Pramāṇa · Search · About · API

Kalpah 2.6.27

Kalpaḥ 2.6.27

Language
Sanskrit

2.6.27.1

27.1
pāṇigrahaṇādadhi grahamedhinorvratam .. 1..

2.6.27.2

kālayorbhojanam .. 2..

2.6.27.3

atṛptiścānnasya .. 3..

2.6.27.4

parvasu cobhayorupavāsaḥ .. 4 ..

2.6.27.5

aupavastameva kālāntare bhojanam .. 5..

2.6.27.6

tṛptiścānnasya .. 6..

2.6.27.7

yañcaitayoḥ priya99 syāttadetasminnahani bhuñjīyātām .. 7..

2.6.27.8

adhaśca śayīyātām .. 8 ..

2.6.27.9

maithunavarjanaṃ ca .. 9..

2.6.27.10

śvobhūte sthālīpākaḥ .. 27.1.10 ..

2.6.27.11

tasyopacāraḥ .. 11 ..

2.6.27.12

nityaṃ lokā upadiśanti .. 12 ..

2.6.27.13

yasmindeśe'gnimupasamādhāsyatsyā(nsyā )ttatra prācīrudīcīstisrastisro lekhā likhitvā'vokṣyotsicyaitadudakaśeṣamuttareṇa pūrveṇa vā'nyadupanidadhyāt .. 13 ..

2.6.27.14

nityamudadhānānyadbhirariktāni syurgṛhamedhinorvratam .. 14 ..

2.6.27.15

ahanyasaṃveśanam .. 15 ..

2.6.27.16

ṛtau tu saṃnipāto dāreṇānuvratam .. 16..

2.6.27.17

antarāle vi('pi)dāra eva .. 17 ..

2.6.27.18

brāhmaṇavacanācca saṃveśanam .. 18 ..

2.6.27.19

strīvāsasaiva saṃnipātaḥ syāt .. 19 ..

2.6.27.20

yāvatsaṃnipātaṃ caiva sahacaryā .. 27.1.20 ..

2.6.27.21

tato nānā .. 21 ..

2.6.27.22

udakopasparśanam .. 22 ..

2.6.27.24

api vā lepānprakṣālya pādau cā''camya prokṣaṇamaṅgānām .. 23 ..
sarvavarṇānā99 svadharmānuṣṭhāne paramaparimita99 sukham .. 24 ..

2.6.27.25

tataḥ parivṛttau karmaśeṣeṇa jāti99 rūpaṃ balaṃ medhāṃ prajñāṃ dravyāṇi svadharmānuṣṭhānamiti pratipadyate taccakravadubhayorlokayoḥ sukha eva vartate .. 25 ..

2.6.27.26

yathauṣadhivanaspatīnāṃ bījasya kṣetrakarmaviśeṣe phalavṛddhirevam .. 26 ..

2.6.27.27

etena doṣaphalavṛddhirniruktā .. 27 ..

2.6.27.28

steno'bhiśasto brāhmaṇo rājanyo vaiśyo vā parasmim̐lloke'parimite niraye vṛtte jāyate cāṇḍālo brāhmaṇaḥ paulkaso rājanyo vaiṇo vaiśyaḥ ..28..

2.6.27.29

evametena varṇaparidhva99sā doṣaphalaiḥ karmabhirdoṣaphalāsu yoniṣu jāyante varṇaparidhva 99sāyām .. 29 ..

2.6.27.30

cāṇḍālopasparśane saṃbhāṣāyāṃ darśane ca doṣastatra prāyaścittam .. 27.1.30.. avagāhanamapāmupasparśane saṃbhāṣāyāṃ brāhmaṇasaṃbhāṣā darśane jyotiṣāṃ darśanam .. 31 .. (kha0 1).

2.6.27.32

āryāḥ prayatā vaiśvadeve'nna99 sa99skartāraḥ syuḥ .. 32 ..

2.6.27.33

bhāṣāṃ kāsaṃ kṣavathumityabhimukho'nnaṃ varjayet .. 33 ..

2.6.27.34

keśānaṅgaṃ vāsaścā''labhyāpa upaspṛśet ..34..

2.6.27.35

āryādhiṣṭhitā vā śūdrāḥ sa99skartāraḥ syuḥ .. 35 ..

