Pamcasaga 17

Paṃcāsaga 17

Language: Māhārāṣṭrī Prakrit

17.1

ahigaraṇaṃ. vāsiukkhalasilāputtagagohumajaṃtai saṃjuyaṃ-saṃjuttaṃ kiriyāsamatthaṃ ahigaraṇaṃ, tattha sāmāyārī-“ sāvageṇa na
saṃjuttāṇi ceva sagaḍāīṇi dhāreyavvāṇi evaṃ vāsīpharasumāivibhāsā puvvaṃ ceva kajjai visaṃjoiaṃti, pacchā logā na
rusaṃti, aggīvi jāhe gihatthehi sagihesu pajjāliyo hoi tāhe pajjālei, gāvio paḍhamaṃ na pasarāvei na āheḍeitti jaṃ
bhaṇiyaṃ hoi, halavattaṃyaṃpi paḍhamaṃ na karei evamādi, ” eso puṇa hiṃsappayāṇavayassa aiyāro | tahā uvabhogaparībhogāiregaṃyati-uvabhogāṇa-pupphataṃbolaṇhāṇavilevaṇāīṇaṃ airegaṃya-arihagattaṃ uvabhogaparibhogātiregaṃyaṃ, cakāro samuccaye, etthaaṇatthadaṃḍaviratīe vajjei-pariharai, etthavi sāmāyārī-“uvabhogaparibhogāirittāṇi jai bahuṇi tellāmalagāṇi geṇhai tadā
tallobheṇa bahugā ṇhāṇagā taḍāgāisu ṇhāuṃ vaccaṃti, tao ya pūyaragaāukāyāivaho bahugo hoi, evaṃ pupphataṃbolamāisu vibhāsā,
evaṃ ca na vaṭṭai, tao ko vihī uvabhoge ?, tattha ṇhāṇe tāva ghare cevaṃ ṇhāiyavvaṃ, jai natthi ghare sāmaggī tadā tellāmalaehiṃ
sīsaṃ ghāsittā tāṇi ya savvāṇi sāḍeūṇa taḍāgāīṇaṃ taḍaniviṭṭho pāliṃya ca kāūṇa vatthāigāliyajaleṇa aṃjalīhiṃ ṇhāi, tahā
jesu pupphesu kuṃthumāīṇi saṃbhavaṃti tāṇi pariharaitti,” esovi pamāyayāriyavae ceva aiyāro visayasarūvo esotti kāuṃ, avajjhāṇāyariyavae puṇa aṇāmogāiṇā avajjhāṇe payaṭṭaṃtassa aiyāro, kaṃdappāiṃ paṃcavi āuḍḍīyāe kīramāṇā bhaṃgā eva nāyavvā,
jao bhaṇiyaṃ-“kaṃdappāi uveccā kuvvaṃto aikiliṭṭhapariṇāmo | pāvassudaeṇa gihī bhaṃjai eyaṃ avitthāṇo

17.1-2

” saṃpayaṃ bhāvaṇādāraṃ-tattha-“citteyavvaṃ ca namo saatthagāīṃpi jehiṃ pāvāī | sāhūhi vajjiyāī niratthagāī ca savāī

17.1-3

” tahā-“ciṃtiṃti
kareṃti sayaṃti jaṃti jaṃpaṃti kiṃpi jayaṇāe | tamunauttā samaṃ je te sāhū namaṃsāmi

17.24

” bhaṇiyaṃ taiyaṃ guṇavayaṃ

17.25

tabbhamaṇāo bhaṇiyāṇi guṇavayāṇi | iyāṇiṃ sikkhāvayāṇi bhannaṃti, tattha sikkhā-abbhāso tāe juttāṇi vayāṇi sikkhāvayāṇi puṇo puṇo āsevaṇīyāṇi ityarthaḥ, tāṇi puṇa sāmāiyāīṇi cattāri, tattha tāva sāmāiyaṃ bhannaisikkhāvayaṃ tu etthaṃ sāmāiyamo tayaṃ tu vinneyaṃ | sāvajjajogavajaṇamāsevaṇarūvaṃ

Commentaries (1)

Cūrṇi of Yaśodeva — Yaśodeva, Prakrit