Vidhimargaprapa 25.25

25.25

§ 31. kae ya uvaoge so navadikkhio bhoma-saṇivajjiya pasatthadiṇe, cittā-aṇurāhā-revaī-miyasira- 15
rohiṇi-tiuttarā-sāi-puṇavvasu-ssavaṇa-dhaṇiṭṭhā-sayabhisa-hattha-ssiṇi-pussa-amīirikkhesu ahiṇavapattābaṃdha uggāhiya kayavāsakkhevapaṭṭo mahūsavapuvvaṃ goyaracariyāe gīatthasāhusahio bhikkhālabhaṃ jāvaṃ
bhūmiaṭṭhaviyadaṃḍago vaccai | tao ucca-nīya-majjhimakulesu esiyaṃ vesiyaṃ gavesiyaṃ phāsuyaṃ eyāibhikkhamādāya paḍiniyatto-'nisīhī 3, namo khamāsamaṇāṇaṃ goyamāīṇaṃ mahāmuṇīṇaṃ' ti bhaṇiya uvassae
pavisai | tao gurupurao khamāsamaṇapuvvaṃ iriyaṃ paḍikkamiya, kāussagge jaṃ jahā gahiyaṃ taṃ tahā ciṃtiya, 20
namokkāreṇa pārittā, gamaṇāgamaṇaṃ āloittā, kaviyā-karoḍiyā-caṭṭuyāiṇā itthīo purisāo vā jaṃ jahā
gahiyaṃ bhattapāṇaṃ taṃ tahā āloijjā | tao 'durāloiya-dupaḍikkaṃtassa icchāmi paḍikkamiuṃ goyaracariyāe
bhikkhāyariyāe'...iccāi jāva...jaṃ uggameṇa uppāyaṇesaṇāe aparisuddhaṃ paḍiggahiyaṃ paribhuttaṃ vā jaṃ na
paridvaviyaṃ tassa micchāmi dukkaḍaṃ | tassuttarīkaraṇeṇamiccāi...jāva...vosirāmi tti paḍhiya, kāussagge yaaho jiṇehi'sāvajjā, vittī sāhūṇa desiyā