Kalpah 4.p11

4.p11

atha ṣaṣṭhaḥ khaṇḍaḥ.. nāvamuttarayānumantrayate.. āpa.gṛ.6.1 .. na ca nāvyāṃstarantī vadhūḥ paśyet.. āpa.gṛ.6.2 .. tīrtvottarāṃ japet.. āpa.gṛ.6.3 .. śmaśānādivyatikrame bhāṇḍe rathe vā riṣṭe'gnerupasamādhānādyājyabhāgānte'nvārabdhāyāmuttarā āhutīrhutvā jayādi pratipadyate patiṣecanāntaṃ karoti.. āpa.gṛ.6.4 .. kṣīriṇāmanyeṣāṃ vā lakṣmaṇyānāṃ vṛkṣāṇāṃ nadīnāṃ dhanvanāṃ ca vyatikrama uttare yathāliṅgaṃ japet.. āpa.gṛ.6.5 .. gṛhānuttarayā saṅkāśayati.. āpa.gṛ.6.6 .. vāhāvuttarābhyāṃ vimuñcati dakṣiṇamagre.. āpa.gṛ.6.7 .. lohitaṃ carmā''naḍuhaṃ prācīnagrīvamuttaraloma madhye'gārasyottarayā''stīrya gṛhān prapādayannuttarāṃ vācayati dakṣiṇena padā.. āpa.gṛ.6.8 .. na ca dehalīmabhitiṣṭhati.. āpa.gṛ.6.9 .. uttarapūrve deśe'gārasyāgnerupasamādhānādyājyabhāgānte'nvārabdhāyāmuttarā āhutīrhutvā jayādi pratipadyate pariṣecanāntaṃ kṛtvottarayā carmaṇyupaviśata uttaro varaḥ.. āpa.gṛ.6.10 .. athāsyāḥ puṃsvorjīvaputrāyāḥ putramaṅka uttarayopaveśya tasmai phalānyuttareṇa yajuṣā pradāyottare japitvā vācaṃ yacchata ā nakṣatrebhyaḥ.. āpa.gṛ.6.11 .. uditeṣu nakṣatreṣu prācīmudīcīṃ vā diśamupaniṣkramyottarābhyāṃ yathāliṅgaṃ dhruvamarundhatīṃ ca darśayati.. āpa.gṛ.6.12 .. ityāpastambīye gṛhyapraśne ṣaṣṭhaḥ khaṇḍaḥ.. iti dvitīyaḥ paṭalaḥ..