Kalpah 2.3.4.24_91

2.3.4.24_91

abhinidhanaṃ kāṇvaṃ brahmaṇaḥ. yadvā . abhi some-(sā0 856-8)ti paurumadgaṃ prathamāyām . rathantaramaidhātithāñjovairūpāṇi sāmatṛcaḥ . abhīvartakāleyagautamāni sāmatṛcaḥ . āṣkāraṇidhanamadhyāsyāyām . yadindra yāvatastvamiti antarikṣaṃ hotuḥ pṛṣṭham . iti viśeṣaḥ ..
caturthasyāhnaḥ purastājjyotiḥṣaḍahavat madhyaṃdinaḥ pavamānaḥ kāryaḥ . madhyaṃdine vairājasya sthāne bṛhaditi viśeṣaḥ ..
pañcamasyāhnaḥ bṛhatyāṃ soma u ṣve-(sā0 997-8)ti ākūpārarathantare tṛcayoḥ. hārāyaṇamānavavāmrāṇi sāmatṛcaḥ . agnestriṇidhanaṃ tisṛṣu . iti viśeṣaḥ . abhīvartakāleye tu bṛhatyāṃ soma u ṣveti ānūpaṃ prathamāyām . rathantaraṃ tisṛṣu . hārāyaṇamānave prathamāyām . vāmrābhīvartakāleyāni sāmatṛcaḥ. agnestriṇidhanaṃ tisṛṣu iti viśeṣaḥ . ṣaṣṭhe bṛhatyāṃ mṛjyamāna iti svāramaukṣṇorandhraiḍamaukṣṇorandhravājijitaḥ sāmatṛcaḥ. varuṇasāmagoṣṭhakaulmalabarhiṣabṛhanti tṛceṣu . abhīvartakāleyānukalpe tu atra nidānam --ṣaṣṭhe tu bṛhaccet sa sāmatṛcaḥ (u0 gra0 sū0 2.10) iti . mṛjyamāna iti aiḍamaukṣṇorandhrābhīvartakāleyāni sāmatṛcaḥ . svāramaukṣṇorandhraṃ tisṛṣu . vājajitkaulmalabarhiṣabṛhanti sāmatṛcaḥ. varuṇasāmagoṣṭhau tṛcayoḥ . iti viśeṣaḥ ..13..