2.6.27.36

teṣā99 sa evā''camanakalpaḥ .. 36 ..

2.6.27.37

adhikamaharahaḥ keśaśmaśrulomanakhavāpanam ..37..

2.6.27.38

udakosparśanaṃ ca saha vāsasā .. 38 ..

2.6.27.40

api vā'ṣṭamīṣveva parvasu vā vaperan .. 39 ..
parokṣamanna99 sa99skṛtamannamagnāvadhiśrityādbhiravo( dbhiḥ pro)kṣettade(dde)va pavitramityācakṣate .. 27.1.40 ..

2.6.27.41

siddhe'nne tiṣṭhanbhūtamiti svāmine prabrūyāt .. 41 ..

2.6.27.42

tatsubhūtamiti prativacanaḥ .. 42 ..

2.6.27.43

gṛhamedhino yadaśanīyasya homā balayaśca svargaṃpuṣṭisaṃyuktāḥ .. 43 ..

2.6.27.44

teṣāmupayoge dvādaśāhaṃ brahmacaryamadhaḥśayyā kṣāralavaṇamadhumāṃsavarjanaṃ ca .. 44 ..

2.6.27.45

uttamasyaikarātramupavāsaḥ .. 45 ..

2.6.27.46

balīnāṃ tasya tasya deśasaṃskāro hastena parimṛjyāvokṣya nyupya paścātpariṣecanam .. 46 ..

2.6.27.47

aupāsane pacane vā ṣaḍbhirādyaiḥ pratimantra99 hastenaitā āhutīrjuhuyāt .. 47 ..

2.6.27.48

evaṃ balīnāṃ deśe deśe samavetānā99 sakṛtsakṛdante pariṣecanam .. 48 ..

2.6.27.49

sati sūpe sa99sṛṣṭena kāryāḥ .. 49 ..

2.6.27.50

apareṇāgni99 saptamāṣṭamābhyāmudagapavargam ..27.1.50..

2.6.27.51

udadhānasaṃnidhau navamena .. 51 ..

2.6.27.52

madhye'gārasya daśamaikādaśābhyāṃ prāgapavargam .. 52 ..

2.6.27.54

uttarapūrvārdhe'gārasyottaraiścaturbhiḥ.. 53 ..
śayyādeśe kāmaliṅgena .. 54 ..

2.6.27.55

dehalyāmantarikṣaliṅgena .. 55 ..

2.6.27.56

uttareṇāpidhānyām .. 56 ..

2.6.27.57

uttarairbrahmasadane .. 57 ..

2.6.27.58

dakṣiṇataḥ pitṛliṅge prācīnāvītyavācīnapāṇirdadyāt ..58..

2.6.27.59

raudra uttaro yathādevatam .. 59 ..

2.6.27.60

tayornānā pariṣecanaṃ dharmabhedāt .. 27.1.60..

2.6.27.61

naktamevottamena vaihāyasaḥ .. 61 ..

2.6.27.62

etānavyagro yathopadeśaṃ kurute nityaḥ svargaḥ puṣṭiśca .. 62 ..

2.6.27.63

agraṃ ca deyam .. 63 ..

2.6.27.64

atithīnevāgre bhojayet .. 64 ..

2.6.27.65

kumārānrogasaṃyuktāṃścāntarvatnīḥ ..65..

2.6.27.66

kāle svāmināvannārthinaṃ na pratyācakṣīyātām .. 66 ..

2.6.27.67

abhāve tṛṇāni bhūmirudakaṃ kalyāṇī vāgityetāni vai sato'gāre na kṣīyante kadācaneti .. 67 ..

2.6.27.68

evaṃvṛttāvanantaloko bhavataḥ .. 68 ..

2.6.27.69

brāhmaṇāyānadhīyānāyā''sanamudakaṃ bhojanamiti deyaṃ na pratyuttiṣṭhet .. 69 ..

2.6.27.70

abhivādanāyaivottiṣṭhedi(da)tyabhivādyaścet .. 27.1.70 ..

2.6.27.71

rājanyavaiśyau ca .. 71 .. (kha0 2)

2.6.27.72

śūdramabhyāgataṃ karmaṇi niyuñjyādathāsmai ( dadyāt ) .. 72..

