Vidhimargaprapa 34.28

34.28

sāhaṇāvihī ya amhacciya sūrimaṃtakappe daṭṭhavvo | jao ceva esa mahappabhāvo ettocciya eyassārāhago
sūyagabhattaṃ mayagabhattaṃ rayassalāchutabhattaṃ majjamaṃsāsibhattaṃ ca pariharai | annesiṃ sāhūṇaṃ ucchiṭṭhajalakaṇeṇāvi
laggeṇa eyassa na bhoyaṇaṃ kappai tti | tao sīso khamāsamaṇaṃ dāuṃ bhaṇai-'icchākāreṇa tumhe amhaṃ
akkhe samappeha' | tao gurū tinni akkhamuṭṭhīo vaṇṇutiyāo gaṃdhakappūrasahiyāo dei | sīso vi
uvautto karayalasaṃpuḍeṇa giṇhai | jogapaṭṭayaṃ saḍiyaṃ ca gurū samappei tti pālicattasūrī | tao sīso
khamāsamaṇaṃ dāuṃ bhaṇai-'icchākāreṇa tumhe amhaṃ nāmaṭhavaṇaṃ kareha' | tao gurū vāse khivanto jahociyaṃ
sūrisaddapañcaṃtaṃ nāmaṃ tassa karei
tao gurū nisijjāe uṭṭhei, sīso tattha nisīyai | tao niyanisijjānisannassa sīsassa
muhapottiṃ paḍilehikama tullaguṇakkhāvaṇatthaṃ jīyaṃ ti kāuṃ gurū duvālasāvattavaṃdaṇaṃ dāuṃ bhaṇai-'vakkhāṇaṃ
kareha' | tao sīso jahāsattīe parisānurūvaṃ vā naṃdimāīyaṃ vakkhāṇaṃ karei | kae vakkhāṇe sāhavo
vaṃdaṇaṃ diṃti | tāhe so nisijjāo uṭṭhei, gurū nisijjāe uvavisai | sīso ya jāṇu ṭhio suṇei
a-m | a-u-m-n-a-m-o-s-a-v-a-s-ā-hū-ūṇ-a-m | a-u-m-n-a-m-o-a-u-ha-i-n-i-ṇa-a-ṇ-a-m | a-u-m-n-a-m-o-p-a-r-a-m-o-h-i-n-i-ṇ-a-a-ṇ-a-m | a-u-m-n-am-o-s-a-v-o-h-i-n-i-ṇ-a-a-ṇ-a-m | a-u-m-n-a-m-o-m-a-ṇ-a-m-t-o-h-i-n-iṇ-a-a-ṇ-a-m | uvayāro so ceva | saṃghapūyāimahūsavāhigāro ettha sāvayāṇaṃ ti
uvajjhāyapayaṭṭhāvaṇāvihī samatto