Kalpah 2.6.12.18

2.6.12.18

12.1
atha dvādaśapraśne prathamaḥ .paṭalaḥ .
sarvāsu citiṣu pravargyopasadāvāditaḥ paurvāhnikyāvupariṣṭādāparāhnikyau pravargyopasadaściti homo'śvapariṇayanaṃ ca vyākhyātam . .śvobhūte dvitīyāṃ citiṃ cinoti .. 1 ..
dhruvakṣitirdhruvayoniriti pañcā''śvinīrupa dadhāti . catasraḥ pratidiśamekāṃ madhye .. 2 ..
sajūrṛtubhiriti pañcartavyā āśvinīrupadadhāti .. 3 ..
anuparihāram̐ sādayati prāṇaṃ me pāhyapānaṃ me pāhīti pañca vāyavyā ṛtavyā anūpadadhāti vāyoryānyasi devānāṃ vāyo yānyasīti dve saṃyānye . śukraśca śuciśceti dve ṛtavye .. samānatayā devate bhavataḥ .. 4 ..
apaspinveti pañcāpasyā vāyavyā anūpadadhāti . anuparihāram̐ sādayati . viṣṭambho vaya iti catasraḥ . mūrdhanvatī purarastādupadadhāti .. 5 ..
tryavirvaya iti pañca dakṣiṇato vayasvinīḥ . paṣṭhavāḍvaya iti pañca paścāddve'numatī vasto vaya iti pañcottarataḥ sim̐havatīḥ . api vā .vasto vaya iti dakṣiṇe'm̐sa upadadhāti . vṛṣṇirvaya ityuttare . vyāghro vaya iti dakṣiṇe pakṣa upadadhāti . sim̐ho vaya ityuttare . puruṣo vaya iti madhye .. 6 ..
ṛṣabhaprabhṛtirvyākhyātaścityantaḥ .. 7 ..
śvobhūte tṛtīyāṃ citiṃ cinoti .. ( kha0 1 ) .. 8 ..
indrāgnī avyathamānā iti svayamātṛṇṇāmabhimṛśyāśvenāvaghrāpya viśvakarmā tvā sādayatvantarikṣasya pṛṣṭhe vyacasvatīmiti madhye'gneraviduṣā brāhmaṇena sahopadadhāti . bhuva iti caitayā vyāhṛtyā .. 9 ..
cittiṃ juhomīti svayamātṛṇṇāyām̐ hutvā'nuvyanityavidvānbrāhmaṇo varaṃ dadāti .. 12.1.10 ..
jyotirasi jyotirme yacchāntarikṣaṃ yacchāntarikṣānmā pāhīti hiraṇyeṣṭakām . adhi dyaurantarikṣaṃ brahmaṇā viṣṭā marutaste goptāra iti maṇḍaleṣṭakām . anuretaḥ sico vivayasa upadadhāti . viśvakarmā tvā sādayatvantarikṣasya pṛṣṭhe jyotiṣmatīmiti viśvajyotiṣam . antarikṣasya yānyasi devānāmantarikṣa yānyasīti dve saṃyānyau ..1 1 ..
nabhaśca nabhasyaśceṣaścorjaśceti catasra ṛtavyā dve dve samānatayā devate bhavataḥ .. 12 ..
rājñyasi prācī digiti pañca diśyāḥ . catasraḥ pratidiśamekāṃ madhye .. 13 ..
āyurme pāhīti daśa vairājīḥ purastādupadhāya .. 14 ..
ṣaṭtrim̐śataṃ bṛhatīrupadadhāti . mā chanda iti dvādaśa dakṣiṇataḥ . pṛthivī chanda iti dvādaśa paścāt . agnirdevateti dvādaśottarataḥ .. 15 ..
mūrdhā'si rāḍiti saptavālakhilyāḥ purastātpratīcīrupadadhāti . yantrī rāḍiti sapta paścātprācīḥ 1 6..
pṛthivyai svāheti dvādaśa bhūteṣṭakāḥ .. 17 ..
prācyā tvā diśā sādayāmīti pañcā''tmeṣṭakāścatasraḥ pradiśamekāṃ madhye .. (kha02) .. 18 ..