Vidhimargaprapa 66.1.2

66.1.2

prakṣālya dhūpapuṣpacandanavāsādyairadhivāsya kuṅkumakapūraśrīkhaṇḍādisaṃpṛktasurabhijalena bhṛtvā pihitamukhaṃ paṭṭake candanakṛtasvastike saṃsthāpayet | tataḥ kusumāṃjalipañcakaṃ krameṇa ‘bahalaparimale’tyādi mātrāvṛttapaṃcakaṃ paṭhitvā
kṣipet | navaramādyānvavṛttayornamo'rhatsiddhetyādi bhaṇet | vṛttānte tu śaṅkhabherījhallaryādiṭhaṇatkāraṃ mandraṃ dadhuḥ
śāṅgikādyāḥ kalaśān bhṛtvā kusumaṃjalipaṃcakaṃ kṣipet, kṣitvā vā kalaśān bharedubhayathā'pyadoṣaḥ | tata
indrahastān prakṣālya hastayorbhāle ca candanatilakān kṛtvā, snapanakriyadravyanikṣipte sakalasaṃghānumatyā kalaśānutthāpya, namo'rhatsiddhetyadhītya ‘jammamajaṇi jiṇahavīrasse’tyādi kalaśavṛtteṣu janmābhiṣekakalaśavṛttāntareṣu
vā'nyaiḥ paṭhiteṣu tadabhāve svayaṃ vāṃ bhaṇiteṣu, kumbhapidhānānyapanīya, paṃcaśabde vādyamāne śrāvikāsu jinajanmābhiṣekagītāni gāyantīṣūbhayato'pyakhaṇḍadhāraṃ snapanaṃ kurvanti, draṣṭāraśca jinamajjanapratibaddhahṛdyapadyāni
paṭhanti, muhurmuhurmūrddhānaṃ namayanti | yacca snāne jalaṃ mūrddhādyaṅgeṣu kecillagayanti tad gatānugatikaṃ manyante
gītārthāḥ | śrīpādaliptācāryaistanniṣedhāt | tathā ca tadvacaḥ-‘nirmālyabhedāḥ kathyante-devasvaṃ devadravyaṃ
naivedyaṃ nirmālya ceti | devasaṃganvigrāmādi devasvam, alaṃkārādi devadravyam, devārthamupakalpitaṃ naivedyam
tadevotsṛṣṭaṃ niveditaṃ vahniḥ nikṣiptaṃ nirmālyaṃ paṃcavidhamapi nirmālyaṃ na jighrenna ca laṃghayenna ca dadyānna ca
vikrīṇīta | dattvā kravyādā bhaveti, bhuktvā mātaṃgaḥ, laṃghane siddhihāniḥ, āghrāṇe vṛkṣaḥ, sparśane strītvam,