Vidhimargaprapa 70

Vidhimārgaprapā 70

Language: Sanskrit

70.1

daśamaḥ sargaḥ
kārmmaṇaṃ śarmalakṣmīṇāṃ, mūlaṃ dharmamahīruhaḥ | āspadaṃ sampaddāmekamidaṃ dīnānukampanam

70.2

śrīmannemijineneva, tadidaṃ buddhiśālinā | pālanīyaṃ prayatnena, lokottaraphalārthinā

70.3

dīnānukampāyāṃ śrīnemijinacaritam
ihaiva bharatakṣetre, jambūdvīpavibhūṣaṇe | asti svargopamaṃ dhāmnā, nāmnā'calapuraṃ puram

70.4

gṛhān saptakṣaṇān yatra, vīkṣya saptāśvasaptayaḥ | kṣaṇaṃ skhalanti madhyāhne, sphuṭaṃ kṛtakuṭībhramāḥ

70.5

śrīvikramaghano nāma, tatrāsīdīśitrā bhuvaḥ | yadasau yamunāpāmbhi, magnā yānti dviṣo divi

70.6

reje raṇājiraṃ yasya, bhinnaibharada-mauktikaiḥ | chinnavairiyaśovṛkṣaśākhākusumasaṃnibhaiḥ

70.7

śambhorumeva rambhorūrambhoruhavilocanā | dhāriṇīti priyā tasya, babhūva sahacāriṇī

70.8

anyadā'sau niśāśeṣe, sukhasuptā vyalokayat | svamāntarmañjarīmañjusahakārakaraṃ naram

70.9

jagāda so'pyasau devi !, sahakāramahīruhaḥ | kalpapādapakalpaśrīrāropyastvadgṛhāṅgaṇe

70.10

tataścodgāramudgāramayamaropito mayā | āmro navamavelāyāṃ, phalitā'navamaṃ phalam

70.11

atrāntare sphurattopaiḥ, peṭhe maṅgalapāṭhakaiḥ | prabhāte bhāṣayā pakvarāsālasasasārayā

70.12

advitīyaphalollāsimāsvadudgamakāraṇam | vibhātyabhinavaścetadravirāyaṃ pragekṣaṇaḥ

70.13

athotthāya mahīnāthavallabhā vikasanmukhī | rājñe vijñapayāmāsa, svamavṛttāntamadbhutam

70.14

nṛpo'pyūce suto bhāvī, bhavatyāḥ kaściduttamaḥ | na jānīmastu yattasya, dvārānāropaṇaṃ nava

70.15

atha garbhaṃ babhāraiṣā, nirbharānandaśālinī | śasyadohadasandohasūcitārbhutalakṣaṇam

70.16

vāsareṣvatha pūrṇepu, pūrṇendumitra sundaram | asūtāsau sutaṃ pūrṇamāsīvāsīmatejasam

70.17

daśāhnānantaraṃ tasya, sutasya jagatīpatiḥ | ānandavarddhitotsāho, dhana ityabhidhāṃ vyadhāt

70.18

varddhamānavapurlakṣmīrnūtanenduriva kramāt | sakalāḥ sa kalāḥ prāpa, spaṣṭadṛṣṭāṣṭadhīguṇaḥ

70.19

asau bhāgyodyataśrīkaḥ, saubhāgyaruciradyutiḥ | advitīyakalāśālī, dvitīyamabhajad vayaḥ

70.20

yauvarājyābhiṣeke'tha, nirvṛtte nṛpanandanaḥ | nānāvidhābhiḥ krīḍābhiścikrīḍa sukhalālasaḥ

70.21

sacayobhirmahāmātyaputrairmitrai. samanvitam | dhanaṃ vanagataṃ kaściddevametya vyajijñapat

70.22

ājñāpito'smi devena, yad dūtaṃ siṃhabhūsujaḥ | melayāmuṃ kumārasya, mānyamasya ca vācikam

70.23

udyānasya bahiḥ so'yaṃ, vidyate'dyāpi suprabho ! | samādiśa samāyātu, yātu vā sāmprataṃ kimu ?

