Vidhimargaprapa 26.17

26.17

bharaṇīvajjesu annesu vā rikkhesu uvavisiya sammamahiyāsaṃto loyaṃ kāriya, loyagāravāhuṃ vissāmiya, iriyāvahiyaṃ paḍikkamiya, sakatthayaṃ bhaṇiya, gurusamīvamaggamma, khamāsamaṇadugeṇa muhapottiṃ paḍilehiya, duvālasāvattavaṃdaṇaṃ dāuṃ, khamāsamaṇaṃ dāuṃ, paḍhamakhamāsamaṇe bhaṇai-'icchākāreṇa saṃdisaha loyaṃ paveemi' | gurū
bhaṇai-'paveyaha'; bīe 'saṃdisaha kiṃ bhaṇāmo' | gurū bhaṇai-'vaṃdittā paveyaha'; taie 'kesā me pajjuvāsiyā' | tao 'dukkaraṃ kayaṃ, iṃgiṇī sāhiya'tti guruṇā vutte 'icchāmo aṇusaṭṭhiṃ'ti bhaṇai | cautthe 'tumhāṇaṃ
paveiyaṃ, saṃdisaha sāhūṇaṃ paveemi'; paṃcame namokkāraṃ bhaṇai | chaṭṭeṇaṃ 'tumhāṇaṃ paveiyaṃ, sāhūṇaṃ paveiyaṃ, saṃdisaha
kāussaggaṃ karemi' | sattame kesesu pajjuvāsijjamāṇesu sammaṃ janna ahiyāsiyaṃ, kuiyaṃ kakkarāiyaṃ chīyaṃ jaṃbhāiyaṃ
tassa ohuḍāvaṇiyaṃ karemi kāussaggaṃ annatthūsasieṇa'miccāiṇā sattāvīsussāsaṃ kāussaggaṃ karei
cauvīsatatthayaṃ bhaṇittā jahārāyaṇiyaṃ sāhū vaṃdai, pāe ya vissāmei | jo uṇa sayaṃ ciya loyaṃ karei so
saṃdisāvaṇapaveyaṇāī na karei
ii loyakaraṇavihī