Vidhimargaprapa 40.16

40.16

0|0|:|:|::|::| paṇagāī paṃcamiliyakallāṇaṃ | tattha cautthadugaṃ labbhai | te ceva paṃcaguṇā paṃcakallāṇaṃ tattha dasovavāsā labbhanti | iyāṇiṃ
nāṇāipaṃcāyāravisayaṃ kameṇa pacchittaṃ bhaṇṇai - nāṇāyārāiyāresu akālapāḍhāisu aṭṭhasu uddesae paṇagaṃ,
ajjhayaṇe māsalahuṃ, suyakkhaṃdhe māsaguruṃ, aṃge caulahuṃ | evaṃ tāva aṇāgāḍhe dasaveyāliya-āyāraṃgāīe
āgāḍhe puṇa uttarajjhayaṇa-bhagavaimāīe uddesagāisu jahassaṃkhaṃ lahumāsa-māsagurū, caulahu-caugurugā, akkaovaṭṭhāṇa-apattaavattāīṇaṃ uddesādikaraṇe vāyaṇādāṇe ya caugurū | tattha apatto tittiṇiyāī, suyajjhayaṇapajjāasaṃpatto ya | tattha āimo imo -
tittiṇie calacitte gāṇaṃgaṇie ya dubbalacaritte
āyariyaparibhāsī vāmāvaṭṭe ya pisuṇe ya
suyajjhayaṇapajjāo ya - tivarisapariyāyassa āyāraṃgaṃ, cauvāsapariyāyassa sūyagaḍaṃ, paṃcavāsapariyāyassa dasā-kappa-vavahārā, aṭṭhavāsapariyāyassa ṭhāṇa-samavāyā, dasavāsapariyāyassa bhagavaī - iccāi; taṃ asapatto - ārao vattī | kālaaṇuogāṇamapaḍikkamaṇe paṇagaṃ; sutatyamoyaṇamaṃḍalīṇamappamajjaṇe paṇagaṃ | aṇuoge
akkhāṇaṃ guru-akkhanisejjāṇaṃ ca aṭṭhāvaṇe, vaṃdaṇa-kāussaggākaraṇe ya caugurū | āgāḍhāṇāgāḍhajogāṇaṃ savvabhaṃge challahu-caugurugā jahasaṃkhaṃ | desabhaṃge cauguru-caulahugā | tattha vigaibhoge savvabhaṃgo | egamāge
vigaiṃ āyaṃbilapāuggaṃ ca giṇhai | jogasamattīe guruṃ viṇā vi sayameva vigaigahaṇakāussaggaṃ karei
ussaṃghaṭṭaṃ vā bhuṃjai tti | desamaṃgo nāṇanāṇīṇaṃ paccaṇīyāe niṃdāe paose pāḍhāiaṃtarāyakaraṇe ya māsagurū | putthaya-paṭṭiyā-ṭippaṇagāīṇaṃ paḍaṇe rukkhākaraṇe duggaṃdhadavvagahaṇe thukkamaraṇe thukkāiakkharamajjaṇe pāyaabhihaḍamuttaṃ duvihaṃ sagāma-paragāmabheyao tattha
caramaṃ sapaccavāyaṃ apaccavāyaṃ ca iya duvihaṃ