70.24

sa rājapuruṣo rājakumārānumatādatha | prāveśayadamuṃ dūtamantaḥsamamurutvaraḥ

70.25

viśiṣṭaṃ vetriṇā''diṣṭe, niviṣṭamatha viṣṭare | savismayaṃ vaco'vādījjagatīpatinandanaḥ

70.87

jīvo dhanakumārasya, puṇyāviṣṭastriviṣṭapāt | jātaścitragatirnāma, haṃsacitraṃgatiḥ sutaḥ

70.88

viśeṣakam
vidyāvaidagdhyadugdhābdhikelikallolitairayam | vidyādharāṇāmānandakandaṃ kandalitaṃ vyadhāt

70.89

kiñcātraiva girau vyāmni vaitāḍhyanāmani | dakṣiṇaśreṇikoṭīre, nagare śivamandire

70.90

anaṅgasenasaṃjñasya, medinīhṛdayeśituḥ | patnyāṃ śaśiprabhānāmnyāṃ, śaśipramukhatviṣi

70.91

cyutvā dhanavatījīvaḥ, so'pi saudharmatastataḥ | dhātrā ratnavatīvāmrāmnā ratnavatī sutā

70.92

viśeṣakam
kalākalāpakuśalāṃ, kramādākrāntayauvanām | utsaṅgasaṅginīmenāṃ, vidhāya vasudhādhavaḥ

70.93

padminyā ivāmuṣyāḥ, kaḥ syādarka iva priyaḥ ? | daivajñamityabhāṣiṣṭa, niviṣṭaṃ viṣṭare puraḥ

70.94

yugmam
athāgadyata sadyaskajñānāmṛtamṛtā'munā | agādhajyotiṣagranthasindhumanthānabhūbhṛtā

70.95

prauḍhapradhanapāthodhitaraṇaikataraṇḍakam | raṇe kṛpāṇamācchidya, yaste haste grahīṣyati

70.96

śrīsiddhāyatane yasya, mūrdhani svardhunīnibhā | stutiṃ prastuvato divyā, puṣpavṛṣṭirbhaviṣyati

70.97

sa eva bhavitām̐tasyāḥ, śrīpatipratimaḥ patiḥ | śuddhapakṣadvayo haṃsyā, rājahaṃsa ivāmalaḥ

70.98

viśeṣakam
ityākarṇya kṛtaprītiḥ, sa khecaraśiromaṇiḥ | praiṣījjyotiṣikāgraṇyaṃ, prīṇayitvā vibhūtibhiḥ

70.99

kadācid bharatakṣetre, vyomnā citragatiśvaran | ārtaṃ kiñcit puraṃ vīkṣya, mahūttīrṇo bhuvaṃ divaḥ

70.100

tatra bhadrākṛtiṃ kañcidapṛcchat khecaro naram| keyaṃ purī ? nṛpaḥ ko'syāṃ ?, duḥkhaṃ kimidamapyaho ! ?

70.101

jñātāśeyakatho vācamathovāca sa pūruṣaḥ | alaṅkṛtamahīcakramidaṃ cakrapuraṃ puram

70.102

pramuratrāsti sugrīvaḥ, pragrīvaḥ kṣitipādhrayaḥ | priye yaśomatī-bhadre, tasya khyāte ume śubhe

70.103

sumitraḥ sūnurekasyā, jaganmitramajāyata | dvitīyasyāḥ punaḥ padmaśchadmanaḥ sadma jaṅgamam

70.104

jīvatyasmin na me sūnorbhāvi bhūpālavaibhavam | bhadreti sucaritrāya, sumitrāya viṣaṃ dadau

70.105

viṣe dhvānta ivodīrṇe, caritaiḥ śyāmayā tayā | sumitro vyasanaṃ prāptaścitraṃ padme nanu smitam

70.106

mlāniṃ gate sumitre'smin, mitravat tejasāṃ nidhau | yuktaṃ cakrapurasyāsya, duḥkhaṃ duḥsahatāṃ gatam

70.107

iti citragatiḥ śrutvā, tamujjīvayituṃ javāt | paropakāravyasanī, viveśa nṛpaveśmani

70.108

sa mantrāmbhaḥ sumitrāṅge, bandhudṛgbhiḥ sahākṣipat
smitaṃ cakṣuḥ sumitrasya, tadbāndhavamukhaiḥ samam

70.109

punaruñjīvite jāte, sumitre netrapātratām | duḥkhavāṣpāmbu bandhūnāṃ, pramodāśrupadaṃ yayau

