Kalpah 2.6.15

Kalpaḥ 2.6.15

Language: Sanskrit

2.6.15.1

15.1
atha pañcadaśapraśnaḥ .
tatra prathamaḥ paṭalaḥ.
śrutilakṣaṇaṃ prāyaścittaṃ vidhyaparādhe vidhīyate .. 1..

2.6.15.2

ekasmindoṣe śrūyamāṇāni samabhyuccīyeranprāyaścittānyarthāntarasaṃyogāt .. 2..

2.6.15.8

tubhyaṃ tā aṅgirastametyanvāhitāgniḥ prayāsyañjuhuyāt .. 8..

2.6.15.9

pṛthagaraṇīṣvagnīnsamārohya prayāti .. 9..

2.6.15.10

yatra vasettadaitāmiṣṭiṃ sam̐sthāpayet .. 15.1.10 ..

2.6.15.11

yadyanvāhitāgnerāhavanīyo'nugacchedanvagniruṣasāmagramakhyadityanyaṃ praṇīya yo agṃi devavītaye haviṣyām̐ ā vivāsati . tasmai pāvaka mṛḍaya svāheti sruvāhutiṃ juhoti .. 11..

2.6.15.12

yaḥ kaścanānugacchedetadeva prāyaścittam .. 12 ..

2.6.15.17

manasā vratopāyanīyaṃ yajurjapet .. 17 ..

2.6.15.18

idaṃ ta ekaṃ para uta ekaṃ tṛtīyena jyotiṣā saṃviśasva. saṃveśanastanu vai cāruredhi priyaṃ devānāṃ parame janitra ityanvāhitāgneragnimapakṣāyantamā śamyāparāsātsaṃbharet 18..

2.6.15.19

parastarām̐ śamyāparāsādapakṣāyantamanuprayāyānvavasāya yajeta .. 19..

2.6.15.20

agnaye pathikṛte puroḍāśamaṣṭākapālaṃ nirvapet .. 15.1.20 ..

2.6.15.24

yasya haviṣe vatsāḥ apākṛtāḥ dhayeyurvāyavyāṃ yavāgūṃ nirvapet .. 24..

2.6.15.25

. sā dohasthāne pratīyāt . anyatarasmādapākṛtā dhayeyuḥ .. 25..

2.6.15.27

yasya sāyaṃ dugdham̐ havirārtimārcchatīndrāya vrīhīnnirupyopavaset .. 27..

2.6.15.29

athottara aindraḥ puroḍāśo bhavati .. 29..

2.6.15.30

prātardohenātra samavadāya pracarati .. 15.1.30..

2.6.15.31

athottarasmai haviṣe vatsānapākṛtyopavaset .. 31..

2.6.15.32

etadeva prātardohasyā''rtigatasya prāyaścittam .. 32 ..

2.6.15.33

sāyaṃdohenātra samavadāya pracarati .. 33 ..

2.6.15.34

athottarasmai haviṣe vatsānapākṛtyopavaset .. 34..

2.6.15.35

yasya sāyaṃprātardugdham̐ havirārtimārcchatyaindraṃ pañcaśarāvamodanaṃ pacet .. 35..

2.6.15.37

agniṃ prathamaṃ puroḍāśena yajeta .. 36 ..
uttaramindraṃ pañcaśarāveṇa .. 37..

2.6.15.38

athottarasmai haviṣe vatsānapākṛtyopavaset .. 38 ..

2.6.15.39

yasya vratye'hanpatnyanālambhukā bhavati tāmaparudhya yajeta .. 39..

putrāya vettavai rāyaspoṣāya suprajāstvāya suvīryāyeti . ardha evaināmupahvayate saiva tataḥ prāyaścittiḥ. .. 41 ..
yadi sāṃnāyyamagnihotraṃ vā viṣyandeta . yadi vā kīṭo'vapadyeta . madhyamena palāśaparṇenāntamena vodakparetya prājāpatyayarcā valmīkavapāyāṃ viṣya ndamānamavamanīya bhūrityupatiṣṭheta .. 42 ..
madhyamenaiva palāśaparṇena dyāvāpṛthivyamarcā'ntaḥparidhi kīṭāvapannamavanīya bhūrityupatiṣṭheta .. 43 ..
yadi sāṃnāyyamanyadāgamayet .. 44 . .
yadyagnihotramanyāṃ dugdhvā punarjuhuyānmitro janānkalpayati prajānanmitro dādhāra pṛthivīmuta dyām . mitraḥ kṛṣṭīranimiṣā'bhicaṣṭe satyāya havyaṃ ghṛtava- jjuhotetyabhivṛṣṭamagnihotram̐ hutvā'nyāṃ dugdhvā punarjuhuyāt.. 45 ..
tāmiṣṭvā trirātre snātāmupahūyeta..(kha01). amūhamasmi sā tvaṃ dyaurahaṃ pṛthivī tvam̐ sāmāhamṛk tvaṃ tāvehi saṃbhavāva saha reto dadhāvahai pum̐se
yadi pūrvasyāmāhutyām̐ hutāyāmuttarāhutiḥ skandet pūrvāṃ cottarayā'bhihutya (bhijuhuyāt ) yatra vettha vanaspate devānāṃ guhyā nāmāni . tatra havyāni gāmayeti vānaspatyayarcā samidhamādhāya tūṣṇīmeva punarjuhuyāt .. 46..

