Vidhimargaprapa 30.6.4

30.6.4

bhattaṃ pāṇaṃ vā jaṃ hatthe taṃ uvahammai | vigaisaṃsaṭṭhaṃ ti paraṃparaṃ na uvahaṇai | mayagamattaṃ na kappai | tillaghayāiabbhaṃgiyā itthī puriso vā jaṃ saṃghaṭṭei so uvahammai | taddiṇanavaṇīyamoiyakajjalaṃ chivaṃtī teṇaṃjiyanayaṇā vā diṃtī uvahammai; na sesadivasesu | annaṃ pi akappieṇaṃ davveṇaṃ mīsiyaṃ chikkaṃ vā bīyadiṇe na
uvahaṇai | ṇhāyā jai kesesu asukkesu asaṇāi dei to uvahammai | taddiṇatillāimoiyakuṃkumapiṃjariyasarīrā ya uvahaṇai | dīvao vi jaṃ puṇa thiraṃ phaṭṭakavāḍāiyaṃ akappieṇaṃ davveṇaṃ chikkaṃ taṃ na uvahaṇai
jai taṃ davvaṃ na chivai thirakaṭṭakavāḍāiṃ jogavāhiṇā chikkāī na uvahaṇaṃti | ucchiviḍiṭhiyaakappavatthubhāyaṇachikkaṃ sattaparaṃparamavi aṇāyariyaṃ | ege tiparaṃparaṃ giṇhaṃti, anne duparaṃparaṃ pi | evaṃ tiricchayalīḍhiesu
vi paropparasaṃvaddhesu dāyagesu vi tahā kappai | phakkava-ikkhurasa-guḍapāya-gulavāṇīya-khaṃḍa-sakkaravāṭa-khīriduddhakaṃjiya-duddhasāḍiyā-phakkariyaga-moriṃḍaga-gulahāṇā | duddhasāḍiyā nāma dakkhaduddharaddhā | moriṃḍagāṇi
paveiyaṃ, saṃdisaha kāussaggaṃ karāveha' | gurū āha-'karāvemo'