70.110

atha some sumitre'smiṃstāpaṃ harati dehinām| padme saṅkucite bhadrā, bhrūṇeva kacidapyagāt

70.111

atha jīvitadātāraṃ, tadā tāraṃ yaśobharaiḥ | taṃ vidyādharamānandī, vavande nṛpanandanaḥ

70.112

tataḥ pitṛbhyāṃ pādāntapraṇataḥ snapitaḥ sutaḥ | netrakumbhamukhodgīrṇarānandāśrujalaplavaiḥ

70.113

vidyādharakumāro'pi, tābhyāmāliṅgya nirbharam | anicchannapi sacakre, vasanā-''bharaṇādibhiḥ

70.114

snehādamepitenātha, sa citragatinā saha | sumitraḥ kurute krīḍāṃ, viṣṇūneva purandaraḥ

70.57

manassu puranārīṇāṃ, manobhūnagareṣviva | ekakālaṃ viśan vidyāṃ, darśayan bahurūpiṇīm

70.58

sa ratnabhicitejobhirasphuṭadvārabhūmikam | praviveśa nṛpāvāsaṃ, dauvārikagirā param

70.59

viśeṣakam
sa krameṇātha bhūpālasaudhamūrddhānamāsadat | pūrvaparvataśṛṅgāgravibhāgamiva, bhānumān

70.60

atha nārījane bhūribhūṣaṇadviguṇadyutau | dhavaladhvanipīyūṣasañjīvitamanobhave

70.61

vedoddhāracamatkārasapratāpatrayītanau | brāhmaṇānāṃ gaṇe spardhniruddhasadanāṅgaṇe

70.62

kāhalālalayantrotthakiṅkarānanamārutaiḥ | dīpite janacitteṣu, makaradhvajapāvake

70.63

adbhutaṃ vādyamāneṣu, mṛdaṅgeṣu muhurmuhuḥ | ambhogharadhvanibhrāntyā, nṛtyākulakalāpiṣu

70.64

kumārī ca kumāraśca, yojayitvā karāmbuje | tataḥ purodhasā vanheḥ, kāritau tau pradakṣiṇam

70.65

pañcabhiḥ kulakam
āsīdaśru na citrāya, homadhūme visarpati | tadā''sanne tayorvahnau, kampo vismayabhūrabhūt

70.66

parasparaṃ tayoḥ pāṇisrpaśaṃ pīyūṣavārṣiṇi | asuśvadaṅkurān kṣetre, śṛṅgāraḥ pulakacchalāt

70.67

sarvāṅgapūrṇayoḥ kāmarasena bhṛśametayoḥ | pāṇipīḍanataḥ svedacchalāt kiñcid bahiḥ sthitam

70.68

tadā kumāravaktrenduḥ, ko'pyapūrvaḥ smayaṃ dadhau | kumārīvadanāmbhojasamullāsanalāsakaḥ

70.69

namaścakre krameṇātha, guruvargaṃ nṛpāṅgajaḥ | tayā dayitayā sākaṃ, baddhāñcalavilagnayā

70.70

katicid vāsarāṃstatra, sthitvā nṛpatinandanaḥ | prayātataḥ svapurīṃ reme, samaṃ vanitayā tayā

70.71

munirvasundharo nāma, pavitritavasundharaḥ | anyedyurājagāmātra, caturjñānadharaḥ pure

70.72

namaskartumamuṃ rājā, kumāreṇa samaṃ tataḥ | yayau puravanīkhaṇḍamakhaṇḍagurubhaktikaḥ

70.73

mudā vasundharādhīśo, vasundharamunīśvaram | praṇamya pādapīṭhāgre, kṣitipīṭhe niviṣṭavān

70.74

navasthānarasāladrunyāsasvamavicāraiṇām | apṛcchat pṛthivībhartā, preyasīpreritastataḥ

70.75

sarvajñaṃ manasā pṛṣṭvā, samācaṣṭa munīśvaraḥ | kumāro'yaṃ jino bhūtvā, phalitā navame bhave

70.76

śrutveti prītimān bhūpo, muniṃ natvā puraṃ gataḥ | vāhavyūhakhurodbhūtadhūlidhūsaravāsaraḥ

70.77

sa kumāro'nyadā keliśālī gatvā vanāvanī | ciraṃ cakrīḍa sakhibhiḥ, kalabhairiva kuñjaraḥ

