Kalpah 2.4.13.5

2.4.13.5

athāta āśleṣāvidhim̐ vyākhyāsyāmaḥ 1 prathame pāde mātṛnāśaścaturthe pitu-rvināśaḥ 2 tatra mūlavidhānoktauṣadhiśataṃ gṛhītvā tāmrapātre parivam̐ śapātre ni-dhāya taṇḍulānpariṣṭhāpya tasyopari hema niṣkapramāṇam̐ sarpamadhomukhaṃ pratiṣṭhāpya pañcagavyena snapanaṃ kṛtvā vastrayugmena veṣṭayedyajñopavītena sugandhaiḥ pañcavarṇa-puṣpairdhūpadīpairnānābhakṣabhojyopahāraistāmbūlādibhirnānāvidhaphalaiśca 3 namo astu sarpebhya iti suvarṇasarpaṃ pūjayet 4 tataścaturaḥ kumbhānpratiṣṭhāpya prathamaṃ ni-rjharodakenetarānapi saṃpūrya tatra prathame sapta mṛttikā dvitīye devadāru mustāṃ ca siddhārthotpalaharidrā guḍūcīcandanaṃ tṛtīye sarvauṣadhyaścaturthe sarvamidaṃ kṛtvā samudraṃ gacheti caturbhirmantrairabhimantr! ya gandhapuṣpādibhirarcayitvā śubhe'hni śubhanakṣatre śubha-lagne śubhavelāyām̐ yajamānaḥ śucirbhūtvāhate vāsasī paridhāya gandhādyaira-laṃkṛtamācāryaṃ namaskṛtyartvigbhiḥ saha puṇyāhavācanaṃ kṛtvā kalaśeṣu madhye sthaṇḍilaṃ kṛtvāgnaṃ pratiṣṭhāpya sthālīpākam̐ śrapayitvāghārāvājyabhāgābhyām̐ hutvā tataḥ sāvitr! yā savitre vayam̐ someti somāyā sunvantamayajamānamiti nirṛtaye sahasraśīrṣeti viṣṇave pṛthagaṣṭottaraśataṃ juhuyāt 5 namo astu sarpebhya iti samiccarutilājyairjūhuyāt 6 sviṣṭakṛtaṃ prāyaścittāhutīrhutvā pūrṇāhutim̐ hutvā-cāryaḥ śiśuṃ mātaraṃ pitaram̐ sarvauṣadhitilasarṣapasam̐ yuktamudakaṃ kalaśāduddhṛtya-rtvigbhiḥ saha caturbhiḥ kalaśairabhiṣiñcet 7 pūrvavaddakṣiṇeti śeṣo vyākhyātaḥ 8
iti mānavasūtre āśleṣāvidhiḥ