Pamcasaga 31

Paṃcāsaga 31

Language: Māhārāṣṭrī Prakrit

31.1

”tti
tami kae vajjejjā paṃcaiyāre ime u jiṇa bhaṇie | ihaparaloe maraṇe jīviyakāmesu āsaṃsā

eīe gāhāe vakkhāṇaṃ-ihatti-ihalogāsaṃsappaogo ihalogo-maṇussalogo tammi āsaṃsā abhilāso tīse paogovāvāraṇa, jahā-rāyā amacco seṭṭhī vā bhavejjāmi ahaṃ, rāyāīṇaṃ riddhiṃ pattheitti jaṃ bhaṇiyaṃ hoi, evaṃ paralogāsaṃsappaogo,
paralogo-devalogo, devo homiti patthei | evaṃ jīvithāsaṃsappaogo, jai bahukālaṃ jīvāmici, eso puṇa evaṃ mannai, tattha
mallaputthavāyaṇāḍyābahuparicāradaṃsaṇāo jaṇasāhusakkārasavaṇāo ya evaṃ mannei, jīviyameva me seyaṃ kayaaṇasaṇassavi, jao
evaṃvihā imā vibhūī mamuddeseṇa vaṭṭaitti | evaṃ maraṇāsaṃsappaogo, jayā taṃ paḍivannaṇasaṇa na koī gavesei, pūyaṃ guṇagahaṇaṃ vā na
koī karei, tao tassa evaṃviho cittapariṇāmo bhavai-jai ahaṃ apunnakammā sigdhaṃ marāmi to suṃdaraṃti, ahavā aṇiṭṭhehiṃ phāsāhiṃ
puṭṭho mariumicchai | tahā-kāmabhogāsaṃsappaogo, jadhā jammaṃtare cakkavaṭṭivāsudevamahāmaṃḍaliyabhogo rūvassī vā bhavejjāmitti
patthei | esa ceva paḍhamacarimāiyāraṇa viseso-jamettha kāmabhoge patthei tattha puṇa riddhivisesaṃti, ettha baṃbhadatto udāharaṃṇa
“iyapaḍivannaṇasaṇo sammaṃ bhāvijja bhāvaṇāu subhā | egattāṇiccattāsuittaannattapabhiio

31.2

egohaṃ natthi me
koi nāhamavi kassavi | paraṃ dhammo jiṇakkhāo ettha majjha vihajjao

31.3

aṇiccaṃ jīviyaṃ deho, jovaṇaṃ piyasaṃgamo | natthi etthaṃ dhuvaṃ kiṃpi, jattha rāo vihīyai

31.4

deho jīvassa āvāso so ya sukkāiṃsaṃbhavo | dhāūrūvo malāhāro
suināma kahaṃ bhave

31.5

egame me sāsao appā ṇāṇadaṃsaṇasaṃjuo | sesā me bāhirā bhāvā, savve saṃjogalakkhaṇā

31.6

saṃjogamūlā jīveṇaṃ, pattā dukkhaparaṃparā | tamhā saṃjogasaṃbaṃdhaṃ, jāvajīvāe vajjae

31.7

jammajarāmaraṇajalo aṇāimaṃ vasaṇasāvayāiṇṇo | jīvāṇa dukkhaheū kahaṃ ruddo bhavasamuddo

31.8

dhanno haṃ jeṇa mae aṇorapāraṃmi navarameyami | bhavasayasahassadullahaṃ laddhaṃ me dhammajāṇaṃ tu

31.9

eyassa ya bhāveṇaṃ pālijjaṃtassa sai payatteṇaṃ | jammaṃtare
vi jīvo pāveti na dukkhadogaccaṃ

31.10

ciṃtāmaṇī auvo esa auvo ya kapparukkho tti | eyaṃ paramo maṃto eyaṃ paramamayaṃ
pa0 cū0 13
ettha

31.11

itthaṃ veyāvaḍiyaṃ gurumāīṇaṃ mahāṇubhāvāṇaṃ | jesi pabhāveṇeyaṃ pattaṃ taha pālithaṃ ceva

31.12

tesiṃ namo bhāveṇaṃ
puṇovi tesi ceva namo | aṇunakayaparahirayā je eyaṃ deṃti jīvāṇaṃ

31.13

emāi bhāviyappā suddhajjhāṇo gamei taṃ
kālaṃ | āsannagayabharaṇo geṇhejja tao namokkāraṃ

31.14

jao-coddasapuvvadharāvi hu suyakevaliṇovi muṇiyasavvatthā | tevi hu
savaṃ mottuṃ pajjaṃte liṃti navakāraṃ

31.15

evaṃ tu bhāvaṇāo jāyai peccāvi bohilābhotti | aṭhṭhamāsāisayāo taddovamāṇāu eyāu

31.16

kusumehiṃ vāsiyāṇaṃ tilāṇa tellevi jāyai suyaṃdhaṃ | eovamā hu boho pannattā vīyarāgehiṃ

31.17

kusumasamamā aṭhṭhamāsā jiṇadhammasaneha hoṃti ṇāyavvā | tilatullā puṇa jīvā tellasamo pecca tavbhāvo

31.18

iya apparivaḍiyaguṇāṇubhāvao baṃdhahāsabhāvāo | puvillassa ya khayao sāsayasokkho sayāmokkho

31.40

" annaṃ ca-vihisesamimassa
vocchāmi-bhaṇiyavihi avekkhāe abhāṇiyavihī visesaṃsaṃ taṃ imassa sāvagadhammassa vocchāmi-bhaṇissāmi

31.41

nivasejja tattha saddho sāhūṇaṃ jattha hojja saṃpāo | ceiyaharāī jaṃmi ya tatthannasāhassimayā ceva

31.42

navakāreṇa viboho aṇusaraṇaṃ sāvao vayāī me | jogo ciivaṃdaṇamo paccakkhāṇaṃ ca vihipuvvaṃ

31.43

taha ceīharagamaṇaṃ sakkāro vaṃdaṇaṃ gurusagāse | paccakkhāṇaṃ savaṇaṃ jaipucchā uciyakaraṇijjaṃ

31.44

puvvaṃ arihaṃtapaḍimāe kāyavvaṃ, vaṃdaṇa-ceiyavaṃdaṇaṃ, tao gurusagāse-gurusamīve paccakkhāṇaṃ sayaṃ gahiuṃyapaccakkhāṇassa gurusattikagattakaraṇaṃ, tao gurusagāse ceva savaṇaṃ āgamassa, tao jaipucchā-sāhusarīrasaṃbhavattā pucchiuyavvā, evaṃ hi viṇao pautto
bhavati, tattha uciyakaraṇijjaṃ-sāhussa gilāṇāibhāve osahapayāṇa uvaesāi kāyavvaṃ, annahā pucchā nāisaphalā hoitti 43
aviruddho vavahāro kāle taha bhoyaṇaṃ ca saṃvaraṇaṃ | ceiharāgamasavaṇaṃ sakkāro vaṃdaṇāī ya

Commentaries (1)

Cūrṇi of Yaśodeva — Yaśodeva, Prakrit