Kalpah 2.3.4.24_93

2.3.4.24_93

iti . spaṣṭam . asya klṛptiḥ. ṣaṇṇāmahnāmubhayaparokṣapṛṣṭhaṣaḍahavat klṛptiḥ kāryā. āditaḥ pañcānāmahnāmupariṣṭājjyotiḥ-
ṣaḍahavadārbhavapavamānaḥ kāryaḥ . tṛtīye'hani ārbhave sutāso me(sā0 872-4)ti gaurī vitatriṇidhanatvāṣṭrīsāmanī prathamāyām . svāraṃtvāṣṭrīsāmarathantare tṛcayoḥ . caturthe'hani vairājasya sthāne bṛhatpañcame . gaurīvitaṛṣabhaśākvarapārthāṣṭeḍapadastobharathantarātreyāṇi . atra śakvarīvadāgantupṛṣṭhasyāntyaṃ ced dāśaspatyena saha jāmi syāt . tannivṛttyartham upāntyatvakalpanam . samūḍhe tu pavasva vājasātaya (sā0 1016-8) iti gaurīvitapadanidhanaśuddhāśuddhīyaṛṣabhaśākvarākūpārāṣṭeḍapadastobharathantarāṇīti viśeṣaḥ .
ṣaṣṭhasyāhnaḥ. atra nidānam--bṛhatīṣaṣṭhe gaurīvitāt viparīte vyūḍhe (u0 gra0 sū0 2. 9) iti . atra sūtraṃ ca--madhuścunnidhanādākūpāram (lā0 śrau0 4. 6. 3) iti . ṣaṣṭhe ca bṛhato vyūḍha iti ca bṛhata uttare traya ekarcāḥ ityarthaḥ . ārbhave anuṣṭubhi somāḥ pavanta (sā0 1101-3) iti gaurīvitabṛhatī tṛcayoḥ .
ākūpāramadhuścunnidhanavāṅnidhanakrauñcāni sāmatṛcaḥ . vāṅnidhana krauñcamadhuścunnidhanākūpārāṇi vā . aiḍaṃ krauñcaṃ tisṛṣu . iti viśeṣaḥ ..
samūḍhe tu atra sūtram--upottamaṃ samūḍha (lā0 śrau0 4.6. 4) iti . somāḥ pavanta iti gaurīvitamadhuścunnidhane tṛcayoḥ .
vāṅnidhanakrauñcaiḍaṃkrauñcākūpārāṇi sāmatṛcaḥ . bṛhattisṛṣu iti viśeṣaḥ ..14..