Kalpah 2.7.8.1

2.7.8.1

8.1 aṣṭamaḥ paṭalaḥ prathamaḥ khaṇḍaḥ
athāto gavāmayanavikalpāḥ 1 sarvama jyotiṣṭomenaike 2 atirātracaturviśanavāhavatātirātrā vā yathāsthānaᳪsyuḥ . śeṣo jyotiṣṭomena 3 atra vā go āyuṣī daśarātramityupāharet sa saṃvatsaraprabarhaḥ śaṅkhāhutamiti ca 4 nānāhobhirvayaṃ kalpayāmo yathaitadbrāhmaṇam 5 atirātramubhayasāmānaṃ kurvannāndhīgavāduttare audalabṛhatī 6 ṣoḍaśimāᳪścedaudalasthāne nānadam 7 pūrvo bṛhataḥ sāmatṛcaḥ 8 caturviṃśamarathantarameke 9 rathantarapṛṣṭhaṃ vā bṛhadanuṣṭupkam 10 agniṣṭomasaṃsthaṃ cettriṃśānyājyāni ṣaṭtriᳪśāni pṛṣṭhāni 11 ṣaṭtriṃśāni vā hotṛkasāmāni 12 pṛṣṭhānāṃ vāṣṭācatvāriṃśāni 13 sarvāṇi vā triṃśāni stotrāṇi 14 vyatyāsaṃ vā triṇavatrayastriṃśau 15 etadantarukthyam 16 abhiplavaᳪsvarasāmnaśca jyotiṣṭome tantre eke kalpayanti 17 tathā satāᳪśāṭyāyaninaḥ ṣaḍahavibhaktīranukalpayanti 18 dvividhamabhiplavameke 19 upavatyagriyavatī ca vyatyāsaṃ pratipadau rāthantarabārhatāni cājyāni 20 ājyapratipadau vā 21 auśanakāve antye 22 pārthayāme vā bārhatānām 23 svayonyabhīvarto rathantarapṛṣṭheṣu 24 śyaitarkṣu bṛhatpṛṣṭheṣu 25 vyūḍhaṃ pṛṣṭhyameke 26 tasya samūḍhātprathamasyāhno bahiṣpavamānam 27 samūḍhameke rathantarabṛhatpṛṣṭham 28 nānāpṛṣṭhe cottare caturahe rathantarabṛhatī vyatyāsaṃ pavamāneṣu 29 bṛhatīṣu rathantaramanuṣṭupsu bṛhat 30 te dvitīye 31 bṛhaduttamaᳪsamūḍhe 32 āṣkāraṇidhanātpūrvaṃ kaulmalabarhiṣam 33 āndhīgavācchyāvāśvam 34 upottamaṃ samūḍhe 35
iti drāhyāyaṇaśrautasūtre aṣṭame paṭale prathamaḥ khaṇḍaḥ 1