2.6.27.73

dāsā vā svāmikulādāhṛtyātithivacchūdraṃ bhojayeyuḥ .. 73 ..

2.6.27.76

nityamuttaraṃ vāsaḥ kāryam .. 74 ..
api vā sūtramevopavītārthe .. 75 ..
yatra bhujyate tatsamū(mu)hya nirhṛtyāvokṣya taṃ deśamamatrebhyo lepānsaṃkṛṣyādbhiḥ saṃmṛjya śucau deśe rudrāya ninayedevaṃ vāstu śivaṃ bhavati .. 76 ..

2.6.27.77

brāhmaṇa ācāryaḥ smaryate tu .. 77 ..

2.6.27.78

āpadi brāhmaṇena rājanye vaiśye vā'dhyayanam .. 78 ..

2.6.27.79

anugamanaṃ ca paścāt .. 79 ..

2.6.27.80

a(ta)ta ūrdhvaṃ brāhmaṇa evāgragatau syāt .. 27.1.80 ..

2.6.27.81

sarvavidyānāmapyupaniṣadānu(mu)pākṛtyānadhyayanaṃ tadahaḥ .. 81 ..

2.6.27.84

adhītya nābhikramaṇa99 sadyaḥ .. 82..
yadi tvareta guroḥ samīkṣāyā99 svādhyāyamadhītya kāmaṃ gacchedevamubhayoḥ śivaṃ bhavati .. 83 ..
samāvṛttaṃ cedācāryo'bhyāgacchettamabhimukho'bhyāgamyopasaṃgṛhya na bībhatsamāna udakamupaspṛśetsāntvayitvā pūjayet .. 84 ..

2.6.27.85

yathopadeśam .. 85..

2.6.27.86

āsane bhojane bhakṣye śayyāyāṃ vāsasi vā saṃnihite hīnataravṛttiḥ syāt .. 86 ..

2.6.27.87

tiṣṭhansavyena pāṇinā dakṣiṇaṃ bāhumupasaṃgṛhyā''cāryamācāmayet .. 87..

2.6.27.88

anyaṃ vā samudetam .. 88 ..

2.6.27.89

sthānāsanacaṅkramaṇasmiteṣvanucikīrṣan .. 89 ..

2.6.27.90

saṃnihitoccai mūtrapurīṣavātakarmorbhāṣāhāsaṣṭhīvanadantaskavananiḥśṛṅkhaṇabhrūkṣepatālaniṣṭyānīti ..27.1.90..

2.6.27.91

dāre prajāyāṃ copasparśanabhāṣavisrambhapūrvāḥ parivarjayet ..91..

2.6.27.93

vākyena vākyasya pratīghātamācāryasya varjayet .. 92 ..
śreyasāṃ ca .. 93 ..

2.6.27.94

brāhmaṇadevatāsarvabhūtaparīvādākrośā99śca varjayet .. 94 ..

2.6.27.95

vidyayā ca vidyānām ..95 ..

2.6.27.96

yayā vidyayā na viroceta punarācāryaṃ gatvā niyamena sādhayet .. 96 ..

2.6.27.97

na cāsya samīpe japyāgniparimṛjane kuryāt .. 97 .. .

2.6.27.98

upākaraṇādyotsarjanādadhyāpayiturniyamo na nakhalomāpākaraṇaṃ śrāddhaṃ mā99saṃ maithunamiti varjayet .. 98..

2.6.27.99

ṛtve vā jāyām .. 99 ..

2.6.27.100

yathāgama99 śiṣyebhyo vidyāsaṃpradāne vartamāne niyameṣu ca yuktaḥ syāttathā gṛhamedha evaṃ vartamānaḥ pūrvāparānsaṃbandhānātmānaṃ ca kṣeme yunakti .. 27.1.100..

2.6.27.101

manasā vācā prāṇena cakṣustvakśiśnodarālaṃ(ra)mbhaṇānyāsrāvānparimṛjāno'mṛtatvāya kalpate .. .. 101 .. (kha0 3).

2.6.27.103

yena kṛtāvasathaḥ syādatithirna taṃ pratyuttiṣṭhedanu(nū )ttiṣṭhedvā purastādabhivāditaḥ .. 102 ..
śeṣabhojyatithīnā99 syāt .. 103 ..