2.6.15.47

yadi pūrvasyāmāhutyām̐ hutāyāmāhavanīyo'nugacchedagnirdārau dārāvagniriti vadannantare śakale hiraṇye vā juhuyāt .. 47 ..

2.6.15.48

yadi purā prayājebhyo bahiṣparidhyāhavanīyātprācīnamaṅgāro nivartetādhvaryave ca yajamānāya cākam̐ syāt . yadi dakṣiṇā brahmaṇe ca yajamānāya cākam̐ syāt . yadi pratyagghotre ca patniyai ca yajamānāya cākam̐ syāt . yadyudaṅgnīdhe ca paśubhyaśca yajamānāya cākam̐ syāt . mā tamo mā yajñaratamanmā yajamānastannamaste astvāyate namo rudra parāya te namo yatra niṣīdasyadhvaryuṃ mā mā him̐sīryajamānaṃ mā him̐sīriti tam̐ sruvasya budhnenābhividadhyāt .. yadi prācīnaṃ nivartetaivāmitarāsu dikṣu brahmāṇaṃ mā him̐sīryajamānaṃ mā him̐
sīriti dakṣiṇato mantram̐ saṃnamati .. hotāraṃ mā him̐sīḥ patnīṃ mā him̐sīryajamānaṃ mā him̐sīriti paścāt . āgnīdhraṃ mā him̐sīryajamānasya paśūnmā him̐sīryajamānaṃ mā him̐sīrityuttarataḥ .. (kha02) ..48..

2.6.15.49

sahasraśṛṅgo vṛṣabho jātavedāḥ stomapṛṣṭho ghṛtavānsupratīkaḥ. mā no hāsīnmetthito nettvā jahāma gopoṣaṃ no vīrapoṣaṃ ca yacchetyenamagnau praharati .. 49 ..

2.6.15.50

prahṛtya vā'bhijuhuyāt .. 15.1.50 ..

2.6.15.51

yadyāhitāgneranirmathyamānaḥ kālasaṃnikarṣeṇa na jāyeta yatrānyaṃ paśyettata āhṛtya vihṛtya hutvā'tvaramāṇaḥ punarmanthet .. 51..

2.6.15.52

anyamavindannajāyā dakṣiṇe karṇe juhuyāt .. 52..

2.6.15.53

ajasyetyekeṣām .. 53..

2.6.15.54

ajasya tu tato nāśnīyāt .. 54..

2.6.15.55

ajāmavindanbrāhmaṇasya dakṣiṇe haste juhuyāt .. 55..

2.6.15.56

brāhmaṇaṃ tu vasatyai nāparundhyāt ..56 ..

2.6.15.57

brāhmaṇaṃ tvavindandarbhastambe juhuyāt .. 57 ..

2.6.15.58

darbhām̐stu nādhyāsīta .. 58 ..

2.6.15.59

darbhānnavindannapsu juhuyāt .. 59..

2.6.15.60

āpastu na paricakṣītemā bhojanīyā imā abhojanīyā iti .. 15.1.60 ..

2.6.15.61

apyabhojanīyasyaitaṃ saṃvatsaraṃ parigṛhṇīyādevāpaḥ .. 61 ..

2.6.15.62

adbhistu pādau na prakṣālayīta .. 62 ..

2.6.15.63

sāṃvatsarikāṇyetāni vratāni bhavanti .. 63 ..

2.6.15.64

saṃvatsare'gnaye vratapataye puroḍāśamaṣṭākapālaṃ nirvapet .. 64 ..

2.6.15.65

agnaye kṣāmavate'ṣṭākapālam . yadyāhitāgneragnirgṛhāndahet .. 65 ..

2.6.15.66

agnaye vivicaye'ṣṭākapālaṃ yasyānyairagnibhiragnayaḥ sam̐sṛjyeranmitho vā ..66..

2.6.15.67

agnaye vītaye'ṣṭākapālaṃ yadi gārhapatyadakṣiṇāgnī sam̐sṛjyeyātām .. 67 ..

