Kalpah 4.p5

4.p5

atha tṛtīyaḥ khaṇḍaḥ.. madhābhirgāvo gṛhyante.. āpa.gṛ.3.1 .. phalgunībhyāṃ vyūhyate.. āpa.gṛ.3.2 .. “yāṃ kāmayeta duhitaraṃ priyā syāditi tāṃ niṣṭyāyāṃ dadyāt priyaiva bhavati neva tu punarāgacchatī”ti brāhmaṇāvekṣo vidhiḥ.. āpa.gṛ.3.3 .. invakāśabdo mṛgaśirasi.. āpa.gṛ.3.4 .. niṣṭyāśabdaḥ svādau.. āpa.gṛ.3.5 .. vivāhe gauḥ.. āpa.gṛ.3.6.. gṛheṣu gauḥ.. āpa.gṛ.3.7 .. tayā varamatithivadarhayet.. āpa.gṛ.3.8 .. yo'syāpacitastamitarayā.. āpa.gṛ.3.9 .. etāvadgorālambhasthānamatithiḥ pitaro vivāhaśca.. āpa.gṛ.3.10 .. suptāṃ rudantīṃ niṣkrāntāṃ varaṇe parivarjayet.. āpa.gṛ.3.11 .. dattāṃ guptāṃ dyotāmṛṣabhāṃ śarabhāṃ vinatāṃ vikaṭāṃ muṇḍāṃ maṇḍūṣikāṃ sāṅkārikāṃ rātāṃ pālīṃ mitrāṃ svanujāṃ varṣakārīṃ ca varjayet.. āpa.gṛ.3.12 .. nakṣatranāmā nadīnāmā vṛkṣanāmāśca garhitāḥ.. āpa.gṛ.3.13 .. sarvāśca rephalakāropāntā varaṇe parivarjayet.. āpa.gṛ.3.14 .. śaktiviṣaye dravyāṇi praticchannānyupanidhāya brūyādupaspṛśeti.. āpa.gṛ.3.15 .. nānā bījāni saṃsṛṣṭāni vedyāḥ pāṃsūn kṣetrālloṣṭaṃ śakṛcchmaśānaloṣṭamiti.. āpa.gṛ.3.16 .. pūrveṣāmupasparśane yathāliṅgamṛddhiḥ.. āpa.gṛ.3.17 .. uttamaṃ paricakṣate.. āpa.gṛ.3.18 .. bandhuśīlalakṣaṇasampannāmarogāmupayaccheta.. āpa.gṛ.3.19 .. bandhuśīlalakṣaṇasampannaḥ śrutavānaroga iti varasampat.. āpa.gṛ.3.20 .. yasyāṃ manaścakṣuṣornibandhastasyāmṛddhirnetaradādriyetetyeke.. āpa.gṛ.3.21 .. ityāpastambīye gṛhyapraśne tṛtīyaḥ khaṇḍaḥ.. samāptaśca prathamaḥ paṭalaḥ..