70.78

athā'paśyadasau kañcid, bhūmau nipatitaṃ munim | nirālambaviyadbhrāntisricaṃ ravimivācirāt

70.79

āśvāsya candanāmbhobhiranilaiścānulomikaiḥ | cakre kumāraḥ sacchāyaṃ, muniṃ dharmadrumopamam

70.80

uccāritaḥ kumāreṇa, vipadambhonidhermuniḥ | tamuccārayituṃ so'pi, tat prārebhe bhavāntarāt

70.81

tatkālaṃ ca samāropya, taccitte vāksudhārasaiḥ | samyaktvapādapastena, śataśākho vyatanyata

70.82

kumārasyoparodhena, sthitvā'tha stokavāsarām | kṛtāvadyaparīhāro, vihāraṃ vidadhe muniḥ

70.83

bandhunā dhanadevena, dhanadattena cānvitaḥ | savapūko dhano'nyedyurvrataṃ prāpa vasundharāt

70.84

taptvā tapāṃsi bhūyāṃsi, kṣīṇāyuḥkarmabandhanāḥ | saudharmakalpe sarve'pi, śrāyasīṃ śriyamāśrayan

70.85

atraiva bharatakṣetre, vaitāḍhyagirimūrdhani | uttaraśreṇirociṣṇuprūratejo'bhidhe pure

70.86

arātidhvāntaśūrasya, śūrasya pṛthivīpateḥ | vidyunmatyabhidhānāyā, devyāḥ kukṣisaroruhe

70.146

atha svasvapuraṃ prāpuḥ, prītāḥ sarve'pi khecarāḥ | harṣamutkarṣayanto'ntaḥ, stutyā citragatestayā

70.147

śrīśūrā-'naṅgasenābhyāmādiṣṭo gaṇakastataḥ | niścikāya vivāhāya, rāgiṇordinametayoḥ

70.148

vivāhya ratnavatyā'tha, śūraścitragatiṃ sutam | rājye nyasya samaṃ vidyunmatyā vratamupādade

70.149

sa jīvaṃ dhanadevasya, bandhuṃ nāmnā manogatim | dhanadattasya capalagarti ca mudamānayat

70.150

mṛtasya maṇicūḍasya, svasāmantasya nandanau | vibhajya vibhavaṃ rājñā, śaśiśūrau ca toṣitau

70.151

ekadravyābhilāṣeṇa, kadācid yudhyatostayoḥ | mṛtayorvārtayā rājā, vairāgyaṃ hṛdi mejivān

70.152

sārddhaṃ svakīyabandhubhyāṃ, vadhvā ca vasudhādhavaḥ | sūrerdamadharād bheje, vrataṃ khaṅgābhatīvratam

70.153

puraṃ purandaro nāma, purandaraparākramaḥ | apālayannṛpālasya, tasya sūnuranū nadhīḥ

70.154

pādapopagamaṃ kṛtvā, prāpa citragatiḥ kṛtī | māhendrakalpe devatvamṛbhupamuniprabhaḥ

70.155

asti pratyagvideheṣu, deśaḥ padmāravyayā mahān
yatra grāmā'nnarāśīnāṃ, śailānāpi nāntaram

70.156

puraṃ siṃhapuraṃ tatra, vidyate viditaṃ bhuvi | saudhāmrastrīmukhābjānāṃ, yatrendurdāsivat puraḥ

70.157

hariṇandīti tatrāsīdavanīpālapuṅgavaḥ | vibhāti yatpratāpasya, taptāṃśuḥ pratihastakaḥ

70.158

sa bheje vallabhāmarthipriyadaḥ priyadarśanām | yasyāḥ śastau rati-prītyoḥ, keliśailarucau kucau

70.159

so'yaṃ citragaterjīvaścyutvā māhendrakalpataḥ | aparājitanāmā'bhūdugradhāmā tadaṅgakaḥ

70.160

sakhā vimalabodhākhyastasyāmavadamātyabhūḥ | sahacārī sadā bhānoriva raśmisamuccayaḥ

70.161

vāhābhyāṃ vāhitāvetau, bāhyālīkramaṇe'nyadā | deśe davīyasi gatāvaraṇye puṇyavikramau

70.162

tatrāvatīrya tau vīryavinirjitapurandarau | ninyatustoyatīreṣu, tṛṣāttaṃ turagadvayam

