṛṣṭhānāmanukalpaḥ . prathame'hani rathantaraparokṣe triṇidhanamadhyenidhanayoḥ sthāne tṛcasthe syātām . pratiṣṭhoktohagītibrahmarahasyāpacitiṃ tasmāt bṛhadrathantare ekarce na kurvanti (u0 gra0 sū0 2. 9) iti . aiḍaṃ kāvamantyamekasyām . vaikhānasaṃ vā . iḍānugrahadṛṣṭāntāt stomāsaṃbhavān udbhidekatrikadarśanairiti . ārbhave pra somāso madacyuta iti gāyatrasaṃhite prathamāyām . ayā pavasva-pavate haryata iti saphākṣāre ekarccayoḥ . pra sunvāna iti gaurīvitamekasyām . kaṇvarathantaraṃ tisṛṣu . abhipriyāṇīti aiḍaṃ kāvamantyamekasyām . vaikhānasaṃ vā. yadvā . atra nidānam-nityairvā sahaikarccāḥ . nitye'ntarānuṣṭubhi pṛṣṭhaudalau prathamāyāṃ vā. sarvaṃ ekarccāḥ . triṇidhanamadhye nidhanānugrahavṛtteḥ svarāntaṃ nyāyadṛṣṭerviśālārthohagītir (u0 gra0 sū0 2.9) iti . pra somāso madacyuta iti gāyatrasaṃhite. ayā pavasva pavata iti saphākṣāre pra sunvāna iti gaurīvitakaṇvarathantaraudalagautamāni prathamāyāmeva . abhi priyāṇīti svāraṃkāvamantyamekasyām . samānamitarat prathamena . atra ārbhavapavamāne'pi pṛṣṭhadharmāḥ kāryāḥ ..
dvitīyasyāhnaḥ. atra nidānam-ānuṣṭubhānyanurūpāgniṣṭomasāmna āhīnike svāre dvitīyapañcamayoḥ (u0 gra0 sū0 2.9) iti .
āgantusaṃyoge naikarccāḥ nityānugrahastomopapatteḥ tṛcāḥ kāryāḥ (u0gra0sū0 2.9) iti . yaste mada iti gāyatrahāviṣmate prathamāyām . pavasvendramaccheti śaṅkusujñāne ekarccayoḥ . ayaṃ pūṣeti gaurīvitamaiḍakrauñce prathamāyām . svāraṃ krauñcaṃ tisṛṣu . kaṇvabṛhattisṛṣu . bṛhannidhanavārkajambhaṃ vā. samānamitarat dvitīyena . atra ārbhavapavamāne'pi pṛṣṭhadharmāḥ kāryāḥ ..