2.6.27.104

na rasāngṛhe bhuñjītānavaśeṣya(ṣa)matithibhyaḥ..104..

2.6.27.105

nā''tmārthamabhirūpamannaṃ pācayet .. 105 ..

2.6.27.106

viśeṣeṇāpumān .. 106 ..

2.6.27.107

gomadhuparkārho vedādhyāyaḥ samudetaḥ .. 107 ..

2.6.27.108

ācārya ṛtvik snātakaḥ śvaśuro rājā vā dharmayuktaḥ.. 108..

2.6.27.109

ācāryāyartvije snātakāya rājña iti parisaṃvatsarādupatiṣṭhadbhyo gormadhuparkaśca .. 109 ..

2.6.27.110

dadhimadhusa99sṛṣṭaṃ madhuparkaḥ payo vā madhusa99sṛṣṭam .. 27.1.110 ..

2.6.27.111

abhāva udakam .. 111 ..

2.6.27.112

ṣaḍaṅgo vedaḥ .. 112 ..

2.6.27.113

chandaḥkalpo vyākaraṇaṃ jyotiṣaṃ niruktaṃ śīkṣā chandovicitiriti .. 113..

2.6.27.114

śabdārthārambhaṇānāṃ tu karmaṇā99 samāmnāyasamāptau vedaśabdastatra saṃkhyā vipratiṣiddhā .. 114 ..

2.6.27.115

aṅgānāṃ ca pradhānairavyapadeśa iti nyāyavitsamayaḥ .. 115..

2.6.27.117

atithiṃ nirākṛtya yatragate bhojane smarettato viramyopoṣya śvobhūte yathāmanasaṃ tarpayitvā sa99 sādhayet .. 116 ..
yānavantamā yānāt .. 117 ..

2.6.27.118

yāvannānujānīyāditaraḥ .. 118 ..

2.6.27.119

apratīhā(bhā)yā99 sīmno nivarteta .. 119 ..

2.6.27.120

sarvānvaiśvadeve bhāginaḥ kurvītā''śvacāṇḍālebhyaḥ .. 27.1.120 ..

2.6.27.121

nānarhadyoina dadātītyeke .. 121 ..

2.6.27.122

upetaḥ strīṇāmanupetasya cocchiṣṭaṃ varjayet .. 122 ..

2.6.27.123

sarvāṇyudakapūrvāṇi dānāni .. 123 ..

2.6.27.124

yathāśruti vihāre ca .. 124 ..

2.6.27.125

ye ca bhṛtyā nityāsteṣāmanuparodhaina saṃvibhāgo vihitaḥ .. 125..

2.6.27.126

kāmamātmānaṃ bhāryāṃ putraṃ voparundhyānnatveva dāsaṃ karmakāra(ka)ram .. 126 ..

2.6.27.127

tathā cā''tmana uparodhaṃ kurvīta yathā karmasu samarthaḥ syāt .. 127..

2.6.27.128

aṣṭau grāsā munerbhakṣyāḥ ṣoḍaśāraṇyavāsinaḥ .
dvātriṃśataṃ gṛhasthasyāparimitaṃ brahmacāriṇaḥ ..
āhitāgniranaḍvāṃśca brahmacārī ca te trayaḥ .
aśnanta eva sidhyanti naiṣāṃ siddhiranaśnatām . iti .. 128 .. ( kha0 4) ..

2.6.27.128_1

iti satyāṣāḍhahiraṇyakeśiśrautasūtre( dharmasūtrāparaparyāye) saptaviṃśapraśne prathamaḥ paṭalaḥ .. 1..

2.6.27.128_2

27.2
atha dvitīyaḥ paṭalaḥ .
jātyācārasam̐śaye dharmārthamāgatamagnimupasamādhāya jātimācāraṃ ca pṛcchet .. 1..

2.6.27.128_3

sādhutāṃ cetpratijānīte'gnirupadraṣṭā vāyurupaśrotā''dityo'nukhyātā sādhutāṃ pratijānīte sādhvasmā astu vitatha eṣa enasa ityuktvā śāstuṃ pratipadyata .. 2 ..