2.6.15.68

agnaye vipṛcaye'ṣṭākapālaṃ yadi gārhapatyāhavanīyau. gārhapatyadakṣiṇāgnī ityekeṣām .. 68..

2.6.15.69

agnaye vratabhṛte'ṣṭākapālaṃ yadyabhyādāhyena .. 69 ..

2.6.15.70

agnaye śucaye'ṣṭākapālaṃ yadi śavāgninā . agnaye saṃkusukāyāṣṭākapālaṃ yadi sūtakāgninā .. 15.1.70 ..

2.6.15.71

saṃkusuko vikusuko vikiro yaśca viṣkiraḥ . māṣājyena naledhmena kravyādam̐ śamayāmasi . asminvayaṃ saṃkusuke'gnau riprāṇi sṛjmahe . abhūma yajñiyāḥ śuddhāḥ pra ṇa āyūm̐ṣi tāriṣaditi yājyānuvākye .. 71..

2.6.15.72

agnaye'psumate'ṣṭākapālaṃ yadi vaidyutena .. 72 ..

2.6.15.73

sarve saṃnipateranagnaye vivicaye nirupyāgnaye śucaye nirvapati . vrātabhṛtīṃ tṛtīyāmapsumatīṃ caturthīṃ kṣāmavatīmantataḥ parikramayet .. (kha03) .. 73 ..

2.6.15.74

vrātabhṛtīṃ dvitīyāmeke samāmananti . vrātapatīmuttamām .. 74 ..

2.6.15.75

garbham̐ sravantamagadamakaragnirindrastvaṣṭā bṛhaspatiḥ. pṛthivyāmavacuścotaitannābhiprāpnoti nirṛtiṃ parācairityagnihotrasthālīm̐ sravantīmabhimantrayeta ..75..

2.6.15.76

yasya havirniruptaṃ purastāccandramā abhyudeti tredhā taṇḍulānvibhajedye madhyamāḥ syustānagnaye dātre puroḍāśamaṣṭākapālaṃ kuryādye sthaviṣṭhāstānindrāya pradātre dadham̐ścaruṃ ye'ṇiṣṭhāstānviṣṇave śipiviṣṭāya śṛte carumagnirevāsmai prajāṃ prajanayatīti..76..

2.6.15.77

anirupte'bhyudite ..77..

2.6.15.78

vyṛddhabhāgbhyo nirvapet .. 78 ..

2.6.15.79

tathaikadeśe nirupte'bhyudite vyṛddhabhāgbhyaḥ śeṣam .. 79 ..

2.6.15.80

tāmiṣṭim̐ sam̐sthāpya vatsānapākṛtya śvaḥ sāṃnāyyena yajeta .. 15.1.80 ..

2.6.15.81

agnaye pathikṛte puroḍāśamaṣṭākapālaṃ nirvapedyo darśapūrṇamāsayājī sannamāvāsyāṃ vā paurṇamāsīṃ vā'tipādayaditi .. 81..

2.6.15.82

vi vā etasya yajñaśchidyate yasya yajñe pratate'ntaretāmiṣṭiṃ nirvapanti . ya evāsāvāgneyo'ṣṭākapālo'māvāsyāyāṃ paurṇamāsyāṃ tamevāgnaye pathikṛte kuryāttenaiva panthāṃ punarevaiti na yajñaṃ vicchinattīti vijñāyate .. 82 ..

2.6.15.83

pravṛttasya kālātinaye'pravṛttasya vaiśvānaryagnaye vratapataye puroḍāśamaṣṭākapālaṃ nirvapet .. 83 ..

2.6.15.84

ya āhitāgniḥ sannavratyamiva caret . ya āhitāgniḥ pravasedityekeṣām ..84 ..

2.6.15.85

agnaye vratabhṛte'ṣṭākapālaṃ ya āhitāgnirārtijamaśru kuryāt . vrātabhṛtīṃ pravāsa eke samāmananti . vrātapatīmaśrukarmaṇi .. 85 ..

2.6.15.86

tvamagne vratabhṛcchucirdevām̐ āsādayā iha . agne havyāya voḍhave .. vratā nu bibhradvratapā adābhyo yajā no devām̐ ajaraḥ suvīraḥ . dadhadratnāni suvidāno agne gopāya no jīvase jātaveda iti yājyānuvākye .. (kha04)..86..

2.6.15.86_1

iti satyāṣāḍhahiraṇyakaśisūtre pañcadaśapraśne prathamaḥ paṭalaḥ ..

