Vidhimargaprapa 32.1

32.1

kakkariyavisesā | tahā moiya kullariṃ cuppaḍiya maṃḍaga moiya sattūya dahiṃkaraṃbaya ghola siharaṇi tilavaṭṭiya
pagaraṇasaṃsaṭṭha māisarāva eyāṇi vāsiyāṇi kappaṃti | vīsaṃdaṇa bharolaga naṃdihali nāliera tilamāi gihatthehiṃ
appaṇo kae kayaṃ kappai | vīsaṃdaṇaṃ tāviyaghayahaṃḍiyāe vesaṇāikyaṃ | bharolagāṇi ghayaloṭṭakayamuṭṭhiyāṇi
annaṃ pi khuḍḍahaḍiyadakkhā, dakkhāvāṇayaṃ, aṃbiliyāvāṇaya-nālieravāṇaya-suṃṭhimiriyamāiyaṃ kappai | tahā
dahikayaāsurī, dhūviya iḍḍarī mokalipamuhaṃ taddiṇe uvahaṇai; bīyadiṇe kappai | chaṭṭhajoge lagge saṃdhūiya
takkatīmaṇaṃ bhajjiyāiyaṃ ca kappai; na ārao kappai | avavāeṇaṃ asahussa tiṇha ghāṇāṇovari jaṃ
nibbhaṃjaṇaṃ cautthaghāṇo gāhimaṃ, annaghayāiapakkheve pubillaghayabhariyatāviyāe bīyaghāṇapakkaṃ pi ogāhimaṃ
kappai | jai egeṇa ceva pūeṇa tāviyā pūrijjai | uddesāi, jai sāhuṇīhiṃ saha to colapaṭṭasaṃjuyāṇaṃ; aha
annahā, to aggoyareṇāvi kappai | kappai sāhuṇīṇaṃ uddesāi paḍikkamaṇaṃ vā kāuṃ sayā oḍhiyaparihiyāṇaṃ
kappai dugāuyaddhāṇaṃ bhikkhāyariyāe aḍittae | kappai battīsaṃ kavalā āhāraṃ āhārittae | kappaṃti
tinni pāuraṇā pāurittae | asahussa cattāri paṃca jāva samāhī | kappai diyā vā rāo vā āyāveuṃ | evaṃ
savvo vi jo jaṃmi kappe vihī uvahayāṇuvahaya-kappā-kappāi jahā diṭṭho gīyatthehiṃ, so taheva saṃkārahiehiṃ
vāyaṇāyariyāṇunnāe kāyavvo; na samaīe | annahākaraṇe bahudosappasaṃgāo | tadhāhi -
ummāyaṃ ca labhijjā rogāyakaṃ ca pāuṇai dīhaṃ
kevalipannattāo dhammāo vā vi bhaṃsijjā