Kalpah 2.7.6.4

2.7.6.4

6.4 caturthaḥ khaṇḍaḥ
agniṣṭapatītyavabhṛthasāma 1 tasyāvṛdyathā prathamasya pravargyasāmnaḥ 2 sarva ṛtvijo nidhanamupeyuḥ 3 iṣṭāhotrīyamabhiṣecanīye samasyeti vā 4 aśvatrirātre nānāvabhṛthāni sāmāni 5 teṣāṃ prathamasya sanādagra ityavabhṛthasāma 6 yadvā u viśpatiriti dvitīyasya tyagnāyiriti vā 7 avabhṛtheṣṭau saᳪsthitāyāmavabhṛthanicumpuṇa nicerurasi nicumpṛṇāvadevaidevakṛtameno'yāsiṣamavamartyairmartyakṛtaṃ puru rāvṇo devariṣasyāhītyapa upaspṛśya trirabhyukṣeran 8 ādityamupatiṣṭherannudvayaṃ tamasaspari jyotiḥ paśyanta uttaraᳪ svaḥ paśyanta uttaraṃ devaṃ devatrā sūryamaganma jyotiruttamamiti 9 astamitaścedāhavanīyam 10 tasmintsamidha ādadhyuredho'syedhiṣīmahīti prathamām . samidasi samedhiṣīmahīti dvitīyām yadenaścakṛmā vayaṃ yadvānyakṛtamārimānayā samidhā vayaᳪtadapamṛjmahe iti tṛtīyām 11 tamevopatiṣṭherannapo adyānvacāriᳪrasena samasṛkṣmahi payasvānagna āgamaṃ taṃ mā saᳪsṛja varcaseti 12 prāgudayanīyādatirāvādapsuṣomāntamahaḥ satreṣu 13 dadhibhakṣāntamahīneṣu 14 yāvantyahāni rājānaṃ bhakṣayeyustāvatsvabrāhmaṇāyocchiṣṭaṃ na dadyuḥ 15 adbhirvā prokṣya dadyuḥ 16 tadeṣa ślokaḥ somametatpibata yatkiñcāśnīta brāhmaṇāḥ . mā brāhmaṇāyocchiṣṭaṃ datta mā pātsomamasomapaḥ iti 17 etaṃ parikramaᳪsarvakratuṣu vidyāt 18 eṣa jyotiḥ 16 kāmāḥ sarve kāmāḥ 20
iti drāhyāyaṇaśrautasūtre ṣaṣṭhe paṭale caturthaḥ khaṇḍaḥ 12