2.6.15.86_2

15.2
atha pañcadaśapraśne dvitīyaḥ paṭalaḥ .
yasmādbhīṣā niṣīdasi tato no abhayaṃ kṛdhi . prajābhyaḥ sarvābhyo mṛḍa namo rudrāya mīḍhuṣa ityabhimantrayeta ..1..

2.6.15.86_3

yadyagnihotryupasṛṣṭopasannā vā niṣīdedudasthāddevyaditirviśvarūpyāyuryajñapatāvadhāt . indrāya kṛṇvatī bhāgaṃ mitrāya varuṇāya cati tāmutthāpya dugdhvā brāhmaṇāya dadyāt .. 2 ..

2.6.15.86_4

yasyānnaṃ nādyādapi vaināṃ daṇḍena vipiṣyāvipiṣya votthāpyā''tmankurvīta sūyavasādbhagavatī hi bhūyā atho vayaṃ bhagavantaḥ syāma . addhi tṛṇamaghnye viśvadānīṃ piba śuddhamudakamācarantīti darbhastambamālu(lo)pya grāsayet .. 3 ..

2.6.15.86_5

yadi duhyamānā vāśyeta yadi vā lohitaṃ duhīta vyutkrāmatetyuktvā dakṣiṇāgniṃ pariśritya tasminnetam̐ śrapayitvā tasminneva juhuyāt . tāṃ brāhmaṇāya dadyādyamanabhyāgamiṣyanmanyeta .. 4..

2.6.15.86_6

yadadya dugdhaṃ pṛthivīmasakta yadoṣadhīrapyasaradyadāpaḥ. payo gṛheṣu payo aghniyāsu payo vatseṣu payo astu tanmayītyenadabhimantrya yadi duhyamānam̐ skandetsamudraṃ vaḥ prahiṇomītyetayā'dbhirupaninīya tadeva yādṛkkīdṛgghutvā'nyāṃ dugdhvā punarjuhuyāt .. 5 ..

2.6.15.86_7

api vā tāṃ caiva duhyādanyāṃ vā yadi bhindyādanyām̐ sthālīṃ nirṇijyāthānyāṃ duhyādudakaṃ tvanuparāsicyam .. 6..

2.6.15.86_8

yadi dugdham̐ skandedyadi hriyamāṇaṃ yadyadhiśrīyamāṇaṃ yadyadhiśritaṃ yadyudvāsyamānaṃ yadyudvāsitamanyāmabhiduhyāt .. 7 ..

2.6.15.86_9

atha yadyunnītam̐ skandedyadi dviryadi trirna tadādriyetetyekeṣām . caturthamunnīyamānam̐ skandetsthālyām̐ śeṣamānīya tataścaturgṛhītaṃ gṛhītvā vāruṇīmṛcamanūcya vāruṇyarcā juhuyāt .. (kha05) ..8..

2.6.15.86_10

yadyunnītam̐ skandetpunarabhyunnīya hotavyamathā''jyena vāruṇīmṛcamanūcya vāruṇyarcā juhuyāt .. 9..

2.6.15.86_11

yadyuddrutasya skandedyattato hutvā punareyadyajñaṃ vicchindyādyatra skandettaṃ niṣadha punargrahṇīyāttadeva yādṛkkīdṛgghutvā'nyāṃ dugdhvā punarjuhuyāt ..15.2.10..

2.6.15.86_12

yadi prācīnam̐ hriyamāṇam̐ skandetprajāpaterviśve bhṛti tanvā( nvāṃ )hutamasītyabhimantryāthā''jyena vāruṇīmṛcamanūcya vāruṇyarcā juhuyāt .. 11 ..

2.6.15.86_13

yadi puraḥ parāhṛtam̐ skandedanūddhṛtya punarabhyunnīya hotavyamathā''jyena vāruṇīmṛcamanūcya vāruṇyarcā juhuyāt .. 12..

2.6.15.86_14

yadi pura upasannamahutam̐ skandettadeva yādṛkkīdṛkca hutvā'nyāṃ dugdhvā punarjuhuyāt .. 13 ..

2.6.15.86_15

askāndyauḥ pṛthivīmaskānṛṣabho yuvā gāḥ . skannemā viśvā bhuvanā skanno yajñaḥ prajanayatu . askānajani prājanyā skannājjāyate vṛṣā . skannātprajaniṣīmahītyagnihotram̐ skannamabhimantryādbhirupaninayet .. 14 ..

2.6.15.86_16

yadi sāyam̐ skandedā hotoḥ prātarnāśnīyāt . yadi prātaḥ skandedā hotoḥ sāyaṃ nāśnīyāt .. 15..