2.6.27.128_4

agniriva jvalannatithirabhyāgacchati .. 3 ..

2.6.27.128_5

dharmeṇa vedānāmekām̐ śākhāmadhītya śrotriyo bhavati .. 4 ..
svadharmayuktaṃ kuṭumbinamabhyāgacchandharmapuraskāro nānnaprayojanaḥ so'tithirbhavati .. 5..

2.6.27.128_6

tasya pūjāyām̐ śāntiḥ svargaśca .. 6..

2.6.27.128_7

tamabhimukho'bhyāgamya yathāvayaḥ sametyopasthāpyātha tamāhārayet .. 7..

2.6.27.128_8

na bahupādamāsanaṃ bhavatītyeke .. 8..

2.6.27.128_9

athāsya pādau prakṣālayecchūdramithunāvityeke .. 9..

2.6.27.128_10

anyataro'bhiṣecane syāt .. 27.2.10..

2.6.27.128_11

athāsyodakamāhārayenmṛnmayenetyeke .. 11 ..

2.6.27.128_12

nodakamāhārayedasamāvṛttaḥ .. 12..

2.6.27.128_13

adhyayanasāṃvṛttiścātrādhikā .. 13..

2.6.27.128_14

nāstamita āditya udakānayanaṃ vidyate .. 14 ..

2.6.27.128_15

sāntvayitvā bhojayecchaktiviṣayeṇādbhiravarārdhyena .. 15..

2.6.27.128_16

āvasathaṃ dadyādupariśayyāmāstaraṇopadhānaṃ sāvastaraṇamabhyañjanaṃ ca .. 16 ..

2.6.27.128_17

annasam̐skartāramāhūya vrīhīn yavānvā tadarthānnirvapet .. 17..

2.6.27.128_18

uddhṛtānyannānyavekṣatedaṃ bhūyā(ya:3) idaṃ bhūyā(yaḥ3) iti .. 18 ..

2.6.27.128_19

bhūya uddharetyeva brūyāt .. 19 ..

2.6.27.128_20

dviṣandviṣato vā nānnamadyāddoṣeṇa vā mīmām̐samānasya mīmām̐sitasya vā .. 27.2.20 ..

2.6.27.128_21

pāpmānam̐ hi sa tasya bhakṣayatīti brāhmaṇam .. 21 .. (kha. 5).

2.6.27.128_22

sa eṣa prājāpatyaḥ kuṭimbino yajño nityaṃ pratataḥ . 22 ..

2.6.27.128_23

yo'tithīnāmagniḥ sa āhavanīyo yaḥ kuṭumbe sa gārhapatyo yasminpacyate so'nvāhāryapacanaḥ .. 23 ..

2.6.27.128_24

ūrjaṃ puṣṭiṃ prajāṃ paśūniṣṭāpūrtamiti gṛhāṇāmaśnāti ya: pūrvo'titheraśnāti .. 24 ..

2.6.27.128_25

payasopasiktamannamagniṣṭomasaṃmitaṃ madhunā'tirātrasaṃmitaṃ mām̐sena dvādaśāhasaṃmitamudakena prajāvṛddhirāyuṣaśca .. 25 ..

2.6.27.128_26

priyā apriyāścātithayaḥ svargaṃ lokaṃ gamayantīti |.. 26 ..

2.6.27.128_27

yatprātarmadhyaṃdina sāyamiti dadāti savanānyeva tāni .. 27 ..

2.6.27.128_28

yadanutiṣṭhatyudavasyatyeva tat .. 28 ..

2.6.27.128_29

yatsānta(ntva)yitvā bhojayati sā dakṣiṇā praśam̐sā .. 29..

2.6.27.128_30

yatsam̐sādhayati te viṣṇukramāḥ .. 27.2.30 ..

2.6.27.128_31

yadupāvartate so'vabhṛtha iti hi brāhmaṇam ..31..

2.6.27.128_32

āhitāgniṃ cedatithirabhyāgacchetsvayamenamabhyudetya brūyādvrātya kvāvātsīriti vrātyodakaṃ vrātya tarpayam̐stviti .. 32 ..

