Kalpah 2.4.9.1

2.4.9.1

atha rājasūyasūtraprārambhaḥ . rājā rājyakāmo rājasūyena yajeta 1 bhārgavo hotā 2 āśvayujyāmamāvāsyāyām̐ vā yajanīye'hanyagniṣṭomāya jyotiṣṭomāya dīkṣate 3 sa siddhaḥ saṃtiṣṭhate 4 śvobhūte'numatyā aṣṭākapālaṃ nirvapati 5 siddhamādhivapanāt 6 prāgadhivapanātśamyāśīrṣaṃ dṛṣadā samaṃ kuryāt 7 ye pratyañcaḥ śamyāmatiśīyante tannairṛtamekakapālam 8 tūṣṇīṃ dakṣiṇāgnau śrapayatyānumataṃ gārhapatya . ubhau saha śṛtau kurvanti 9 siddhamā pracaraṇāt 10 ājyabhāgābhyāṃ pracarya vīhi svāhāhutiṃ juṣāṇa iti dakṣiṇāgnau juṣaṃ juhoti 11 dakṣiṇā paretya svakṛta iriṇa ekolmukaṃ nidhāya visram̐ sikāyāḥ kāṇḍābhyāṃ juhoti juṣāṇā nirṛtirvetu svāheti juhoti 12 vāsaḥ kṛṣṇaṃ bhinnāntaṃ dakṣiṇā 13 svāhā namo ya idaṃ cakāreti gārhapatye hutvānumatena pracaranti 14 dakṣiṇākāle dhenurdakṣiṇā 15 siddhamā vedastaraṇāt 16 atha ya udañcaḥ śamyāmatiśīyante tānudakparetya valmīkavapāmuddhṛtyedamahamamuṣyāmuṣyāyaṇasya kṣetriyamavayaja ityuktvā juhotī damahamamuṣyāmuṣyāyaṇasya kṣetriyamapidadhā-mīti loṣṭenāpidadhāti 17 śvobhūta ādityebhyo bhuvadvadbhyo ghṛte caruritiprabhṛti yathāmnātam 18 śvobhūta āgrāyaṇo . vatsaḥ prathamajo dakṣiṇā 19 śvobhūte cāturmāsyāni paurṇamāsyāmārabhya sam̐ vatsare'pavarjayet 20 śvobhūta indra turīya-māgneyo'ṣṭākapālo vāruṇo yavamayaścarū raudro gāvīdhukaścaruraindraṃ dadhi . dhenuranaḍvāhī dakṣiṇā 21 apāṃ nyayanādapāmārgānāharanti . tānsaktūnkṛtvā śvobhūte prāgudayādapāmārgeṇa pracaranti 22 dakṣiṇā paretya svakṛta iriṇa ekolmukaṃ nidhāya parṇamayena sruveṇa devasya tvā savituḥ prasava iti juhoti 23 hatam̐ rakṣo'vadhiṣma rakṣa ityanūpatiṣṭhate . varo dakṣiṇā 24 sāyaṃ pañcedhmīyānavanīya pañcadhā vyudūhyedhmānādadhāti 25 ye devāḥ puraḥsada iti pūrvārdhe juhoti pradakṣiṇamuttarairanuparikrāmaṃ na pratiparikramya pañcamena madhye 26 idamaham̐ rakṣo'bhisamūhāmīti prabhṛtibhirāhavanīyam̐ samūhyāgnaye puraḥsade svāheti pūrvārdhe juhoti pradakṣiṇamuttarairanuparikrāmaṃ na pratiparikramya pañcamena madhye 27 rathaḥ pañcavāhī dakṣiṇā 28 amāvāsyāyāṃ niśi pañcedhmīyena yajeta yo rakṣobhyo bibhīyātpiśācebhyo vā 29 śvobhūte devikāpaṣṭhauhī dakṣiṇā 30 śvobhūte triṣam̐ yuktamāgnāvaiṣṇava ekādaśakapāla aindrā vaiṣṇavaścarurvaiṣṇavastrikapālo . vāmano dakṣiṇā 31 śvobhūta uttaram̐ somāpauṣṇa ekādaśakapāla aindrā pauṣṇaścaruḥ pauṣṇaścaruḥ . śyāmo dakṣiṇā 32 śvobhūte vaiśvānaram̐ vāruṇamagnaye vaiśvānarāya dvādaśakapāla iyānvāruṇo yavamayaścarurhiraṇyaṃ cāśvaśca dakṣiṇā 33 śvobhūte bārhaspatyaścarurbrahmaṇo gṛha iti prabhṛtayo ratninaḥ 34 ta iṣṭipariveṣaṃ dadyuryeṣāṃ gṛheṣvanvaham̐ yajeta 35 aṅguṣṭhaparvamātro nairṛtaścarurnakhanirbhinnānāṃ . tūṣṇīṃ dakṣiṇāgnau śrapayati 36 dakṣiṇā paretya svakṛta iriṇa ekolmukaṃ nidhāya pradare vā nirṛtyai svāheti juhoti 37 ratnibhya ūrdhvaḥ punaraindra ekādaśakapālo rājño gṛha . ṛṣabho dakṣiṇā 38 śvobhūte prayogāvindrā yām̐ homuca ekādaśakapālaṃ nirvapedindrā ya sutrāmṇa ekādaśakapālamṛṣabho dakṣiṇā 39 anvaham̐ yajeta 40 pārvaṇaḥ parvaṇi 41 traidhātavyayānyatsahasraṃ dakṣiṇā 42 9.1.1