2.6.15.86_17

divyā vā etamaśanirabhyavaiti yasyāgnihotram̐ śiriśi(śaraśa)rā bhavati . samoṣāmumiti brūyādyaṃ dviṣyāt .. 16 ..

2.6.15.86_18

yasyāgnihotre'dhiśrite śvā'ntarā dhāvedgārhapatyādbhasmā''dāyedaṃ viṣṇurvicakrama iti vaiṣṇavyarcā''havanīyāddhvam̐saṃyannuddravedetayaiva bhasmanā śunaḥ padamupavapati .. 17 ..

2.6.15.86_19

yasyānāhṛtamagniḥ sūryo'bhinimrocedyatra dīpyamānaṃ parāpaśyettata āhṛtyainaṃ praviśānīti vaiṣa ādhīyate .. 18..

2.6.15.86_20

iti dakṣiṇāgneranugatasyā''dhānakalpaḥ ..19..

2.6.15.86_21

yasyānuddhṛtamagnim̐ sūryo'bhinimrocet ..(kha06).. agnihotraṃ pūrvam̐ hareyuḥ . athāgnimuddhareyuḥ . api vā darbheṇa hiraṇyaṃ prabadhya pūrvaḥ pratipadyetānvaṅbrāhmaṇa ārṣeyo bahuvidagnimuddharet . anvaṅṅagnihotreṇānudravedagniṃ pratiṣṭhāpyāgnihotramupasādyā''tamitoraprāṇannāsitvā varaṃ dattvā hutvā bhūrbhuvaḥ suvarityupatiṣṭheta vāruṇaṃ caruṃ nivapet .. doṣāvastarnamaḥ svāheti juhuyāt .. 15.2.20 ..

2.6.15.86_22

yadi sāyamagnihotrasyartumati nayetprātarvastarnamaḥ svāheti juhuyāt .. 21 ..

2.6.15.86_23

yadi prātaragnihotrasyartumati nayetkālasamāpa(pāda)nīyametābhyāṃ mantrā'bhyām̐ hutvā nityamagnihotraṃ juhoti .. 22 ..

2.6.15.86_24

sāyamagnihotramupasādya bhūrbhuvaḥ suvariti purastāddhotorvadati hutvā ca prātaragnihotramupasādyā''tamitoraprāṇannāsitvā varaṃ dattvā hutvā bhūrbhuvaḥ
suvarityupatiṣṭhetānugamayatyāhavanīyamanvagniruṣasāmagramakhyadityanyaṃ praṇīyehaiva kṣemyā edhi mā prahāsīnmā'mumāmuṣyāyaṇamityupatiṣṭheta . maitraṃ caruṃ nirvapet .. 23 ..

2.6.15.86_25

sauryamekakapālameke samāmananti .. 24 ..

2.6.15.86_26

tasyām̐ sam̐sthitāyāmanaśnantau vāgyatāvetadaharjāyāpatī agnimindhānāvāsāte .. 25 ..

2.6.15.86_27

dvayoḥ payasā sāyamagnihotraṃ juhuyāt . pūrvamadhiśrityottaramānayet .. 26 ..

2.6.15.86_28

yasyānuddhṛtamagnim̐ sūryo'bhyudiyāccaturgrahītamājyaṃ gṛhītvā pūrvaḥ pratipadyetānvaṅbrāhmaṇa ārṣeyo bahuvidagnimuddharet . anvaṅṅagnihotreṇānudravedagniṃ pratiṣṭhāpyāgnihotramupasādya .. (kha07) ..purastātpratyaṅṅāsīna uṣāḥ ketunā juṣatāṃ yajñaṃ devebhirinvitaṃ devebhyo madhumattamam̐ svāhetyetaccaturgrahītam̐ hutvā nityamagnihotraṃ juhuyāt .. 27 ..

2.6.15.86_29

tasya sa eva homakalpaḥ . sā prāyaścittiḥ. yatprātarṛtāvatīte .. 28 ..

2.6.15.86_30

etāvannānā . nātrānugamayatyāhavanīyam .. 29 ..

2.6.15.86_31

yasyāhutamagnihotram̐ sūryo'bhyudiyādunnīyā''tamitoraprāṇannāsitvā hutvā bhūrityupatiṣṭheta . varo dakṣiṇā .. 15.2.30 ..

2.6.15.86_32

yadyante syādunnīya prāṅudādravetsa upasādyā''tamitorāsīta yadā tāmyedatha bhūḥ svāheti juhuyāt .. 31 ..

2.6.15.86_33

yasya hoṣyāmīti pravṛtte hutaagnihotram̐ sūryo'bhyudiyāddhutvā tadathotsādya punarādheya ityekeṣām .. 32 ..