2.6.27.128_33

purā'gnihotrasya homādupām̐śu japedvrātya yathā se priyaṃ tathā'stviti vrātya yathā te vaśastathāsstviti vrātya yathā te kāmastathā'stviti vrātya yathā te nikāmastapā'stviti .. 33 ..

2.6.27.128_34

yadi sāyamahute'gnihotre'tithirabhyāgacchetsvayamenamabhyudetya brūyāt . vrātya(tyā) tisṛja hoṣyāmītyatisṛṣṭena hotavyam . anatisṛṣṭaścejjuhuyādo( ho )ṣaṃ brāhmaṇamāha .. 34 ..

2.6.27.128_35

ekarātraṃ cedatithīnvāsayetpārthivām̐llokānabhijayati dvitīyayā'ntarikṣyām̐stṛtīyayā divyām̐ścaturthyā parāvato lokānaparimitābhiraparimitām̐llokānabhijayatīti brāhmaṇam .. 35 ..

2.6.27.128_36

asamudetaścedatithirabhyāgacchedāsanamudakaṃ bhojanaṃ śrotriyāya dadāmīti dadyādevamasya samṛddhaṃ bhavati .. 36 .. (kha0 6)..

2.6.27.128_37

iti satyāṣāḍhahiraṇyakeśiśrautasūtre (dharmasūtrāparaparyāye) saptaviṃśapraśne dvitīyaḥ paṭalaḥ ..2..

2.6.27.128_38

27.3
atha tṛtīyaḥ paṭalaḥ .
saṃvarṇāpūrvaśāstravihitāyāṃ yathartu gacchataḥ putrāsteṣāṃ karmabhiḥ saṃbandhaḥ ..1..

2.6.27.128_39

dāyena cāvyatikramaścobhayoḥ .. 2..

2.6.27.128_40

pūrvavatyāmasam̐skṛtāyāṃ varṇāntare ca maithune doṣaḥ .. 3 ..

2.6.27.128_41

tatrāpi doṣavānputra evotpādi(dayi)tuḥ putra eveti brāhmaṇam .. 4 ..

2.6.27.128_42

utpādayituḥ putra iti brāhmaṇam .. 5 ..

2.6.27.128_43

idānīmevāhamīrṣyāmi strīṇāṃ janako no purā yadā yamasya sādane janayituḥ putramabruvan . retodhāḥ putraṃ nayati paretya yamasādane tasmādbhāryām̐ rakṣanti bibhyantaḥ pararetasaḥ . apramattā rakṣatha tantumetaṃ mā vaḥ kṣetre parabījāni vāpsurjanayituḥ putro bhavati sāṃparāye moghaṃ vettā kurute tantumetamiti .. 6..

2.6.27.128_44

dṛṣṭo dharmavyatikramaḥ sāhasaṃ ca pūrveṣām .. 7 ..

2.6.27.128_45

teṣāṃ tejoviśeṣeṇa pratyavāyo na vidyate .. 8..

2.6.27.128_46

tadanvīkṣya prayuñjānaḥ sīdatyavaraḥ .. 9 ..

2.6.27.128_47

dānaṃ ca krayadharmaścāpatyasya ca na vidyate .. 27.3.10..

2.6.27.128_48

vivāhe duhitṛmate dānaṃ kāmyaṃ dharmārtham̐ śrūyate tasmādduhitṛmate'dhiratham̐ śataṃ deyaṃ tanmithuyā kuryāditi tasyāṃ krayaśabdaḥ sam̐stutimātraṃ dharmārtham̐ saṃbandhaḥ .. 11 ..

2.6.27.128_49

ekadhanena jyeṣṭhaṃ toṣayitvā jīvanputrebhyo dāyaṃ vibhajetsamaṃ klībamunmattaṃ patitaṃ ca parihāpya .. 12..

2.6.27.128_50

putrābhāve sapiṇḍo yaḥ pratyāsannaḥ .. 13 ..

2.6.27.128_51

tadabhāva ācārya ācāryābhāve'ntevāsī hṛtvā tadartheṣu dharmakṛtyeṣu vopayojayet .. 14 ..

2.6.27.128_52

duhitā vā .. 15 ..

2.6.27.128_53

sarvābhāve rājā dāyam̐ haret ..16..

2.6.27.128_54

jyeṣṭho dāyāda ityeke .. 17..

