Kalpah 2.4.6.9.4

2.4.6.9.4

pūrvārdhādupakramya pradakṣiṇam̐ saptasapta pañca maghye 3 rājñyasi prācī digitiprabhṛtibhiḥ pañca nākasado lokeṣu 4 ayaṃ puro harikeśa iti nākasadāmupariṣṭātpañcacūḍāḥ paścātprācīmuttamām 5 prācyā tvā diśā sādayāmīti kḷptīrupadadhāti śirasi pakṣapucheṣu madhye pañcamīm 6 viharannatraiva retaḥsicamupadadhāti 7 parameṣṭhī tvā sādayatviti viśvajyotiṣam 8 ṛtavye upadhāya purovātetiprabhṛtibhiḥ pañca vṛṣṭisanīrlokeṣu 9 sam̐ yānye upadhāya vāca upadadhātyambā ca bulā ceti sapta pūrvārdhe 10 salilāya tvetiprabhṛtibhirādityeṣṭakā apyayeṣu dvedve madhye ca 11 adhidyaurnāmāsītyaparāṃ maṇḍalām 12 uttarataḥ purastātsvayamātṛṇṇāyā ayam̐ so agnirityaṣṭau nānāyajuṣa upadadhāti yathā gārhapatye 13 pūrvāṃ punaścitim̐ yena ṛṣayastapasā satramāsateti nava tāsāmaṣṭābhiḥ 14 samāstvāgna ṛtavo vardhayantviti daśa dvedve lokeṣu 15 ūrdhvā asya samidho bhavantīti dvādaśāprīrapyayeṣu tisrastisraḥ 16 prāṇādapānam̐ saṃtanviti nava saṃtatīḥ purastātpratīcīrupadadhāti 17 ṛcā tvā chandasā sādayāmītiprabhṛtibhirapyayeṣu dvedve 18 dūtam̐ vo viśvavedasamiti pañca lokeṣu 19 indro dadhīco asthabhiriti daśa pūrvārdhe 20 chandaścitī-rupadadhātyapyayeṣu tisrastisro'ntarāantarā ayamagniḥ sahasriṇa iti tisṛbhi-rgāyatrībhirabodhyagniriti triṣṭubbhirjanasya gopā iti jagatībhiḥ sam̐ sami-dityanuṣṭubbhirā te agna idhīmahīti paṅktibhirenā vo agnimiti bṛhatībhiragne vājasya gomata ityuṣṇigbhirdve tisraḥ karoti bhadro no agnirāhuto bhadrā rātiḥ subhaga bhadro adhvaraḥ . bhadrā uta praśastayaḥ ..