2.6.15.86_34

yasyobhāvanugatau sūryo'bhyudiyāt . apivā'stamiyāt . yadivā'raṇyoḥ samārūḍho naśyetpunarādheyameva . tatra prāyaścittam .. 33 ..

2.6.15.86_35

agnaye tantumate'ṣṭākapālaṃ nirvapedyasyāgnihotraṃ vicchidyeta dvyahe tryahe vā .. 34 ..

2.6.15.86_36

svayaṃ kṛṇvānaḥ sugamaprayāvaṃ tigmaśṛṅgo vṛṣabhaḥ śośucānaḥ . pratnam̐ sadhasthamanupaśyamāna ātantumagnirdivyaṃ tatāna .. tvaṃ nastanturuta seturagne tvaṃ panthā bhavasi devayānaḥ . tvayā'gne pṛṣṭhaṃ vayamāruhemāthā devaiḥ sadhamādaṃ mademeti yājyānuvākye .. 35 .. (kha08)..

2.6.15.86_37

iti satyāṣāḍhahiraṇyakeśisūtre pañcadaśapraśne dvitīyaḥ paṭalaḥ .
15.3
atha pañcadaśapraśne tṛtīyaḥ paṭalaḥ .
yasyā''havanīye'nudvāte gārhapatya udvāyedāhavanīyamudvāpya gārhapatyasyāvakṣāṇāni saṃnidhāyetaḥ prathamaṃ jajñe agniriti manthedāhavanīyaṃ praṇīyāgne samrāḍiṣe rathyai ramasva sahase dyumnāyorje'patyāya samrāḍasi svarāḍasi suṣadā sīda sārasvatautvotsau samindhātāmityupasamindhe'gnaye tapasvate janadvate pāvakavate'ṣṭākapālaṃ nirvapet ..1..

2.6.15.86_38

āyāhi tapasā janeṣvagne pāvako arciṣā . upemāṃ suṣṭutiṃ mama .. ā no yāhi tapasā janeṣvagne pāvaka dīdyat . havyā deveṣu no dadhaditi yājyānuvākye .. 2..

2.6.15.86_39

etadevā''havanīye'nugate prāyaścittam . nātra gārhapatyamanugamayatyagnaye jyotiṣmate'ṣṭākapālaṃ nirvapati ..3..

2.6.15.86_40

na tapasvate .. 4..

2.6.15.86_41

yadi sāyamahute'gnihotre pūrvo'gniranugacchedagnihotramadhiśrityonnīyetyekeṣām . agninā pūrveṇoddhṛtyāgnihotreṇānudra(nūddra)vedyo brāhmaṇo bahuvitso'gnimuddharet . yatpunarādhānamādāyī syāttaddadyāt .. 5..

2.6.15.86_42

yadi prātarahute'gnihotre'paro'gniranugacchedanugamayitvā pūrvaṃ mathitvā'paramuddhṛtya juhuyāt .. 6..

2.6.15.86_43

yadi tvareta pūrvamagnimanvavasāya tataḥ prāñcamuddhṛtya juhuyāt .. 7..

2.6.15.86_44

jāmi tu tadyo'sya pūrvo'gnistamaparaṃ karoti .. anyatraivāvasāyāgniṃ mathitvoddhṛtya juhuyāt . śvo'gnaye tapasvate janadvate pāvakavate'ṣṭākapālaṃ nirvapet .. (kha09)..8..

2.6.15.86_45

yasyāparo'gniranugacchedityekeṣām ..9..

2.6.15.86_46

na kālamavadhārayāti . tato'trāgniṃ mathitvoddhṛtyābhimantrayata itaḥ prathamaṃ jajñe agnirityetayā'gne samrāḍiṣe rayyai ramasva sarase dyumnāyorje'patyāya samrāḍasi svarāḍasi suṣadā sīda sārasvatau tvotsau prāvatāmityupasamindhe'gnaye jyotiṣmate puroḍāśamaṣṭākapālaṃ nirvapedvāruṇaṃ yavamayaṃ carum .. 15.3.10..

2.6.15.86_47

yasya pūrvo'gniranugacchedityekeṣām . na kālamavadhārayati . tebhya evāvakṣāṇebhyo'dhimanthitavyaḥ . atha yadi na tādṛśānīvāvakṣāṇāni syuḥ . bhasmanā'raṇī sam̐sparśya manthitavyaḥ svādevainaṃ yonerjanayati .. agnaye tapasvate janadvate pāvakavate'ṣṭākapālaṃ nirvapet.. yasyāgniranugacchedityekeṣām . na kālamavadhārayati. tebhya evāvakṣāṇebhyo'dhimanthitavyo'tha yadi śalkedhv (ddha)stṛṇedvo(ddho)vā syādbhasmanā'raṇī sam̐sparśya manthitavyaḥ svādevainaṃ yonerjanayati. agnaye tapasvate janadvate pāvakavate'ṣṭākapālaṃ nirvapet .. 11..