2.6.27.128_55

deśaviśeṣe suvarṇaṃ kṛṣṇā gāvaḥ kṛṣṇaṃ bhaumaṃ jyeṣṭhasya .. 18 ..

2.6.27.128_56

rathaḥ pituḥ paribhāṇḍaṃ ca gṛhe ..19..

2.6.27.128_57

alaṃkāro bhāryāyā jātidhanaṃ cetyeke ..27.3.20..

2.6.27.128_58

tacchāstrairvipratiṣiddham .. 21 ..

2.6.27.128_59

manuḥ putrebhyo dāyaṃ vyabhajadityaviśeṣeṇa śrūyate .. 22 ..

2.6.27.128_60

athāpi tasmājjyeṣṭhaṃ putraṃ dhanena niravasāyayantītyekavacchrūyate .. 23 ..

2.6.27.128_61

tathā'pi nityānuvādamavidhimāhurnyāyavido yathā tasmādajāvayaḥ paśūnām̐ saha carantīti tasmātsnātakasya mukham̐ rephāyatīva tasmādbasta(śca ) śrotriyaśca strīkāmatamāviti .. 24 ..

2.6.27.128_62

sarve hi dharmayuktā bhāginaḥ .. 25 ..

2.6.27.128_63

yastvadharmeṇa dravyāṇi pratipādayejyeṣṭho'pi tamabhāgaṃ kuryāt .. 26 .. (kha. 7).

2.6.27.128_64

jāyāpatyorna vibhāgo vidyate pāṇigrahaṇāddhi sahatvaṃ karmasu .. 27 ..
tathā puṇyakriyāsu(phaleṣu) ..28..

2.6.27.128_65

dravyaparigraheṣu ca .. 29..

2.6.27.128_66

na hi bhartṛvipravāse striyo( striyā) naimittike dāne steyamityupadiśanti .. 27.3.30 ..

2.6.27.128_67

etena deśakuladharmā vyākhyātāḥ .. 31 ..

2.6.27.128_68

mātuśca yonisaṃbandhebhyaḥ pituścā''saptamātpuruṣādyāvatā vā saṃbandho jñāyate teṣāṃ preteṣūdakopasparśanaṃ garbhānvarjayitvā parisaṃvatsarān .. 32..

2.6.27.128_69

mātāpitarāveva teṣu .. 33 ..

2.6.27.128_70

hartāraśca .. 34 ..

2.6.27.128_71

bhāryāyāṃ paramagurusam̐sthāyāṃ cā''kālamabhojanam .. 35..

2.6.27.128_72

āturavyañjanāni kurvate .. 36 ..

2.6.27.128_73

keśānprakīrya pām̐sūnopyaikavāsasaḥ sakṛdavagāhya tatsaṃsthamudakamutsicyottīryopaviśanti .. 37 ..

2.6.27.128_74

evaṃ triḥ .. 38..

2.6.27.128_75

apratīkṣā grāmamupayanti yattatra striya āhustatkurvanti .. 39 ..

2.6.27.128_76

itareṣu caika etadevopadiśanti .. 27.3.40 ..

2.6.27.128_77

etasminkāle'mātyāḥ keśaśmaśrūṇi vāpayante .. 41 ..

2.6.27.128_78

na samāvṛttā vāpayeran .. 42 ..

2.6.27.128_79

na vihāriṇa ityeke .. 43 ..

2.6.27.128_80

anaśanānadhyayanodacaḥśayyodakasparśanānyākālamanūcāneṣu dvyahaṃ tryahaṃ ṣaḍahaṃ dvādaśāhaṃ vā guruṣvama(na)śanaṃ(na)varjaṃ saṃvatsaraṃ mātāpitaryācārya ityeke .. 44..

2.6.27.128_81

brāhmaṇāñchucīnmantravataḥ sarvakṛtyeṣu bhojayet ..45..

2.6.27.128_82

deśataḥ kālataḥ śaucataḥ samyakpratigṛ(gra)hītṛta iti dānāni pratipādayet .. 46 ..

2.6.27.128_83

yasyāgnau na hūyate yasya cāgraṃ na dīyate na tadbhoktavyam .. 47..

First 200 of 514 passages. Read on

Linked texts (12)