Vidhimargaprapa 30.22

30.22

puṇo vi, evaṃ dunnibāre | tao vaṃdittā-'tumhāṇaṃ paveiyaṃ, sāhūṇaṃ
māimayā kayāi uddesāikiriyāe aṇaṃtaraṃ sajjhāyaṃ paṭṭāviya, kālamaṃḍalāiṃ dukkhutto kāūṇa, sajjhāyaṃ paḍikkamiya, pauṇapaharamajjhe vi paḍikamijjai | sesā puṇa uddesāi kiriyāṇaṃtaraṃ ceva paḍikkamijjaṃti | jāva kālo
na paḍikkaṃto tāva gajjimāīhiṃ uvaghāo | uddesāisu kaesu khamāsamaṇadugeṇa 'sajjhāu paḍikkamahaṃ, sajjhāyapaḍikkamaṇatthu kāusaggu karehaṃ' iti bhaṇiya, moṇeṇa annatthūsasieṇamiccāi paḍhittā, aṭṭhassāsaṃ kāussaggaṃ
kariya, pārittā, namokkāraṃ bhaṇaṃti | evaṃ kālo vi pābhāiyāiabhilāveṇa paḍikkamiyavvo | eyaṃ pasaṃgao bhaṇiyaṃ
§ 39. evaṃ suddhe pābhāie kāle paḍikkamaṇaṃ kāuṃ, paḍilehaṇaṃ aṃgapaḍilehaṇaṃ ca kāuṃ, vasahiṃ pamajjiya, sohittā
ya haḍāiṃ pariṭṭhaviya, vāyaṇāriyaaggao iriyaṃ paḍikkamiya, puttiṃ paḍilehittā, vasahiṃ paveyaṃti | 'icchākāri
tapasiyahu vasati sūjhai' | jo vasahiṃ sohiuṃ saha gao so bhaṇai sujjhai tti | tao kālagagāhī evaṃ ceva
kālaṃ paveei | navaraṃ ittha daṃḍadharo sūjhai tti bhaṇai | tao vāyaṇārio vāmapāsaṭṭhio sīso ya ṭhavaṇāriaggao sajjhāyaṃ paṭṭaveti | jahā muhapottiṃ paḍilehiya bārasāvattavaṃdaṇaṃ dāuṃ, khamāsamaṇadugeṇa bhaṇaṃti'icchākāreṇa saṃdisaha sajjhāu saṃdisāvahaṃ, sajjhāu pāṭhavisahaṃ' | jau suddhu tau moṇeṇa-'sajjhāya
paṭṭavaṇatthaṃ karemi kāussaggaṃ, annatthūsasieṇa'miccāi bhaṇiya, aṭṭhassāsaṃ kāussaggaṃ veiyāmajjhe kāuṃ pāriya,
cauvīsatatthayaṃ sattarasasiloge ya paḍhittā, puṇo olaṃbiyabāhū navakkāraṃ ciṃtiya, bhaṇiya, uvavisiya, veiyāmajjhe dāhiṇapāsaṭṭhiyarayaharaṇe vaṃdaṇayaṃ dāuṃ, khamāsamaṇeṇa bhaṇaṃti-'icchākāreṇa saṃdisaha sajjhāu paveyahaṃ'
puṇo khamāsamaṇaṃ 'icchākāri tapasiyahu sajjhāu sūjhai ?' | savve bhaṇaṃti sūjhai | tao khamāsamaṇadugeṇa
sajjhāyaṃ saṃdisāviṃti, kuṇaṃti ya 'dhammomaṃgalāi'siloga 5 | puṇo vāyaṇārio nisijjāe sīso pāuṃchaṇe
vāsāsu kaṭṭāsaṇe rayaharaṇaṃ ṭhāviya, vaṃdaṇaṃ dāuṃ bhaṇaṃti-'icchākāri tapasiyahu diṭṭhaṃ suyaṃ ?' | savve bhaṇaṃti na
kiṃci | itthavi chīya-khaliyāīyaṃ kālagamaṇeṇa neyavvaṃ
sajjhāyapaṭṭavaṇavihī