2.6.15.86_48

anugateṣṭervā sthāna etā āhatīrjuhoti .. .. (kha010).. mitrāya svāhā varuṇāya svāhā somāya svāhā sūryāya svāhā'gnaye tapasvate janadvate pāvakavate svāhā'gnaye śucaye svāhā'gnaye jyotiṣmate svāhāsgnaye vratapataye svāheti vyāhṛtibhirvihṛtābhiḥ samastābhiśca .. 12 ..

2.6.15.86_49

athaikeṣāṃ vijñāyate yadi prāgagnihotrakālādāhavanīyo'nugacchedanyaṃ praṇayet .. 13 ..

2.6.15.86_50

yadi homakāle prāṇa udānamapyagāditi gārhapatye juhuyāt .. 14 ..

2.6.15.86_51

yadi gārhapatya udānaḥ prāṇamapyagādityāhavanīye .. 15..

2.6.15.86_52

yadi dakṣiṇāgnirvyāna udānamapyagāditi gārhapatye .. 16 ..

2.6.15.86_53

yadi sarve'nugaccheyuragniṃ mathitvā yāṃ diśaṃ vāto vāyāttāṃ diśamāhavanīyaṃ praṇīya vāyave svāheti juhuyāt .. 17 ..

2.6.15.86_54

yadi nivāte'nugaccheyuragniṃ mathitvā vihāram̐ sādhayitvā'pareṇā''havanīyamupaviśya svayamagnihotraṃ pibet ( agnihotrapratyāmnāyo bhavatīti vijñāyate . ).. 18 ..

2.6.15.86_55

yadyastamite juhuyāt . punarevāstamite juhuyāt ..19..

2.6.15.86_56

yadi mahārātre juhuyāt . punarevoṣasi juhuyāt ..15.3.20..

2.6.15.86_57

agnaye'gnivate puroḍāśamaṣṭākapālaṃ nirvapedyasyāgnāvagnimabhyuddhareyuḥ .. 21..

2.6.15.86_58

bhavataṃ naḥ samanasāvityabhimantrayeta .. 22 ..

2.6.15.86_59

agnaye jyotiṣmate puroḍāśamaṣṭākapālaṃ nirvapet . yasyāgniruddhṛto'hute'gnihotra udvāyedapara ādīpyānuddhṛtya ityāhustattathā na kāryaṃ yadbhāgadheyamabhipūrva uddhriyate kimaparo'bhyuddhriyeteti tānyevāvakṣāṇāni saṃnidhāyetaḥ prathamaṃ jajñe agniriti manthet .. 23 ..

2.6.15.86_60

trayastrim̐śatantavo ye vitatnira iti juhuyāt .. 24 ..

2.6.15.86_61

yadi kṛṣṇaśakunirdhvam̐sayannuparyuparyagnihotramatīya( tipa )te( t ) . yasyāgnihotre'dhiśrite haviṣi vā nirupte puruṣaḥ śvā ratho'no vā'ntarā'gnī vīyāt ..(kha011).. gaurvarāha eḍako vā . tatrāpo'nvatiṣicya gāmanvatyā''vartayet( vardhatāṃ bhūtirdadhnā ghṛtena muñcatu yajño yajñapatimam̐hasaḥ svāheti ) .. 25 ..

2.6.15.86_62

gārhapatyādbhasmā''dāyedaṃ viṣṇurvicakrama iti vaiṣṇavyarcā''havanīyāddhvam̐sayannuddravedetayaiva bhasmanā padamapi vapati . vartma ca lopayetpadaṃ ca .. 26..

2.6.15.86_63

yadyano ratho vā'ntarā'gnī vīyādityekeṣām . na kālamavadhārayati . anugamayatyā havanīyaṃ yadagne pūrvaṃ prabhṛtaṃ padam̐ hi te raśmīnanvātatāna . tatra rayiṣṭhāmanusaṃbharaitam̐ saṃ naḥ sṛja sumatyā vājavatyā . tvamagne saprathā asi juṣṭo hotā vareṇyaḥ . tvayā yajñaṃ vitanvata ityanyaṃ praṇīyāgnaye pathikṛte puroḍāśamaṣṭākapālaṃ nirvapet . atho'ntikādbarhirāharedanaḍvāndakṣiṇā .. 27 ..

2.6.15.86_64

etāmeva nirvapet . stotre mūḍha etām̐ śastra etām .. 28 ..

