Pamcasaga 9
Paṃcāsaga 9
- Language
- Māhārāṣṭrī Prakrit
9.1
jāyai ciṃtā, biie diṭṭhimicchuī | taie dīhanissāso, cautthe jaramādise
9.2
paṃcame ujjhae aṃgaṃ, chaṭṭhe bhattaṃ
na ruccaī | sattame u bhave kaṃpo, ummāo aṭṭhame tahā
9.1-2
navame jīvasaṃdeho, dasame jīviyaṃ cae |” ahavā aṇṇeṇa
pagāreṇa baṃbhacerasarūvaṃ bhaṇṇai-dasahā vā aṭṭhahā vā vi, tattha dasahā-mehuṇāidasappagārakāmavajjaṇā dasavihaṃ baṃbhaceraṃ hoi,
dasavihakāmo ya imo-“ mehuṇa 1 maṇusaraṇaṃ 2 vāsaṇāīya 3 icchā 4 tahiṃdiyālogo 5 | vissarasa 6 visaya 7
vigahā 8 vibhūsā 9 saṃsattasevā ya 10
9.1-3
” etthaṃe attho-mehuṇaṃti-sacittācittachiddasevaṇaṃ, aṇusaraṇaṃti puvvakīḷiyaciṃtaṇaṃ, vāsaṇaṃti dhāraṇāvisesarūvā, icchaṃti-sevābhilāso, taddaṃti pāyarapūraṇe, iṃdiyālogaṃti-itthīṇaṃ maṇoramiṃdiyanijjhāyaṇaṃ, vissarasatti vihaṃgarasā jehiṃ uvabhuṃjaṃtehiṃ sattamadhāūvacao hoi, visayatti saddadasāī, vigahaṃti itthīnevatthāikahā, vibhūsatti rāḍhā saṃsattasevatti itthiyāhiṃ saha tapparibhuttāṇaṃ vā sayaṇāsaṇāīṇaṃ āsu tāo paribhogo, casaddo
samuccae | aṭṭhahā puṇa evaṃ-“ saraṇaṃ 1 kittaṇaṃ 2 kelī 3 pekhaṇaṃ 4 gujjhabhāsaṇaṃ 5 | saṃkappo 6 ajjhavasāo ya 7
kiriyānipphatti aṭṭhamā
9.15
” eyāo aṭṭhapagārāo nivittī aṭṭhapagāraṃ baṃbhaceraṃ hoitti | evaṃ sāmanneṇa aṇegapagāraṃ
baṃbhaceraṃ bhaṇiyaṃ | saṃpayaṃ jārisaṃ aṇuvayaṃ hoi tārisaṃ bhannaiparadārassa ya viraī orālaviuvvibheyao duvihaṃ | etthimaha muṇeyavvaṃ sadārasaṃtosamo ettha
9.16
paradārassatti pare attaṇo anne purisā 1 tahā maṇussajāiavekkhāe devā 2 tiricā ya 3 pare | tesiṃ dārāpariṇīyāṇi saṃgahiyāṇi ya kalattāṇi 1 devīo 2 tiricchio ya 3 paradārā bhannaṃti, jaivi apariggahiyadevīo
tathā sammaddiṭṭhissa kannāhalalāmecchā na saṃbhavai, micchattāvirauttikāuṃ, aha bhaṇaha micchaddiṭṭhissa aṇuvayāṇaṃ
saṃbhavo ceva natthittikāuṃ kahaṃ kannāhalalāmicchā paravivāhakaraṇarūvāiyārakāraṇaṃ ti ?, saccameyaṃ, kevalaṃ sammaddiṭṭhissavi
āniuṇassa sā saṃbhavai, tahā ahābhaddagassa micchaddiṭṭhissavi suggaipavesaṇanimittaṃ abhiggahamettaṃ deṃtivi gīyatthā | jahā
kira ajjasuhatthiṇā āyarieṇa damagassa savvaviraī dinnā | evaṃ puṇa paravivāhavajjaṇaṃ niyaaccavaccairittesu ceva juttaṃ, annahā
jai niyaaccāṇi na vivāhavijjaṃti tayā apariṇīyā kannā sacchaṃdacāriṇī hoi, tato sāsaṇovaghāo, kayavivāhā puṇa
vihiyāviraibaṃdhaṇattikāuṃ na sacchaṃdacāriṇī hoi | jaṃ puṇa puvvaṃ bhaṇiyaṃ niyaaccesuvi saṃkhābhiggaho jutto, taṃ jai koi aho
ciṃtago hoi tayā juttaṃ, ahavā avaccasaṃkhāsamattīe jai ahigāvaccuppattiparihārovāyaṃ karei to saṃkhābhiggaho juttotti
anne āyariyā evaṃ bhaṇaṃti-“ paro anno jo vivāho appaṇo ceva sa paravivāho, kiṃ bhaṇiyaṃ hoi ?, bhannai-visisusatosābhāvāo appaṇā annāu kannāu pariṇeitti | eso puṇa aiyāro sadārasaṃtuṭṭhassa hoi, ” itthīe puṇa sadārasaṃtosaparadāravajjaṇameyā natthi, sapurisavairittā anne savve parapurisattikāuṃ, tao aṇaṃgakīḍāparavivāhakaraṇakāmabhogativvābhilāsalakkhaṇā
tinni aiyārā jahā sadārasaṃtuṭṭhassa tahā itthiyāevi sapurisasaṃtosae hoṃti | ittarapariggahiyāgamaṇarūvo paḍhamaiyāro puṇa jayā
sapuriso savakkīe niyavārayadiase pariggahio hoi, tayā savakkīvāragaṃ aikkamikaṇa sapurisaṃ paribhuṃjaṃtīe aiyāro hoti | apariggahiyāgamaṇalakkhaṇo bīyāiyāro puṇa aikkamāiṇā purisaṃ gacchaṃtīe nāyavvo, baṃbhayārissa puṇa savvattha aikkamāiṇā savve
vi aiyārā bhavaṃti karakammāīhi ya
Commentaries (1)
- Cūrṇi of Yaśodeva — Yaśodeva, Prakrit