70.163

atha śrutīkṛtāvandhau, vipannau tau turaṅgamau | deśāntaravihāraśrīnetre iva tadā tayoḥ

70.164

atha tatra sthitāvetau, nirāśau galitaśriyau | kalpau kalimāhātmyānnyāyadharmāvivāṅginau

70.165

atrāntare naraḥ ko'pi, hanye hanye vadannidam | pradattābhayadānena, kumāreṇa sthirīkṛtaḥ

70.166

sthito yāvadasau tatra, tāvadārakṣakāḥ kṣaṇāt | hata hateti jalpanto'bhyāyayuryuyudhegataḥ

70.167

tataḥ same kumāreṇa, vadhavāraṇakāriṇā | tadā''rakṣakasainyaṃ tat, prārebhe yuddhamuddhatam

70.168

karavālaḥ kumārasya, tato dalayato raṇe | balasyāsya prabhāvābdhimagastiriva pītavān

70.169

atha te vyathitāstena, kumāreṇoddhaṭā bhaṭāḥ | āśu vijñāpayāmāsurvittvā bhūbhujaṃ nijam

70.170

tadā''rakṣamapratiṣepoddīprakopaḥ sa bhūpatiḥ | sanāthāṃ daṇḍanāthena, prāhiṇodasamāṃ camūm

70.171

khaṅgalekhā kumārasyāvalepajalaghestataḥ | imāṃ parāṅmukhīcakre, vāhinīmatulatvarām

70.172

atha svayamayaṃ rājā, samārūḍhya mataṅgajam | saṅgrāmāya samārebhe, saṃrambhaṃ krodhadurdharaḥ

70.173

mantriputraṃ kumāro'pi, vyāpārya nararakṣaṇe | āruroha raṇāyogramabhimānamataṅgajam

70.174

nṛpāṅgajabhujenābhādasilekhā vikampitā | śikheva muktā vātāstā, virodhivadhasandhayā

70.175

tadbujasya yamasyeva, romādyairmaicakadyuteḥ | saṃharantī ripūn kruddhā, jihvevāsilatā cabhau

70.176

mano mantrī bhuje mitraṃ, māno dhanamasirgalam | iti vīro vijagrāha, sa yuddhaṃ saha bhūbhujā

70.119

anyedyuḥ suyaśā nāma, kevalī prāpa tat puram | jagāma taṃ namaskartuṃ, sugrīvaḥ saha bāndhavaiḥ

70.116

taṃ praṇamyopaviśyātha, deśanānte viśāṃpatiḥ | papraccha kva nu sā bhadrā, paritrasya yayāviti ?

70.117

sā naśyantī hṛtā caurairvikrītā vaṇijo gṛhe | naṣṭā tato'pi dāvāgnidagdhā durgatimabhyagāt

70.118

atiśocyamanantaṃ sā, saṃsāraṃ vicariṣyati | itthaṃ sa kathayāmāsa, kevalī nṛpatiṃ prati

70.119-2

tadākarṇya nṛpo dadhyau, yatkṛte sā'kṛtedṛśam | so'styatra narake sā tu, gatā vatsalatā hahā !

70.120

itthaṃ khinnaḥ sumitrāya, dattvā rājyaṃ bhuvo vibhuḥ | kañcid deśaṃ ca padmāya, nirmāryo vratamagrahīt

70.121

tataḥ sumitradhātrīśamāpṛcchya kathamapyamum | gataścitragatistena, satkṛto nagaraṃ nijam

70.122

ito ratnavatībhrātā, kamalo'naṅgasenamūḥ | sumitrabhaginīṃ kūṭāt, kaliṅgasyāharat priyām

70.123

svaimitrasya sumitrasya, tāmānetuṃ sahodarām | vegāccitragatiḥ prāpa, nagaraṃ śivamandiram

70.124

taṃ svamitrasvasurdīnavaktrāyāścāṭukāriṇam | udyāne'trāsayaccitragatiḥ kamalamakulam

70.125

kopādanaṅgaseno'pi, punnāmabhavasambhavāt | yoddhuṃ citragatiṃ sainyairdainyairniṃragāt purāt

70.126

udyanmahāḥ sahānena, cakre citragatiryudham | kramabhraṣṭakhilāstreṇa, vailakṣyamupagacchatā

