Kalpah 2.6.1.5_50
Kalpaḥ 2.6.1.5_50
- Language
- Sanskrit
2.6.1.5_50
mama putrāḥ śatruhaṇo'tho me duhitā virāṭ . utāhamasmi saṃjayā patyurme śloka uttama iti ca .
pūṣā te bilaṃ viṣyatviti sarpirdhānasya gargarasya bilaṃ viṣyati pūṣā'sīti vā .
anyasminpātre niṣicya yāvanirvapsyanbhavati .
idaṃ viṣṇurvicakrama iti dakṣiṇāgnāvadhiśritya .
aditirasyanācchinnapavitretyājyasthālīmādāya mahīnāṃ payo'sīti tasyāṃ pavitrāntarhitāyāṃ prabhūtamājyaṃ nirvapati .
iṣe tveti dakṣiṇārdhe gārhapatyasyāṅgāreṣvadhiśrayati .
ūrje tvetyupādāya vedenopayamya patnyā upaharati .
mahīnāṃ payo'sīti tatsā nimīlyānucchvasantyavekṣate .