2.6.15.86_65

yasya vā'gnibhiragnīnvyaveyuryo vā vyaveyāt .. 29 ..

2.6.15.86_66

etāṃ jane pramītasya .. 15.3.30..

2.6.15.86_67

tasyābhivānyavatsāyaiḥ payasā jane pramītasyāgnihotraṃ juhuyād yāvadasyāgnibhiḥ śarīrāṇi sam̐sparśayeyuḥ . ya udañco darbhāstāndakṣiṇāgrānstṛṇāti . prācīnāvītyagnihotraṃ dohayatyadhastātsamidhaṃ dhārayati .. 31..

2.6.15.86_68

upari hi devebhyo dhārayantīti vijñāyate .. 32 ..

2.6.15.86_69

apo mṛnmayāna(nya)bhyavaharanti .. 33 ..

2.6.15.86_70

dadatyevā''yasāni .. 34 ..

2.6.15.86_71

brāhmaṇāya yajñāyudhāni dadyāt .. 35 ..

2.6.15.86_72

amaiva putrasya dṛṣat .. 36..

2.6.15.86_73

yadyapramītaṃ pramīta iti śṛṇuyādagnaye surabhimate puroḍāśamaṣṭākapālaṃ nirvapet .. 37 ..

2.6.15.86_74

yadi pūrvasyāmāhutyām̐ hutāyāṃ yajamāno mriyeta dakṣiṇa uttarāmāhutiṃ ninayet .. 38 ..

2.6.15.86_75

bhasmotkaraṃ vā gamayet .. (kha012) .. 39..

2.6.15.86_76

iti satyāṣāḍhahiraṇyakeśisūtre pañcadaśapraśne tṛtīyaḥ paṭalaḥ .
15.4
atha pañcadaśapraśne caturthaḥ paṭalaḥ .
yadyājyamanutpūtam̐ skandecchindaddeyaṃ varo deya ityekeṣām . yadyutpūyamānaṃ skandecchindatprāṇi dadyāt .. yadyutpūtaṃ citraṃ deyam .. 1..

2.6.15.86_77

yadasya gṛhe puṣkalam̐ syāttaddadyāt .. 2 ..

2.6.15.86_78

yadi sruggataṃ bhūpataye svāheti tatprāñcaṃ prādeśaṃ nidadhyāt . bhuvanapataye svāheti dakṣiṇataḥ . bhūtānāṃ pataye svāheti pratyañcaṃ bhūtāya svāhetyudañcam . bhūrbhuvaḥ suvarityūrdhvaṃ saṃ tvā siñcāmīti tatsam̐siñcatyabhimantrayate vā .. 3..

2.6.15.86_79

yajñasya tvā pramayā'bhimayā pratimayonmayā parigṛhṇāmīti parigṛhṇāti .. 4 ..

2.6.15.86_80

devāñjanamaganyajña ityekeṣāmanantaramājyādvadati .. 5 ..

2.6.15.86_81

bhūpataye svāhā bhuvanapataye svāhā bhūtānāṃ pataye svāheti skannamanumantrayeteti sarvahaviṣāmanavayavena śrūyate ..6..

2.6.15.86_82

yadi kapālaṃ naśyedāśvinaṃ dvikapālaṃ nirvapeddyāvāpṛthivyamekakapālam . bhārgavo hotā bhavati . ekahāyano dakṣiṇā ..7..

2.6.15.86_83

yadi bhidyeta gāyatryā tvā śatākṣarayā saṃdadhāmīti tatsaṃdhāyābhinno gharma ityabhimantryāpo'bhyāvahṛtyāthānyatkapālam̐ sam̐skṛtya tadvā piṣṭvā'nyayā mṛdā karaṇīyayā kṛtvā gharmo devām̐ apyetviti kapāleṣvapi sṛjati .. yadi prāgupadhānādbhidyeta .. 8 ..

Linked texts (9)

Vaikhānasaśrautasūtra — Vikhanas, Sanskrit
Paippalādasaṃhitā — Sanskrit
Kauthuma (Svādhyāya Maṇḍala edition, Pāraḍī) — Sanskrit
Ārṣeyakalpa — Maśaka Gārgya, Sanskrit
Gopathabrāhmaṇa (ed. Gaastra 1919) — Sanskrit
Vaitānaśrautasūtra — Sanskrit
Pañcaviṃśabrāhmaṇa — Sanskrit
Hiraṇyakeśiśrautasūtra (ed. Kāśīnāthaśāstrī Āgāśe, Ānandāśrama 1907, with Mahādeva's Vaijayantī) — Sanskrit
Nityācārapaddhati (Vidyākara vājapeyin) — Vidyākara vājapeyin, Sanskrit