Kalpah 2.4.9.3

2.4.9.3

darbhayoḥ pratimucyā nibhṛṣṭamasīti rukmamādatte 1 śukrā vaḥ śukreṇa punāmīti rukmeṇotpunāti 2 svāhā rājasūyā iti rukmamanvavasṛjati 3 sadhamādo dyumnyā ūrjā ekā iti vyānayati pālāśāśvatthaudumbaranaiyagrodhaiḥ 4 rudra yatte giriparaṃ nāmeti śeṣamāgnīdhrīye juhoti 5 somā indro varuṇa iti yajamānam̐ vācayati 6 dadhi madhu śaṣpāṇyaudumbare yajamānamāśayati 7 kṣatrasya yonirasīti tārpyeṇa dīkṣitavasanamabhidhatte .. kṣatrasyolbamasīti pāṇḍaram̐ sam̐ śuddham 8 kṣatrasya nābhirasītyuṣṇīṣeṇa saṃnahyati 9 navanītena saṃdhāpya pañcāśatā dakṣiṇamakṣi cāṅkta ekapañcāśatā 10 apa upaspṛśyāvitto agni-rgṛhapatiriti gārhapatyānte yajamānamāvedayatyeṣa te janate rājeti yajamānamāha .. somo'smākaṃ brāhmaṇānām̐ rājeti japati 11 indra sya vajro'si vārtraghna ityadhijyaṃ dhanuḥ prayachati 12 śatrubādhanā stheti trīnbāṇavataḥ pradāya pāta prāñcaṃ pāta pratyañcamiti japati 13 mitro'sīti dakṣiṇamupāvaharati varuṇo'sīti savyam̐ saheṣubhiḥ 14 hiraṇyavarṇamuṣaso vyuṣṭā ityetābhirabhimantrayeta 15 samidhamātiṣṭheti prabhṛtibhirdiśo'nunikrāmati manasā na padābhyām 16 agreṇa sadaḥ somasya tviṣirasīti vyāghracarma viveṣṭya prāggrīvalomamāstṛṇāti 17 tadāruhya japati yajamānaḥ pratyastaṃ namuceḥ śira iti padā sīsaṃ paṇḍagāya pratyasyatyaveṣṭā dandaśūkā iti lohitāyasaṃ keśavāpāya 18 mṛtyoḥ pāhīti rājatam̐ rukyamadhastātpādayorupakarṣati sauvarṇa m̐! rukmam 19 agnaye svāhā somāya svāheti ṣaṭpārthāni juhoti 20 somasya tvā dyumneneti samayā sauvarṇama-bhiṣiñcati pālāśena dakṣiṇato brahmāśvatthena paścādvaiśya audumbareṇottarato bhrātṛvyaḥ purastādyo janyo mitram̐ sa naiyagrodhena 21 pālāśe saṃpātānavanīyāgnīdhre sāda-yati 22 indrā ya svāheti ṣaṭpārthāni juhoti 23 indra sya yonirasīti viṣāṇāmanumantrayate samāvavṛtrannadharāgudaktā ityabhiṣekamūrdhvaṃ nābhestriḥ 24 indra sya vajro'si vājasaniriti cātvālānte rathamupāvaharati mitrāvaru-ṇayostvā praśāstroḥ praśiṣā yunajmīti yunakti 25 viṣṇoḥ kramo'sīti cakre pādamādadhāti sapatnahetyārohati 26 marutāṃ prasave jayeti yāntamanumantrayate 27
asāvidevaṃ goṛjīkamandho nyasminnindro januṣemuvoca .
bodhāmasi tvā haryaśva yajñairbodhā na stomamandhaso madeṣu ..
ityaindra yā! triṣṭubhā brahmānveti 28 rājanyaṃ jināti . tasmai tāmiṣumasyati 29 vrataṃ gṛhītvāptaṃ manaḥ samindri yeṇetyuktvā vartate 30 eṣa vajro vājasātama-stena nau putro vājam̐ sediti patnyai dhanvāni prayachati 31 tānyañjalinā prati-gṛhṇāti 32 mārutasya payasyāśca samavadāyāniruktena sviṣṭakṛtā pracarya rukmānanumantrayata 9.1.3