70.127

anaṅgasenabhūpālaḥ, khaḍgaratnamathāsmarat | yoddhumuddharadhairyeo'sau, sarmaṃ sūnuvirodhinā

70.128

atha citragatirmāyātamḥśyāmalitāmbaraḥ | rājñaḥ kṛpāṇamācchidya, gṛhītvā mitrasodarām

70.129

gatvā cakrapure tūrṇa, sumitrasya samarpya ca | ājagāma sa vaitāḍhyaṃ, pūrvādrīmiva bhānumān

70.130

yugmam
prauḍhaputraḥ sumitro'pi, viraktaḥ saṃsṛtau kṛtī | vratamāsādya jainendraṃ, vicacāra ciraṃ kṣitau

70.131

ākheṭakagatenāyamatha padmena bandhunā | pūrvavidveṣataḥ śalyahato nipatitaḥ kṣitau

70.132

asāvanantasaṃsārī, macco bhavati bāndhavaḥ | śocannevaṃ svamātmānaṃ, vipannaḥ sa mahāmuniḥ

70.133

babhūva brahmaloke'sau, śakrasāmānikaḥ suraḥ | agaṇyapuṇyanaipuṇyapaṇyādvaitaniketanam

70.134

duṣṭāddiṣṭaeḥ padmo'pi, saptamaṃ narakaṃ yayau | manye'sau caraṇe dhṛtvā, kṛṣṭaḥ kālena kautukāt

70.135

ekadā'gamadānandī, nandīśvaravaraṃ prati | vidyādharagaṇo bibhradahaṃpūrvikayā tvarām

70.136

athāpūjayanta niḥśeṣagītavādyādikautukaiḥ | vidyādharakadambena, bhaktivibhrājinā jināḥ

70.137

kaiḥ puṇyaiḥ padamīdṛkṣaṃ, duḥkhatrāsadamāsadam ? | idamatrāntare dadhyau, sumitraḥ svargitāṃ gataḥ

70.138

iti cintayataścitte, mitraṃ citragatiḥ kṛtī | atipremṇā'vadātasya, tadā tasya smṛtiṃ gataḥ

70.139

nandīśvare sa taṃ vīkṣya, kurvāṇaṃ jinapūjanam | āgād vegena tatraiva, mitrasnehena mohitaḥ

70.140

vidyādhareṣu śṛṇvatsu, sa devaḥ kurvataḥ stutim | mūrdhni citragaterhṛṣṭaḥ, puṣpavṛṣṭiṃ visṛṣṭavān

70.141

atha citragatiṃ sarve, garvamunmucya khecarāḥ | vismitāḥ puṣpavarṣeṇa, namaścakrurguṇādhikam

70.142

bubudhe'naṅgaseno'pi, smṛtvā gaṇakabhāṣitam | puṣpavṛṣṭyā'siṣecā ca, hṛṣṭayā taṃ sutāpatim

70.143

ratnavatyapi taṃ prāpya, papāvavirataṃ dṛśā | marusthalapathe pānthāḥ, pāthaḥpūramivādarāt

70.144

so'pi citragatirvīkṣya, kairavākṣīmimāṃ tadā | mamāmudadharat kaṣṭaṃ, tallāvaṇyahrade dṛśam

70.145

parasparamathaitābhyāṃ, gatābhyāmekatāmiva | svaṃ manaḥ premasarvasvakośādhyakṣa ivārpitam

70.28

asāvasoḍhā tanmitravirahaṃ nirahaṅkatiḥ | ciraṃ babhrāma kāntāre, yūthabhraṣṭa iva dvipaḥ

70.29

atha bhraman gato nandipuropāntasurālaye | etya khecarayugmena, sa proce duḥkhadurmanāḥ

70.210

ākārayati mitraṃ te, bhūpabhūraparājitaḥ | tadā cāpahṛtaḥ so'yamāvābhyāṃ vipināntarāt

70.211

prabhuḥ kamalamānunīṃ, hārayāmāsa khecaraḥ | kumudinyāḥ kṛte puṣyāḥ, kamalinyāśca taṃ yataḥ

70.212

ayamevānayorvālye, nyavedi jñāninā varaḥ | prabhuṣṇā nirmite so'sti, prāsāde tvaddinā'rdditaḥ

