Nirvanakalika p6

p6

ni. ka. 1
Jain Education Intern
*%*
śrī vighnaughasaṃchedine namaḥ |
bhūmikā.
-5000
ke ke na kālamāhātmyavido vidvāṃsa iti vidanti yatkālo'yamupacayāpacayayorbhāvānāṃ vidhāyakatayā kathyate suṣamasuṣamādirūpaḥ kṛtādirūpo vā | tatrāyaṃ prativicāro yat kālasya tadviśeṣasya vā vastujātasādhāraṇakāraṇatvena saṃgatasya saṃparkādāvirbhavati bhāvānāmupacayo'pacayo vota bhāvānāmupacayāpacayābhyāmāropitaṃ bhavati kāle suṣamasuṣamādivaiśiṣṭyam | arthāt kālaḥ svabhāvādeva tathāvidhatathā| vidhadharmaparādhīno balādiva bhāvānāmupacayāpacayayoḥ prayojako bhavatyuta bhāvā evāvaśyaṃbhāvitādṛśatādṛśopacayāpacayatatkāraṇabhūtadharmaviśeṣaparādhīnāḥ kālasya tathāvidhatathāvidhābhilāpe prayojakā bhavantīti ( evaṃ kṣetrasyāpi prayojakatohyā) dravyakṣetrakālabhāvādipadārthāntarāpekṣābalena syādvādibhirvidvadbhissamarthito'pi tādṛśastādṛśo bhāvaprakarṣāpakarṣānyatararūpaḥ paryāyāparaparyāyo bhāvavikāro nopakaroti kālatāratamyasyetthaṃbhāvena nirūpaṇe | evaṃ prāpte visaṃvāde kecanocchṛṅkhalā navīnāḥ kālastu paramamahattvādekatvādākāśādivannirlepastatra tatra pratīyamāno dharmaviśeṣaḥ kalyādirūpo duḥṣamaduḥṣamādirūpo vā vyavahārasādhāraṇo bhāktaḥ | bhāvānāmupacayabāhulye bhavati vyavahāro'nukūlo'yaṃ | kāla iti | tathaiva bhāvānāmapacayabāhulye pratikūlo'yaṃ kāla iti bhavati vyavahāraḥ ( evaṃ digādigato'pyanukūlatvānanukūlatvavyavahāro ( bhāktaḥ ) | asminneva ca samaye saṃgatā bhavanti lokoktayo rājā kālasya kāraṇamityādayaḥ | nirupādhistu kālaḥ kalpāyuṣāpi na śakyo