70.213

vivāhe'pi nirutsāhaḥ, sa bhavantaṃ vinā'bhavat | tadehi dehi tasyādya, mudamanverico'paḥ

70.214

ityākarṇya hṛdi prītaḥ, sa tābhyāṃ saha jagmivān | tatprāptimuditaḥ kanye, vīraḥ paryaṇayacca te

70.215

atha śrīmandirapure, tau gatvā sattvaduḥsahau | sthitau kāmalatānāmnyā, vāranāryā niketane

70.216

pure'sminnekadā kaścidabhūt kolāhalo mahān | rathaghaṇṭāpathatyāgavyākulārka turaṅgamaḥ

70.217

tat paramparayā jñātvā, nihataṃ ghātakairnṛpam | veśyāyai mantrisūrāravyadatha sañjīvanauṣadham

70.218

tad bhūbhṛnmantriṇe tūrṇaṃ, veśyayā'pi niveditam | ayaṃ madgṛhavāstavyaḥ, kiñcid vetti mahauṣadham

70.219

mantriṇā maktimugnena, tat tadā''kāritāvimau | auṣadhena dharādhīśaṃ, kṣaṇāccakraturakṣatam

70.220

hariṇanditanūjo'yamiti matvā'tha bhūbhujā | rambhānāmnaḥ svanandandyāḥ, pradānenaiva satkṛtaḥ

70.221

tatraiva tāmapi tyaktvā, punaḥ pracālitāvimau | kañcit kevalinaṃ vīkṣya, pure kuṇḍapure sthitau

70.222

natvā kevalinaṃ bhaktibhāvitaḥ suhṛdā saha | aparājitavīro'yaṃ, niviṣṭaḥ kṣitiviṣṭare

70.223

papraccha svacchadhīrbhāviśubhā-'śubhamathā ''tmanaḥ | mitrasya ca svakīyasya, medinīnāthanandanaḥ

70.224

dvāviṃśastīrthakṛd bhāvī, nemistvaṃ pañcame bhave | ayaṃ suhṛcca prathamo, gaṇabhṛt te bhaviṣyati

70.225

vācaṃ samyag niśamyeti, prathitāṃ muninā'munā | sa prāpa pramadaṃ bhāvimukatyānandānuvādinam

70.226

munau kṛtavihāre'tha, kevalajñānabhāskare | tau kutūhalinau deśān, draṣṭumabhramatāṃ punaḥ

70.227

itaścāsti janānnde, laṅkāsaṅkākare pure | jitaśatrurdharitrīśo, dhāriṇī cāsya vallabhā

70.228

so'pi ratnavatījīvaścyutvā māhendrakalpataḥ | devyāḥ kukṣisarohaṃsī, jajñe prītimatī sutā

70.229

athāsau yauvanaṃ prāptā, pratijñāmiti nirmame | vidyayā māṃ vijettā yaḥ, sa me bhartā bhaviṣyati

70.230

svayaṃvarārthamurvīśastato nirmāya maṇḍapam | pañceṣurocipo bhūrrīnamīmiladilādhipān

70.231

sapāñcālīprapañceṣu, te mañceṣu niṣādinaḥ | kiranti rāgaṃ pratyaṅgaṃ, bhūṣāmaṇivibhānibhān

70.232

atrāntare nareśasya, sacivasya ca tau sutau | paśyantau kāśyapīkhaṇḍamakhaṇḍasmayamayīyatuḥ

70.233

vidhāya gulikāyogādanyaṃ veṣamubhau tataḥ | mūle mañcasya kasyāpi, sthitāvuccālakautukau

70.234

kasyāścinmañcapāñcālyā, mūrdhni nyastakarāmbujaḥ
kumārastasthivān paśyan, bhūbhujastṛṇavat tadā

70.235

atha raṅgapathakroḍaṃ, prāpa prītimatī tadā | purovartipratihārīprathitāgraprathāntarā

70.236

samālokya samāyāntīmatha te pṛthivībhṛtaḥ | ceṣṭāntarāṇi tatkālaṃ, cakrire calacetasaḥ

70.237

paribhrāmyati līlābye, cakṣuścikṣepa kaścana | iha tadvaktraśobhā'sti, na vetīva vilokayan

70.177

magne sainye praṇihito, jñātvā taṃ 1nṛpanandanam | raṇaṃ nirmucya papraccha, kuśalaṃ kośaleśvaraḥ

70.178

pitṛmitraṃ kumāro'pi, taṃ matvā mantriṇo girā | namaścakāra tatkālāhaṅkārapraṃśabhāsuraḥ

70.179

sutā kanakamālā'smai, kumārāya mahībhujā | dattā pramathanāthāya, pārvatīya himādriṇā

70.180

atha deśāntarālokakautukāyattacetasau | niśi niḥsṛtya mantrīśa-dhātrīśatanūjau gatau

70.181

atha tau kānane kvāpi, kāminyāḥ karuṇānvam | ākarṇya kālikādevyā, mandire jagmaturjavāt

70.182

samīpe vahnikuṇḍasya, rudatīṃ kāmapi striyam | vīro vyalokayat tatra, kāntāṃ kenāpi khaṅginā

70.183

atha taṃ prathitotsāhaḥ, kumāraḥ prāha khaṅginam | na vetsi krūra ! re ! mūrkha, mayā sasvāmikāmiti

70.184

vidyate yadi te śaktirvidhehi pradhanaṃ tataḥ | ityākarṇya drutaṃ so'pi, calitaḥ kalitaḥ krudhā

70.185

samullasitaniśtriṃśau, raṇāya sphuritau tataḥ | etāvutpāṭitoddaṇḍaśuṇḍādaṇḍāviva dvipau

70.186

khaṅgena dhārayā dhārāṃ, vārayantau muhurmithaḥ | yuyudhātetarāmetau, dantābhyāmiva dantinau

70.187

tamajeyatamaṃ matvā, kumāramasinā puraḥ | krīḍayā pīḍayāmāsa, nāgapāśapravandhataḥ

70.188

balīvandhāniva gajaḥ, sa jagatkautukapradaḥ | nṛpasūnurbalenaiva, nāgapāśānatutruṭat

70.189

locane vañcayitvā'tha, kumāreṇa raṇāṅgaṇe | kālindīsrotaseva durarātiḥ pātito'sinā

70.190

mūrcchā nimīlayāmāsa, tasyendriyagaṇaṃ tataḥ | samullasattamaḥstomā, padmakhaṇḍamiva kṣapā

70.191

atha pānīyamānīya, taṃ niṣicya nṛpāṅgajaḥ | calacelāñcalonmīlanmāruterudajīvayat

70.192

samprītaḥ so'pi mūrcchānte, bhūpasūnumabhāṣata | vimṛṣya dhūlikāmetāṃ, lepaṃ ghāteṣu dehi me

70.193

śrutveti bhūpaputro'pi, cakre tasya vacaḥ kṣaṇāt | nīre rekheva tatvaṅgakṣatirdehe tadā'milat

70.194

athotthitaḥ sa vīreṇa, kā'sau ? ko'sīti bhāṣitaḥ | udbuddhavadanāmbhojamarandamadhuraṃ vacaḥ

70.195

yāste puraśriyā sīmā, puraṃ śrīrathanūpuram | tasminnamṛtasenākhyaḥ, kṣitipaḥ khecareśvaraḥ

70.196

asti kīrtimatī nāma, tasya kīrtimatī priyā | ratnamālā'bhidhā bālā, ratirūpā tayoriyam

70.197

hariṇandidharādhīśatanūbhūraparājitaḥ | asyā bhaviṣyati patirjñāneneti 4niveditam

70.198

śrīṣeṇanandanaḥ śūrakāntanāmā'smi khecaraḥ | lāvaṇyalaharīsindhumenāṃ yācitavānaham

70.199

aparājita eva syāt, priyo me hariṇandibhūḥ | praviśāmyathavā vahniṃ, cakre niścayamityasau

70.200

apahṛtya tataḥ kopādānīteyaṃ mayā vane | maktimiḥ śaktimiścāpi, cāpalāddarśitā bhṛśam

70.201

pūrayiṣyāmi te vahnipraveśaniyamaṃ tataḥ | ityuktvā kṛpaniśtriṃśo, mayi vīra ! tvamāgataḥ

First 200 of 284 passages. Read on

Linked texts (3)

Dharmābhyudaya — Udayaprabhā Sūri, Sanskrit
Dharmābhyudayamahākāvya — Udayaprabha, Sanskrit
Nemināthacaritra (Guṇavijaya) — Guṇavijaya 1586, Sanskrit